¹ Jesu watsi kubo ngicinisile ngitsi kuwe kunebantfu labeme lapha labangeke bakubone kufa bangakawuboni umbuso waNkulunkulu uta nemandla. ² Emvakwemalanga lasitfupha Jesu watsatsa Phetro kanye naJakobe kanye naJohane wahamba nabo wenyuka intsaba lendze wagucuka simo sakhe. ³ Tembatfo taJesu tagucuka tamanyatela taba mhlophe nke kwakute tembatfo letingafaniswa nato emhlabeni. ⁴ Elija naMosi babonakala kubo,bakhuluma naJesu. ⁵ Phetro waphendvula watsi kuJesu, ''Mfundzisi,kukahle lokutsi sibe lapha,asakheni emaguma lamatsatfu,linye lakho Jesu, lelinye laMosi, nalelinye lika-Elija''. ⁶ Jesu bekangati kutsi utawutsini, ngoba bebasaba. ⁷ Lifu leta labambonya.Kwevakala liphimbo lichamuka kulelifu, ''Lena yindvodzana yami lengiyitsandzako.Yilaleleni.'' ⁸ Kusenjalo, batsi bayabuka emaceleni, bangasaboni muntfu anabo, kodvwa babona Jesu. ⁹ Basehlela entasi nentsaba, Jesu wabatjela bonkhe kutsi bangatjeli muntfu kuloko labakubonile kuze indvodzana yemuntfu ivuswe kulabafile. ¹⁰ Bagcina lenkhulumo kubo bodvwa, kodvwa bayikhuluma lenkhulumo kubo bodvwa kusho kutsini'' kuvuka kulabafile''. ¹¹ Bambuta batsi, ''Leni tati temtsetfo titsi Elija makete kucala?'' ¹² Jesu watsi kubo, ''Elija uta kucala kutobuyisela tonkhe tintfo. Leni ke kubhalwe kutsi indvodzana yemuntfu ifanenelwe tihlupheko yaphindze yadzelelwa? ¹³ Kodvwa ngitsi kuwe Elija utele, kutsi bente konkhe labafuna kutsi akwente njengoba kubhaliwe ngaye.'' ¹⁴ Mabeta kulabafundzi,babona sicuku sebantfu emaceleni kwabo, letati temstetfo bebaphikisana nabo . ¹⁵ Masinyane nababona Jesu, sicuku sebantfu samangala babese bagijimela kuye bamuvusela. ¹⁶ Jesu wabuta bafundzi, ''Niphikisana ngani nabo?'' ¹⁷ Lomunye kulesicuku waphendvula Jesu, ''Mfundzisi, ngiletse indvodzana yami kuwe. Indvodzana inemoya lementa angakhoni kukhuluma ¹⁸ Lingambamba lendvodzana limulahla phansi, ubese uphukuhla emagwebu emlonyeni, bese ugaya ematinyo, abese ayacina. Ngabuta bafundzi kutsi balikhiphe kuye kodvwa abakhonanga.'' ¹⁹ Jesu wabaphendvula watsi, ''Situkulwane lesingakholwa, ngitohlala sikhatsi lesingakanani nawe? Ngitonibeketelela sikhatsi lesingakanani? Muletseni kuJesu.'' ²⁰ Mabaletsa lomfana kuJesu.Lomoya mawubona Jesu, ngekuphutfuma lomoya wamlahla phansi lomfana wachachatela. Lomfana wawa emhlabatsini waphukuhla emagwebu emlonyeni ²¹ . Jesu wabuta babe walomfana, ''Kube sikhatsi lesingakanani solo lomfana anjena?'' Lobabe watsi, ''kusukela ekutalweni kwakhe ²² Bekuvamile kutsi lomfana limjike emlilweni noma emantini lizame kumbhidlita. Nangabe ungakhona kwenta lutfo sihawukele ubese uyasisita''. ²³ Jesu watsi kuye, ''nangabe uyakhona? konkhe kuyenteka kuloyo lokholwako'' ²⁴ Ngekuphutfuma lobabe walomntfwana wakhala watsi, ''ngiyakholwa! Sita kungakholwa kwami!'' ²⁵ Jesu nakabona sicuku sigijima sita kubo, Jesu wacosha umoya longcolile watsi, ''Wena moya wekungakhulumi nawe moya