¹ Nerhi aciba Petro na Yohana baciba balibadesa olubaga,banaciisha Abadahwa bakulu bishengero,n'abasadukayo, ² baliburhe okubona balibayigiriza olubaga,n'okuhamagaza omuntu ye Yesu bufuke bwa bafire. ³ Banaciheba amaboko okubo,na banacibakweba omu mpamikwa kuhika lisirhondo;bulya byalakola bijingo. ⁴ Bonobo,banji babalya bakagi bayunviriza omwanzi bayemera,n'egereke za balume zayinamuka kuhika oku bihubi birhanu ⁵ Lisirhondo,abakulu b'olubaga,abashosi n'abandisi,banacirhimanana e Yerusalemu, ⁶ haguma n'Anne mudahwa mukulu,Kayafa,Yohana,Aleksandre,n'abalya boshi bali omumulala gwa badahwa bakulu. ⁷ Banaciheba omukarhi kabo Petro na YOhana,na banacibados: "Okubuhashe buci,erhi okw'izino lya ndi mwajiraga ebyo?" ⁸ Lero Petro,ayunjwire Muka mwimana,abashuza erhi:bakulu b'olubaga,n'abashosi b'Israeli, ⁹ Bulya rhwono rhuddosibwe ene enyanya ly'aminja gahanyirwe okwoyu muntu mulwala,lyorhuderaga gurhi afumaga, ¹⁰ Mubimanye mweshi,n'oku olubaga lw'israeli loshi lumanye,okw'izino lya Yesu Kristu w'Enazareti,olya mwamanikaga,n'oku Nnamahanga amufulaga omubafire,okuye kwoyu muntu agwerhe amagala nkana embere zinyu. ¹¹ Yesu lyo ibuye likabulirwe naninyu mwemukagi yubaka,nalyabire likulu lyoku burhabi. ¹² Harhanaciba bundi bucunguke omuwundi yeshi yeshi;bulya nta idaku ly'amalunga,er'indi izino lyahanyirwe omu bantu,omulyo rhwanacizibwemwo. ¹³ Nerhi bacibona oburhwali bwa Petro na Yohana,banacirhangala,bamanya oku bali bantu balubaga nanta nyigirizo,na banacibamanya oku bali haguma na Yesu. ¹⁴ Cibabonaga hofi nabo olya muntu wafumaga,barhacishuzagya ciru n'ehitya. ¹⁵ Banacibarhegeka oku bahuluke omuburhimanane,na banacidosanya bonanane baderha:Gurhi rhwajira aba bantu? ¹⁶ Bulya bibonekize oku bali banaburhwa boshi b'Eyerusalemu ecisomerine cidesirwe ca hikirire nabo na rhurha kahasha cilahira. ¹⁷ Ci,nantya ly'ebintu birhakilumira n'obunguke omu lubaga,lahizibo haguma n'okukaliha okuderha kurhenga emwa ngasiye ndi okwer'izino eryo, ¹⁸ Na bana cibahamagala nabanacibalahiza n'obwalagale barhaciderhe n'okuyigiriza okw'izino lya Yesu. ²⁰ Bulya rhurhankasha okurhaderha ebirhwabwine n'okuyunva." ²¹ Banaciri bahebakwo eminyuli mihyahya,n'okubalika,barhacimanyiri kundi gurhi babahana,erhi lubaga lurhuma,bulya boshi bakakuza Nnamahanga oku byobyahikirire. ²² Bulya omuntu wali kantu kufumizibwa kwabisomirine ali wamyaka erhalusire makumyani. ²³ Omukubalika,banacigenda emunda ababo bali,n'okubashambalira byoshi oku abakulu babadahwa n'abashosi oku bababwizire. ²⁴ Nerhi babacibayunva,boshi haguma bayinamulira Nnamahanga izu,n'oku derha;Nnahano wajiraga amalunga,idaho,enyanja,na byoshi bibamo, ²⁵ Wewaderhaga oku MUka mwimana,omukanwa kaba larha,mukozi wawe Daudi,'bulya gurhi olubi lwinji omulubaga,nezi ntanya ibi omugarhi k'ebaga?' ²⁶ Natyo,enyanya ly'omuzirishebo mukozi Yesu wawe,olya washigaga, Abami bomwigulu baciinamwire nabarhwali bacigushire enyanya lya Nnahano n'enyanya ly'omushigwa wage. ²⁷ Herode na Ponto Pilato bacigushire omulu lugo haguma n'ebaga na haguma n'olubaga lw'Israeli, ²⁸ mpu lyo bajira byoshi okuboko na ihano lyawe lyareganyagya kurhaga mira. ²⁹ Nantya,Nnahano,sinza eshumi zabo,n'ohe abakozi bawe okuyalagaza omwanzi gwawe haguma n'oburhwali. ³⁰ Omukulambula oku boko kwawe, lyobashira okuciza ebisomirine n'ebirhangaza okw'izino lyomuzir'ihembo mukozi Yesu wawe. ³¹ Erhi bayusa bashenga,hantu halya balirhimanine hajuguma;banaciyunjula boshi Muka mwimana,na bayalagaza akanwa ka Nnamahaga haguma n'obuhashe. ³² N'olubaga lwabalya bayemeraga bali n'omurhima n'ecinyabuguma,ntaye wakagi derha oku ebyagwerhe biri byage yene,ci boshi bali gwerhe olushangi bone nane. ³³ N'etumwa bakahana haguma n'emisi minji obuhamirize bwokufuka kwa Nnahano Yesu,n'obugashane bwabera kulibo boshi. ³⁴ Bulya ntaye mulibo waciri mugalaganda;boshi abali gwerhe amashwa erhi enyumpa bakaziguza,n'okulerha efaranga zabirya bakagi guzagya. ³⁵ N'okudekereza aha magulu g'etumwa,n'okukajira okugaba oku ngasi ye kushimbanana enyifinjo aligwerhe. ³⁶ Yusufu,ayirikagwa n'etumwa Barnaba,kokuderha mwana w'oburhulirize,mulawi,mwanaburhwa we Chipre, ³⁷ aguza ishwa aligwerhe,alerha efaranga,n'okudekereza aha magulu g'etumwa.