¹ Eau vei mae ,totsibo kakara te mama ga te ratura, ari mori e ratura keketu ,eia mae vararua ari igogoru bunu. Aramori eia bomuria aigogoru tetara. ² Arimori eia ga pou otaro a auruvara vararua ra bomurira vararua ari bomuri a totsibo tetara,kara oioa arogo e Mama. ³ Arimori mae tatou pou mae vaunini,Tatoupou oiro oioa tavovuro ra tabu, eia kapirobo e tatou. ⁴ Oio arogo arere Pago taua, ea ga gari para,pago sove ratura sotaro oia tabu tasema ita-a pigo eia otaro airuvara gauru. ⁵ Pago eia igo mae tera ari roto rivua vararua ari pou otaro airuvara gauru.Atsi mae eia ga abirivu etatou mae rauratura. ⁶ Igoei tatou pou mae ruratura ta-aro tetara. Avura arere Pago sovea Karurure ratura soiro a tamusi gitou ea tora mae,''Mama Mama''. ⁷ Atsi mae eme gama gari rabibi ra aigogoru ouka. Eme gari ratura ta-aro. Ariga eme gari ratura ta-aro, kokora totsibo kakara te mama ea taume oiro te Pago. ⁸ Aramori oia arogo arei,eme gama rovie Pago.Tauaro ari abita giri-ri tera tabu gitou gaigo eme gari mae rabibi ra aigogoru bunau,ara aramori gitou etauaro gitou gama gari mae pago ita . ⁹ Aramori igoe mutou rovi te Pago, o e au koramuri pepere mae Pago ea rovi e mutou, avura mavei e mutou vera pirivu oio a gabutarara keketu tomia tavovuro tera tabu, ari vavagara mae ari ouka. Mae mutou masaga ari pou oia rumara kapirobo? ¹⁰ Eme igo guru kerira matagaga ra tsirimuri a rogo ma araba tai o tomia totsibo kakara ari gari tomia taumosa. ¹¹ Eau Matau ire mutou, ira igogoru eau igoa tomie mutou ea mae, eau igogoru bunau, kaiara ouka. ¹² Eau matau ire mutou, ira igogoru eau igoa tomie mutou mae eau va ano apeperera soio tamutou wakata mori. ¹³ Aramori mutou rovi mae, airobe ita ga gari oio a vovo eau va ano apeperea soio tamutou wakata mori. ¹⁴ Umara,airobe pou oia vovogu ea abia masukara soio tamutou abia ea mae Gaero o mae Iesu eia mori. ¹⁵ Airabi tamutou tovei? Eau veipara matata agitou, ariga gauru oiere, mutou koramuri abigareia amatamutou abagku. ¹⁶ Mae eau gari mae , iravura eau vei a mura peperera seserera. ¹⁷ Gitou vavagara gabutara tera ari tsirimuri a masagara tegitou. ¹⁸ Ea kokora tera ari a gabutarara ari kerira oia totsibo ari avura kokora . vovuro ari vera kari kerira oia gabutarara ari avura kokora ga pou tomie mutou gama taba e au pou tomie mutou. ¹⁹ Vaunini tegaku , eau abia airirigi ire mutou, airirigi arei eau abia tera ari inoe Iesu ga gari para-a oiro tamutou . ²⁰ Airogu kerira vau ira ga pou tomie mutou ,ira vuroa peperere eau igo soio tamutou, ira vura eau pou tomia airo buruko ra. ²¹ Veia agaku, me erei masaga ari pou o taro oia auruvara va- ateria, eme gama no-oa peperera ra vaterira? ²² Vura mavei , peperera pou mae, Abram eia e ruratura tamimare irua. Ratura ita-a tera tasema ari igo-ogoru ari ta tera tasema ari igo - ogoru ari ta tera tasema ri pou bunau. ²³ Ratura ari gari oio te tasema ra igogoru ea tsirimuria tavovuro gabutarara tera vovo mae ratura ari oio te tasema ari pou bunau ea tsitsiria peperea vaikisira peperera. ²⁴ Totsibo arei tatouga inoa mae ea gari mararani mori. Tasema irua gira abia muri vaikisira peperera. Kontrak ita-a gomai oia mapaitsie sinai ge ratura, tamare eia pigoa eia gari rature ta-aro ari igogoru bunau. ²⁵ Mae more, Haga abia murira amapaitsi e Sinai oioe Arabia ea abia murire Jerusalem tai, ira rova,eia tomie ruratura pou burau mae egitou ari igogoru ira totsibo burau. ²⁶ Arimori Jerusalem terari oata ea taburi baoga eia tsiragatou kakara. ²⁷ Peperera eia taburi mae, tasema ari gama pigo amomogera ea tabu rietsi.Are kasa, tora tomia momogera. Avura tasema ea ga popigo eme gama gabua airirigira pirigo. Gitoue rurature tasema, tamera ritaro egitou ea komuko oia tasema ari pou tome tamare. ²⁸ Mutoue ratamaregu mutou tsi mae Aisak. Mutou tsi mae ruratura vaikisira peperera. ²⁹ Oia arogo arere, abibi arei eia gari oioa masagara avovo eia igo bubunu abibi ari gari oioa karurutabu. Airigo arei eia gari tai igoei. ³⁰ A mautura peperera te Pago vei mave? Ba-ataro a tasema ari gama igogoru tomie ratura.Irarova e rature a tasema atamareo, eia gama ga rova emia totsibo te tamara tomie e rature tasema ari pou bunau. ³¹ Mae ratamaregu, tatou gama e ruratura tasema ari igogoru bunau, arimori tatou e ruratura tasema ari pou bunau.