¹ Kulawo malanga, kwaphindze kwaba nesicuku lesikhulu, besite lesingakudla. Jesu wabita bafundzi bakhe watsi kubo, ² ''Nginesihe ngalesicuku ngobe sekuze kuphele emalanga lamatsatfu banami bete labangakudla. ³ Nangingabatfumela emakhaya bangakadli, bangawa endleleni. Ngobe labanye bachamuka khashane.'' ⁴ Bafundzi bakhe baphendvula, ''Singatitfolaphi tinkhwa letenele kulendzawo leiihlane labantfu ngoba lendzawo ilihlane?" ⁵ Jesu wababuta, ''ninatingaki tinkhwa?''batsi,''tisikhombisa.'' ⁶ Watjela sicuku kutsi sihlale phansi emhlabatsini.watsatsa tinkhwa letisikhombisa,wabonga, wase uyatihlephula.wanika bafundzi bakhe, kutsi banike sicuku. ⁷ Bebanetinhlanti letimbalwa letincane, emuva kwekubonga, watjela bafundzi kutsi banike sicuku. ⁸ Badla basutsa,babutsa timvutfuluka, tagcwala emabhasikidi lasikhombisa lamakhulu. ⁹ Bekunetinkhulungwane letine tebantfu, Wabatfumela emuva. ¹⁰ Masinyane wakhwela esikebheni nebafundzi bakhe, balibangisa esifundzeni saseDalimanutha. ¹¹ Bafarisi baphuma bacala baphikisana naye. Bafuna sibonakaliso lesivela ezulwini, bebamlinga. ¹² Wacucumuka emoyeni watsi, "Yini lesitukulwane sifune sibonakaliso? Ngicinisile ngitsi kini,kute sibonakaliso labatasitfola." ¹³ Wabashiya, wakhwela esikebheni phindze, wawelela ngesheya. ¹⁴ Kulesikhatsi bafundzi bebakhohlwe sinkhwa. Bebete sinkhwa lesendlula sinye lesiphelele esikebheni. ¹⁵ Wabayaleta, kutsi, "Bukani nicaphele ngenca yemvubelo yebaFarisi nemvubelo yaHerodi." ¹⁶ Bafundzi batsintsisana bodvwa, "Ngulokutsi site sinkhwa." ¹⁷ Jesu akwati loko, watsi kubo, "Nicabangelani kutsi site sinkhwa? aniboni? anicondzi?Tinhlitiyo tenu tindzindzima? ¹⁸ Ninemehlo, aniboni?ninetindlebe, aniva? Anikhumbuli? ¹⁹ Nangihlephula tinkhwa letiphelele letisihlanu etinkhulungwaneni letisihlanu, nabutsa mangaki emabhasikidi etimvutfuluka?"Batsi kuye lishumi nakubili." ²⁰ Nangihlephula tinkhwa letisikhombisa emkhatsini webantfu labatinkhulungwane letine mangaki emabhasikidi lagcwele etimvutfuluka tesinkhwa lenatitsatsa?"Batsi, "sikhombisa." ²¹ Watsi, "solo anicondzi?" ²² Befika eBethsaida. Baletsa kuye imphumphutse bancenga Jesu kutsi amtsintse. ²³ Jesu wambamba ngesandla,wamkhiphela ngephandle kwemiti. Sekamkhafulele emehlweni wambeka tandla,wambuta,"Kukhona lokubonako?" ²⁴ Wabuka etulu watsi, "Ngibona bantfu sengatsi tihlahla tihamba." ²⁵ Wabeka tandla emehleni akhe futsi, lendvodza yavula emehlo ayo,yabese iyabona yabona tonkhe tintfo ngalokucacile. ²⁶ Jesu wamtfumela ekhaya watsi, "Ungangeni edolobheni." ²⁷ Jesu wahamba nebafundzi bakhe emitini yaseKhesariya Filiphi.Endleleni wabuta bafundzi bakhe,"Batsi bantfu ngingubani?" ²⁸ Batsi kuye,"Johane umbhabhatisi.Labanye batsi, 'Elija' labanye,munye webaphrofethi." ²⁹ Wababuta, "Nine nitsi ngingubani?"Phetro watsi kuye, "UnguKhristu." ³⁰ Jesu wabayala kutsi bangatjeli muntfu ngaye. ³¹ Wabafundzisa kutsi indvodzana yemuntfu kufanele ihlupheke etintfweni letiningi, yaliwe ngulabadzala belibandla nebapristi labakhulu netati temtsetfo, bese iyabulawa, bese emuva kwemalanga lamatsatfu ivuke. ³² wakhuluma lomlayeto wacaca.Phetro wambitela ngasense wabese uyamkhuta. ³³ Jesu wagucuka wabuka bafundzi bakhe wakhuta Phetro watsi, "Suka kimi Sathane! Ingcondvo yakho ayikho etintfweni taNkulunkulu, kepha etintfweni tebantfu." ³⁴ Wabita sicuku nebafundzi kanye kanye,watsi, "Lofuna kungilandzela, akatidzele,atsatse siphambano sakhe, angilandzele. ³⁵ Lofuna kusindzisa imphilo yakhe utawulahlekelwa ngiyo, lolahlekelwa yimphilo yakhe ngenca yami nangelivangeli utayitfola. ³⁶ Utfolani umuntfu kuzuza umhlaba wonkhe alahlekelwe kuphila kwakhe? ³⁷ Yini umuntfu langantjintjisa ngayo ngemphilo yakhe? ³⁸ Loyo lonemahloni ngami nangemavi ami kulesitukulwane lesiphingako nalesonako, indvodzana yemuntfu itawuba nemahloni ngaye mayifika enkhatimulweni yaBabe kanye netingilosi letingcwele."