V 1 Cocirhuma rhwerhwaberirwe obonjo erhi rhuhabwa obukozi,rhurhagonyohala, ² Cikwone rhulahire emyanzi y'eshonyi yalifulisirwe,obwenge bw'okurhebana rhurhabubakwo n'okugusha omwanzi gwa Nnamahanga haguma n'obushumi.ci omukuyerekana okunli mwo rhucimanyikiza oku mirhima ya bantu omu masu ga Nnamahanga. ³ N'akaba Emyanzi ya kalembe rhuyigiriza eciri mifulike,balya bahera bo enafulisirwe. ⁴ Balya barhayemera,mungu w'en'igulu ahusize obukengere,mpu lyo akamole k'Emyanzi minja y'obukuze bwa Kristu,y'eri nshusho ya Nnamahanga erhabamolekere. ⁵ Bulyala arhali rhwene rhuja rhwaciderha,ci Nnahano Yesu Kristu rhuja rhwa manyisa rhwehe rhuli barhumisi binyu erhi buzigire bwa Yesu Kristu burhuma. ⁶ Bulya Nnamahanga waderhaga mpu omumwizimya murhenge obumoleke,yene ye wanamolekeraga omu mirhima yinyu,mpu obulangashane bw'irenge lya Nnamahanga liri ebusu bwa kristu bumanyibwe. ⁷ Cikwonene obwo bugale oumibiri y'obudaka rhubugwasire,lyo bamanya oku obuhashe butyo kuli Nnamahanga burhega,ci arhali kuli rhwe. ⁸ Rhufundire enyunda zoshi,ci rhurhahenagusiri;rhurhamanyiri cici rhulangalirage,ci erhi rhunalangalire. ⁹ Barhulibuzize,cirhurhali balikirire;barhukubire,ci hurhahimirwi. ¹⁰ Amababale g'olufu lwa Yesu,rhugadwire omu mubiri gwirhu ngasi hoshi na ngasi mago,lyobuzine bwa Yesu nabo bubonekera omu mibiri yirhu. ¹¹ Bulya ciru rhukaba rhuzine,ngasi kasanzi rhuli batwire okufa erhi Yesu orhuma,ly'obuzine bwa Yesu nabo bubonekera omu mubiri gwirhu gwafe. ¹² Ntyo olufu ludwirhe lwajira omukolo gwalwo mili rhwe,ci muli mwe buzine. ¹³ Ci kulya kuba nshokano nguma ya buyemere rhugwerhe,nkakulya biyandisirwe,mpu:Nayemire,cocanarhumaga nshambala;nirhu rhuyemire,cocirhuma rhushambala; ¹⁴ bulya rhumanyire oku owafulaga Nnahano Yesu,ayishirhufula nirhu haguma ninyu. ¹⁵ N'ebyo byoshi mwe bibera mpu lyo nshokano nyinji kulusha erhuma omunkwa gwaluga,gunaluze abaguvuga,lyo Nnamahanga aj'irenge. ¹⁶ Cocirhuma rhurhagonyohala.Cikwone oku omuntu orhuli ebuga ashandala,omuntu orhulimwo ahinduka muhyahya gasi lusiku. ¹⁷ Bulya okwola kulibuka hityungunu kwa hisanzi hitya kurhurheganyiza kulusha ngasi lugero mwandu gw'irenge ly'ensiku n'amango. ¹⁸ Cocirhuma rhurhalola ebiboneka birhashinga kashanzi ci ebirhabonekana biri by'ensiku n'amango.