14 ^{1 2 3 4} 1Dou va qara na loloma: dou gadreviaa voki lia na veika vakayalo, ka vakalevu mo dou parofisai. 2Ia ko koya sa vosa e na dua na vosa tani, sa yali ni vosa vei ira na tamata, vua lia na Kalou; ni sa yali e dua sa kila; a sa cavuta ko koya na veika e vuni e na lomana. 3Ia ko koya sa parofisai sa vosa vei ira na tamata me vatataki ira, ka vatavulici ira, ka vacegui ira. 4Ko koya sa vosa e na dua na vosa tani, sa va tataki koya lia; ia ko koya sa parofisai, sa vatataki ira nai soqosoqo lewe ni lotu. ^{5 6} 5Ia kau sa vinakatia mo dou vosa kece lia e na vosa tani e vuqa, ka vakalevu cake mo dou parofisai; ni sa uasivi cake ko koya sa parofisai vei koya sa vosa e na vosa tani e vuqa, kevaka sa yali ni vatakila na kenai balebale ko koya, me vatataki kinia ko ira nai soqosoqo lewe ni lotu. 6Ia sa vakinia, na veiwekani, kevaka kau sa qai vei ikodou ka dauvosa e na vosa tani e vuqa, au na yaga vakacava vei ikodou, kevaka kau sa yali ni vosa voki lia vei ikodou e nai vatakilakila, se e na vuku, se e na parofisai, se e nai va vuvuli? ^{7 8 9} 7Ia na veika sa yali ni bula ka sa daurorogo, se na bitu-ni-vakatagi se na api, kevaka sa yali ni duidui na kena rorogo, ena kilai vakaevei se sa cava nai balebale ni ka sa laga e na bitu-ni-vatagi se na api? 8Ia kevaka ena rorogo na davui-ni-valu ka yali ni kilai na kena rorogo, o cei ena varautaki koya me qai valu? 9Sa vakinia koi ikodou, kevaka dou sa yali ni cavutia na vosa sa kilai rawa, ena kilai vakaevei na ka sa vosataki? dou na vosa loa lia ki na cagi. ^{10 11} 10E dina beka, ni sa vuqa na vosa sa duidui e vuravura, a sa yali e dua sa yali ni vaibalebale. 11Ia kevaka kau sa yali ni kila nai balebale ni vosa, au na kai tani vua sa vosa, ena kai tani voki lia vei au ko koya sa vosa. ^{12 13 14} 12Sa vakakinia koi ikodou, ni dou sa gadrevia na veika vakayalo, dou vakasaqara voki lia mo dou uasivi cake e na ka sa vatataki kinia ko ira nai soqosoqo lewe ni lotu. 13Ia ko koya sa vosa e na dua na vosa tani, me masu voki lia me vatakila rawa na kenai balebale. 14Io, kevaka kau sa masu e na dua na vosa tani, sa masu na yaloqu lia, ka sa yali ni vavuana na noqu nanumia. ^{15 16} 15Sa qai vakaevei? au na masu e na yaloqu, au na masu e na noqu kila voki lia; au na sere e na yaloqu, au na sere e na noqu kila voki lia. 16Kevaka sa yali ni vakinia, ni ko sa vavinavinaka e na yalomu lia, ena vaemeni va evei e na nomu vavinavinaka ko koya sa tiko e na nodra tikina na tamata sa yali ni vuku, ni sa yali ni kila na ka ko sa tukunia? ^{17 18 19} 17Sa dina lia ko sa va vinavinaka vadodonu, ia sa yali ni va tataki kinia ko koya. 18Au sa va vinavinaka vua na Kalou, niu sa uasivi cake vei ikodou kece lia e na vosatakia na vosa tani e vuqa: 19ia kau sa vinakatia valevu meu vosatakia e na noqu kila e lima loa lia na vosa e na kedra maliwa nai soqosoqo lewe ni lotu, meu vavulici ira voki lia kinia na