1 ¹ kotoka kobanunu otokonda mee mwana wane Gayo natomokonda kinekine. ² mokondwa natokoengea okonje mwinjya mwe makomo mase naboa obe ne lokoba lwachilwachi kobobo natocheba ibae lwao le nyaa. ³ ne bomeme kinekine abaka babotwa nao bakine nabwebokechabo bwewe wemondo wa kokomoka mwingya kinekine ne bwewe mokoyakaa ne kuchikaa kwao mwingya kinekine. ⁴ kusi kemo kya mema naane akae kotasi kuingwa ite baana bane basoyea kinekine. ⁵ mokondwa waane ote we kinekine ku bise bise bito baketea babo babotwa nake inde bitabe abo ne beni kwao. ⁶ bwasoebokecha ndabo ya KAKUA kwite kokonda kwabo imboo baecha bayechaye ne lwendo kwe komoa bitachacheke KAKUA ⁷ kobobo chea nendo che koya kwa bwana naabo baokona kokongoseka kesekse kotoka ko bando batasi komocheba KAKUA. ⁸ kobobo toso baocha bakokwache bando bae bobo bibe baebokete meemo amosa naawe kobwa bwe kinekine. ⁹ nasobakunyea mokani kwelya ndabo ya KAKUA bwe diotrefe wangakokonda kuibeka kombaa bwe mokoo omo ndasi nane keeno kemosa ke bokoo. ¹⁰ kobobo akabaka mee ndakookoe makomo mase matoketa awee na koboa mweanda ya bea yanga awe kocha monganda mwane inde bisi bwenee nabobo osokona kobakongoseka babotwa nake bwakae osobachibea babe mokokonda kobakongoseka osobaikita kotoka mwinya mondabo ya KAKU. ¹¹ mokondwa ndekoeya kwabeya eeya bwa chacha otoketa bwa chacha ne wa KAKUA otoketa bwa bea ndana konja komomoa KAKUA. ¹² Demetrio osoebokichibwea bwachi ne mondo ose nani kinekine keene keso moebokechea na mee bwakae nasomoebokecha bwachi naawe otocheba ite bebokechwa byane ne kinekine ¹³ ne namo mabua me kukunyea nebobo imboo sitechaya kalamu ne muchimba we pipii. ¹⁴ natuiyochea kokomoa sese tota choboe lokebo kwe lokebo. ¹⁵ bwachi kwe banu banjinito base baokosekea banjinito base kila mondo ne china yaake.