wekungeva, ngiyakutjela kutsi phuma kuye, ungaphindzi ungene kuye futsi''. ²⁶ Lomoya wakhala waphuma kulomfana wachachatela nalelidimoni laphuma. Lomfana wabukeka njengemuntfu lobekafile, njengekusho kwalabanyenti, ''Lomfana ufile'' ²⁷ Kodvwa Jesu wamtsatsa ngesandla wamphakamisa, nalomfana wasukuma. ²⁸ Maketa Jesu kuleyondlu, bafundzi bakhe bambuta ngasense, ''Leni singakhoni kukhipha lomoya?" ²⁹ Jesu watsi kubo, ''Loluhlobo lolu lwemoya ngeke liphume ngaphandle kwemthantazo''. ³⁰ Jesu wahamba nebafundzi bendlula iGalile. Bekangafuni kutsi bati kutsi bebakuphi ³¹ Jesu bekafundzisa bafundzi bakhe. Jesu watsi kubo, ''Indvodzana yemuntfu itawunikelwa etandleni temuntfu, batawuyibulala. Nangabe seyinikelwe ekufeni, ngemuva kwemalanga lamatsatfu itawuvuka futsi' ³² Kodvwa abakucondzanga loyo mulayeto, besaba kumbuta. ³³ Babese bafika eKhaphanawumi. Emuva kwaloko Jesu wangena endlini wababuta, ''Benicoca ngani endleleni?'' ³⁴ Kodvwa babindza. Ngoba bebaphikisana bodvwana endleleni ngekutsi ngubani ³⁵ Lomkhulu. Bahlala phansi, Jesu wabita bafundzi labalishumi nakubili wase utsi kubo, ''nangabe ufuna kuba wekucala kufanele ube wekugcina kubobonkhe ubesikhonti sabobonkhe.'' ³⁶ Jesu watsatsa umfana lomncane wabeka emkhatsini wabo. Jesu watsatsa wambeka emkhonweni wase utsi kubo,' ³⁷ "Loyo lomukela umntfwana egameni laJesu umukela yena Jesu; loyo longemukelako akamukeli mine Jesu kodvwa umukela loyo longitfumile''. ³⁸ Johane watsi kuye, ''Mfundzisi, sibone lomunye umuntfu akhipha emademoni egameni lakho sabese siyamumisa, ngoba akasilandzeni tsine." ³⁹ 'Kodvwa Jesu watsi, ''Ningamvimbi loyo, ngoba kute longenta lokungetulu umsebenti ebitweni lami abese emuva kwaloko asho lokubi ngami . ⁴⁰ Loyo longakamelani natsi unatsi ⁴¹ Loyo lokunika inkomishi yemanti kutsi unatse egameni lami naye unguwa Krestu, ngitsi kuwe angeke alahlekelwe ngumvuzo. ⁴² Loyo lovumela lomunye lomncane kutsi akholwe kimi aphambuke,kuyawuba ncono kuye kutsi kutungeletelwe litje lelikhulu entsanyeni yakhe abese ujikijelwa elwandle ⁴³ Nangabe sandla sakho sikonisa sekwente uphambuke, sijube. kuncono kuwe kutsi ungene emphilweni ukhubatekile kunekutsi ube netandla totimbili uye esihogweni, emlilweni longacimeki ⁴⁴ Lapho tibungu tingafi, nemlilo angeke ucime. ⁴⁵ Nangabe lunyawo lwakho lukonisa, lujube. Kuncono kuwe kutsi ungene emphilweni ukhubatekile kunekutsi ube netinyawo letimbili ujikijelwe esihogweni ⁴⁶ Lapho tibungu tingafi, nemlilo angeke ucime. ⁴⁷ Nangabe liso lakho likonisa,lidzabule. Kuncono kuwe kutsi ungene embusweni waNkulunkulu uneliso linye kunokuba nemehlo lamabili ubese ujikijelwa esihogweni, ⁴⁸ lapho tibungu tingafi, nemlilo ungeke ucime. ⁴⁹ Ngoba bonkhe batawushiswa ngemlilo ⁵⁰ Luswayi lukahle, kodvwa nangabe luswayi lulahlekelwa buswayi balo, ungalenta kanjani kutsi lube luswayi futsi? Banini luswayi, nibe nekuthula kulomunye''.