¹ Emvakwaleti tintfo ngabuka ,ngabona umnyango lovuliwe ezulwini. Livi lekucala lengaliva belikhuluma nami ngatsi licilongo, litsi, ''yenyukela lapha, ngitakutjengisa kutsi kumele kwentekeni emvakwaleti tintfo.'' ² Masinyane ngaba kuMoya ,ngabona sihlalo sebukhosi sibekiwe ezulwini, kunemuntfu lohleti kiso. ³ Loyo lebekahleti kiso bekabukeka njengejasiphe nesadiyu. Bekunemushi wenkosazana utungelete sihlalo sebukhosi. Lomushi wenkosazana bewufana nelitje leliluhlata leligugu. ⁴ Sihlalo sebukhosi besitungeletelwe nguletinye tihlalo tebukhosi letatingema-24, Lekwakuhleti luto bantfu labdzala lababengema-24, bambatse tingubo letimhlophe, nemichele yeligolide etinhloko tabo. ⁵ Esihlalweni sebukhosi kwachamuka imibane, nemavi, nekudvuma. Tibane letisikhombisa betivutsa ngaphambi kwesihlalo sebukhosi , tibane letiyimimoya yaNkulunkulu lesikhombisa. ⁶ Ngaphambi kwesihlalo sebukhosi bekunelwandle loluyingilazi, lolwalukhanya . Emkhatsini wesihlalo sebukhosi nasemaceleni kwesihlalo sebukhosi bekunetidalwa letine letiphilako ,tigcwele emehlo, ngembili nangemuva. ⁷ Letidalwa letiphilako betifana nelibhubesi ,sidalwa sesibili lesiphilako besinjengelitfole, sidalwa sesitsatfu lebesiphila besinebuso lobunjengebemuntfu, sidalwa sesine lebesiphila besifana neluseti lolundizako. ⁸ Tidalwa letine lebetiphila tonkhe betinetimphiko letisitfupha, tigcwele emehlo ngetulu nangephansi. Busuku naselangeni atiyekeli kutsi ''Ingcwele, ingcwele, ingcwele Inkhosi Nkulunkulu Somandla, lobekunguye, lokunguye, nalokunguye losatokuta.'' ⁹ Njalo noma ngabe ngunini tidalwa letiphilako natibita bukhosi bakhe, ludvumo, nekubonga loyo lohleti esihlalweni sebukhosi, loyo lophila phakadze naphakadze, ¹⁰ lamalunga langema-24 awa phansi ngaphambi kwaloyo lohleti esihlalweni badvumise loyo lophila phakadze naphakadze. Babeka tandla tabo ngaphambi kwesihlalo sebukhosi, batsi, ¹¹ ''Ufanele wena, Inkhosi yetfu naNkulunkulu wetfu, kwemukela bukhosi kanye neludvumo nemandla, ngobe udale yonkhe intfo , futsi nangentsandvo yakho baphila futsi badalwa.''