¹ Olusiku lwa pentekoste,bali boshi haguma omuhantu haguma. ² Caligumiriza hana isha empingu olubi nkakulya ce cihukirizo,nacanabumba enyumpa yoshi mulya bali tamire, ³ Ederho zizushanyizibwe n'ederho z'omuliro,zanaberulukana zanarhwa oku ngasi muguma wabo. ⁴ Nabanaciyunjulirana boshi Muka Mwimana,na banacirhondera baderha okuzindi nderho kushimbanana ok'omurhima gwa baha okuhindula. ⁵ Nantya ololusiku haligi Eyerusalemu a Bayahudi bantu bacire,b'ebaga zoshi ziba ndaku ly'amalunga. ⁶ olubi erhi luyunvikana bulya ngasiye akabayunva baderha omuluderho lwage yenene. ⁷ banaciba boshi omukusomerwa n'okurhangala na banakabwirana baguma na bandi,sinzi,kaba bantu balibaderha kabarhali Bagalilaya? ⁸ Nankoku rhuyunvire omuluderho lwirhu rhwenene ngasiye,omuluderho lwirhu rhwa burhagwamo? ⁹ Parte,mede,Elame balya bayubasire Emezopotamia,Eyudea,Kapadokia,Ponto ne Azia, ¹⁰ Frijia,Pamufilia,Emisri olugo lwe Libia balungu b'Ekirene,na balya barhengaga e Roma, ¹¹ Bayahudi bahindamusi,Bakretena Baharabu,rhuli rhwabayunva baderha omuderho zirhu ebijiro bikulu bya Nnamahanga? ¹² Boshi banaba omukurhangala na barhamanyiri okubarhanya,banakacibwira baguma n'abandi,"kwokuderha kurhi oku? ¹³ C'abandi baganya na baderha,bali balibayunjwire edalwe n'ebu." ¹⁴ Cikwone Petro anaciyimanga haguma na balya ikumi na muguma,anayinamula izu,na anababwira okweyi myanzi,"Balume Bayahudi,mumanye ntya na murhege irhwiri oku myanzi yani! ¹⁵ Ababantu barhalalusiri,nkoku muli mwaderha,bulya ziri nsa zi sharhu za lusiku. ¹⁶ Cikwone ebi biri birya byaderhagwa n'omulebi Yoeli: ¹⁷ Omunsiku za buzinda,Nnamahanga adesire,nabulaga Omurhima gwani oku ngasi mubiri goshi,abarhabana n'abanyere binyu bakaleba,emisole y balume binyu yakabona ebibonekerezi,n'abashozi binyu bakalora ebiloro. ¹⁸ Neci,oku bakozi bani balume,n'abakazi bani bakozi omwezo nsiku ezo,na bulaga omurhima gwani,na bashikaleba. ¹⁹ Nalera ebimanyiso enyanya emalunga n'ebisomerine idako oku ndaho,omuko,omuli n'ehitu hyomugi. ²⁰ Izuba lyahindamuka ukaba mwizimya,n'omwezi okuba muko,embere ly'okuyisha k'olusiku lwa Nnahano,lulilusiku lukulu na lwacirhangaza. ²¹ Na ntya ngasi yeshi wahamagala izino lya Nnahano anacunguke. ²² Balume b'israeli yunvi eyi myanzi!Yesu w'Enazareti,oyo mulume oyu Nnamahanga ahamirizagya embere zinyu oku birhangaza,oku bisomirine n'ebimanyiso akolaga okuye,omukagrhi kinyu.na nkoku mubimanyire mwenene. ²³ Oyo mulume,wahanagwa n'etimanyo zihebirweho na kushimbanana okulonza kwa Nnamahaga,mwamumanika,mwamuniga oku maboko bababi,mwamuheba omumifu n'oku musalaba. ²⁴ Nnamahanga anamufula,okumuciza n'emigozi y'olufu,bulya birha nkahashikine oku agwarhwe nalo. ²⁵ Bulya Daudi adesire okuye:nakagibona ngasi mango Nnahano embere zani,bulya ali ekulyo kwani,lyo ntakidundagana. ²⁶ Nakandi omurhima gwani guli omubushagaluke,n'olulimi lwani omumwishigwe,nacirhu omubiri gwaani gwabera umubushagaluke. ²⁷ Bulya orhaleke ubugumana bwani omuncinda yabafire.n'orhankaleka omucesibwa wawe abona obushereze. ²⁸ wamanyisize enjira z'obulamu,wanyujuliriza obushagaluke omukuboneka kw'amalanga gawe. ²⁹ Bene wani,mundikule ndere buzira coba,enyanya ly'emyanzi larha Daudi,okwafire,n'oku ecinda yage ecihali kuhika ene omurhwe bene wirhu. ³⁰ Na nkoku ali mulebi,n'alimanyire oku Nnamahanga alimulaganyize omukulapa oku atamaza muguma w'omubuko bwage oku ntebe, ³¹ bwali bufuke bwa Kristu bwalireganyize n'okuyakuza,aderha oku arhakalekwa omuncinda ya bafire n'oku omubiri gwage gurha nkabona obushereze. ³² Oyu YEsu ye Nnamahanga afulaga, nanirhu rhuli badima rhweshi. ³³ Ayinamulwe ekulyo kwa Nnamahanga,ayankirira emwishe Muka mwimana gulya gwali laganyizibwe,na gulya abulagaga,nkoku muna bwine n'okuyunva. ³⁴ Bulya Daudi arhashoneraga empingu,ci aderha yenene:"otamale ekulyo kwani, ³⁵ kuhika injire abashombanyi bawe cilabariro." ³⁶ N'enyuma y'israeli amanye oku n'obwalagale oku Nnamahaga ajijire Nnahano na Kristu ye Yesu oyu mwamanikaga. ³⁷ Enyuma lyokuyunva ezi nshabalo,baba n'emirhima ehire,na banaci bwira Petro n'ezindi ntumwa,"Bene wirhu gurhi rhwajira nirhu? ³⁸ Petro abashuza,"Muciyunjuze na ngasi muguma winyu abatizibwe okwizino lya Yesu Kristu,oku bwonjo bwe byaha binyu;na ninyu mwa yankirira ecigabi ca Muka Mwimana. ³⁹ Bulya eciragane ciri emwinyu,emwa bana binyu,n'emwa boshi bali hali,n'emwa banji Nnahano Nnamahanga wirhu abahamagalaga." ⁴¹ Nabalya bayemire akanwa kage babatizibwa n'ololusiku esabu yabo y'abigirizibwa ya yushuka nka bihubi bisharhu. ⁴² Banakalama omu migirizo g'Etumwa,omulushagi lw'ecinabuguma,omukukashagira omugati,n'omukukasegera. ⁴³ N'ecoba canagwarha ngasi muguma na byakajirikana bisomirine binji n'ebirhangaza oku ntumwa. ⁴⁴ Na balya bayemerega bali hantu haguma,nabali gwerhe ebintu byoshi oku lushagi. ⁴⁵ Bakaguza ebirugu byabo n'ebintu byabo,na bakabigaba ebihubulwa bonanane,kushimbanana enyifinjo za ngasi ye. ⁴⁶ Banali ngasi lusiku haguma boshi omu ishengero,bakagaba omugati omu nyumpa n'okuya nkirira okalyo kabo n'obushagaluke n'obulembu bw'omurhima; ⁴⁷ Bakakuza Nnamahanga,n'okusimisa ebaga zoshi.na Nnahano akayushula ngasi lusiku ishegero okubo bakagi cuguka.