tani, ia kau seceyakia meu cavutia na vosa e tini na udolu e na vosa tani. ^{20 21} 20Oi ikodou na veiwekani, dou kakua ni gone lalai e na vuku; e na lomaca lia mo dou gone lalai, ia e na vuku mo dou tamata bula. 21Sa volai e na vunau, Au na vosa vei ira na tamata koya e na gusu ni kai tani, kei na tebenigusu ni vulagi; ia ni sa vakinia era na qai yali ni rogoci au, sa kaya na Turaga. ^{22 23} 22O koya koya sai vatakilakila vei ira sa yali ni va bautia na vosa tani e vuqa, ia ka sa yali vei ira sa vabautia; ia na parofisai sa yali ni ka vei ira sa yali ni vabautia, vei ira lia sa vabautia. 23Ia kevaka sa soqoni vata e na dua na yasana nai soqosoqo lewe ni lotu taucoko, a ra sa dui vosa kece lia e na vosa e vuqa, a sa qai mai eso sa yali ni vuku, se ra yali ni vabautia, era na yali ni kaya dou sa lialia? ²⁴ Ia kevaka era sa parofisai kece lia, a sa qai mai e dua sa yali ni vabautia, se sa yali ni vuku, sa vacalai kinia ko koya vei ira kece lia, sa lewai ko koya vei ira kece lia: ²⁵ ka sa varaitakia va koya na veika e vuni e na yalona; ena cuva vatoboicu ko koya, ka masu vua na Kalou, ka na tukunia ni sa dina sa tiko vei ikodou na Kalou. ²⁶ Sa qai vaevei, ikodou na veiwekani? ni dou sa soqoni vata, dou sa dui tara yadua na sere, ai vavuvuli, ai vatakilakila, a vosa tani, na lave vosa. Me caka na ka kece lia mo dou vatataki kinia. ²⁷ Kevaka e dua sa vosa e na vosa tani, me lewe rua, se lewe tolu lia, me ra veitaravi yadua lia; ia me dua e lave vosa. ²⁸ Ia kevaka sa yali e dua me lave vosa, me galu lia e nai soqosoqo lewe ni lotu; me vosa vei koya lia vakai koya, vua voki lia na Kalou. ²⁹ Ia me lewe rua se lewe tolu na parofita me vosa, ka me lewa lia ko ira sa vo. ³⁰ Ia kevaka sa vatakilai e dua na ka vua e dua sa tiko voleka, me galu mada ko koya sa liu. ³¹ Ni sa rawa mo dou parofisai kece lia, ia dou ia yadua lia, me vatavulici kece lia, ka vacegui kece lia. ³² Ia sa dui rawa na yalo ni parofita ko ira na parofita. ³³ Ni sa yali ni vu ni veisei na Kalou, sa vu ni vacegu lia, me vaka sa yaco e na nodra i soqosoqo kece lia era sa lotu. ³⁴ Me ra galu lia ko ira na nomudou yalewa e na veisoqosoqo lewe ni lotu: ni sa yali ni tara vei ira me ra vosa; ia me ra yalomalumalumu lia, me vaka na vosa ni vunau. ³⁵ Ia kevaka era sa via kila e dua na ka, me ra dui tarogia na watina mai nodratou; ni sa ka ni veivamaduataki me ra vosa na yalewa e nai soqosoqo lewe ni lotu. ³⁶ Koi ikodou beka sa taka mai kinia na vosa ni Kalou? se sa yaco vei ikodou dua loa lia? ³⁷ Kevaka e dua sa nanumi koya ni sa parofita, se tamata vayalo, me kila mada ni sai vakaro ni Turaga na veika kau sa vola vei ikodou. ³⁸ Ia kevaka e dua sa yali ni kila, ia me kakua lia ni kila. ³⁹ O koya ko ya, na veiwekani, mo dou qai gadrevia mo dou parofisai, kakua voki lia ni tarovia na vosatakia na vosa tani e vuqa. ⁴⁰ Ia me caka me rairai vinaka na ka kece lia, ka vadodonu voki lia.