¹ E a mani yaco ena dua na siga ni vacecegu, ena nona a qai ki na nona na vale e dua vi ira nai liuliu ni Farisi me qai ki kana madrai, era varaici koya ² ka raicia, sa tu e matana e dua sa tauvi koya tu na buketevatu ³ A sa vosa ko Jisu vi ira vuni vunau ki ira voki lia na Farisi ,"e tara me caka na vivabulai ena siga ni vacecegu se yali? ⁴ A ra sa galu kece lia .A sa tauri koya,ka vabula,ka vatala yani ⁵ A sa vosa vi ira ka tukunia, ko cei vi ikodou e lutu ena davuke na nona Asa se Bulumakau ena yali ni yavia cake vatotolo ena siga ni vacecegu? ⁶ "A ra ni yali ni vosa rawa voki vua ena ka koya. ⁷ A sa tukunia e dua na vosa vatautauvata vi ira era sa sureti, ni sa raici ira ni ra sa digitakia nai tikotiko vaturaga, a sa varaitakia ko koya vi ira ⁸ ni sa sureti iko e dua kina maginiti ni vawati, kakua ni tiko sobu enai tikotiko vaturaga, de sa uasivi cake vi iko e dua voki sa sureti mai ⁹ Ka qai mai ko koya sa sureti kodrau, ka varaitakia vi iko, solia na tikinia koya vi koya, ko na qai madua ni ko qai kina tikinia ki ra sara . ¹⁰ Ia ni ko sa sureti, qai ki na tikina ki ra sara, me varaitakia vi iko koya sa sureti iko ni sa qai mai na wekaqu, qai mada ki cake ko na qai dokai ena matadra era sa tiko vata ki iko me kana. ¹¹ Ia ko koya yadua sa valevulevui koya ena vamalumalumutakia, "ia ko koya yadua ena vamalumalutaki koya ena valevulevui." ¹² sa varaitakia voki lia ko koya vua sa sureti koya, ni ko sa varautakia na maginiti ni vasigalevu se varaiyavi, kakua ni sureti ira na wekamu, se na tuakamu se tacimu, se na kai nomu se nomu lewe ni koro e vutuniyau, "de ra na sureti iko ko na qai saumia ¹³ Ia ni ko sa varautakia na magiti, sureti ira lia na dravuadravua , na lokiloki, na gera, na mataboko. ¹⁴ Ko na qai kalouagata kinia ni ra sa yali ni saumia rawa vi iko, ia ko na saumi ni ra na tucake voki mai na mate ko ira na yalododonu, ¹⁵ Ia ni sa rogocia na veika koya e dua vi ira sa tiko kaya me kana, sa varaitakia vua, sa kalougata ko koya ena kana madrai ena matanitu ni Kalou ¹⁶ .Sa qai varaitakia vua ko koya, sa dua na tamata sa varautakia e dua na magiti levu ni varaiyavi, a sa sureti ira na lewe levu. ¹⁷ Ia ni sa yaco na gauna me kinia nai varaiyavi, sa tala na nona tamata me varautakia vi ira era sureti, dou qai mai sa varau tu na ka kece lia. ¹⁸ Ia ko ira yadua era lomavata me ra dui vadredreti ira kinia meu kakua ni qai ,sa varaitakia vua e dua, au sa volia e dua na tiki ni vanua ka sa dodonu meu qai ka raicia. ¹⁹ Au sa masuti iko kinia meu kakua ni qai voki yani . ²⁰ A sa tukunia e dua tani, au volia e tini na pulumakau, ia kau sa qai vatovolei ira, au masuti iko kinia meu kakua ni qai voki yani ²¹ Sa qai mai na tamata koya ,ka varaitakia vua na nona turaga na veika koya. Sa qai cudru nai taukei, a sa tukunia vua na nona tamata, qai sara ki tuba ki na vi salatu ki na vi saqata ni koro ka yadi ira mai dravudravua vata ki na gera vata ki na lokiloki vata ki na mataboko. ²² Sa mani tukunia na tamata dauviqaravi, Ikonu na Turaga, sa caka lia me vaka na nomuni vosa, ia sa vo lia na vale. ²³ A sa tukunia na turaga vua na tamata, Qai kinia visalatu vata ki visala viribaiti, ka cikevia mera qai mai, me oso na noqu vale. ²⁴ niu sa tukunia vi ikodou, sa yali ni dua na tamata sa sureti ena tovolea na noqui varaiyavi." ²⁵ A ra sa lewe levu sara sa qai vata kaya, a sa vuki ko koya ka tukunia vi ira , ²⁶ kevaka e dua sa qai mai vi au ka yali ni catia na tamana, vata ki na tinana, vata ki na watina, vata ki ira na luvena, vata ki ira na tuakana, vata ki na tacina, vata ki ira na ganena, vata ki na nona bula voki lia ena yali ni rawa me noqu tisaipeli, ²⁷ Ia ko koya voki lia ena yali ni rawa ni colatia nona kauveilatai ka muri au sa yali voki lia ni rawa ni noqu tisaipeli. ²⁸ Ia ko cei vi ikodou kevaka sa via tara vale ena yali ni tiko sobu mada e liu me wilikia na kena i voli se tu vua nai yau me vaotia se yali? ²⁹ De viritakia lia ko koya na kena yavu ka qai yali ni rawatia me vaotia, era na qai valialiai koya ko ira kece lia era sa raicia. ³⁰ A tamata koya sa vatekivu me tara vale, ia ka yali ni rawatia me vaotia ³¹ Se ko cei na tui, sa qai tu me rau vivala kaya e dua voki na tui, ka yali ni tiko sobu mada e liu ka vananumia se sa rawatia me vivala kaya sa lewe ruasagavulu na udolu ni koya meca, ni sa lewe tini lia na udolu na nona se yali. ³² Se ni sa yawa sara ko koya koya sa tala ko koya na mata me rau visorosorovi ³³ Sa vaka voki lia kinia, ko koya yadua vi ikodou sa yali ni dainia na nona ka kece lia sa yali ni rawa ni noqu tisaipeli. ³⁴ A ka vinaka na masima, ia kevaka sa seavu yani na kena tutuina ena qai vatuituinataki voki ena cava? ³⁵ sa qai yali ni yaga ki na were se ki na binibini deni manumanu, se biu lia ki tautuba. o koya sa vadaligana me rogocia, ka mani rogocia sara.