¹ Baafarisi naletinye tati lebetibuya eJerusalema tamtungeleta. ² Babona kutsi labanye bebafundzi bakhe babedla sinkhwa ngetandla letingcolile, lokusho kutsi, tingakagezwa. ³ (Phela baFarisi nawo onkhe ema Juda akadli ngaphandle kwekutsi bageze tandla tabo, ngobe babambelele emasikweni alabadzala. ⁴ Uma umFarisi abuya endzaweni yekutsengisela abadli ngaphandle kwekutsi batigeze umtimba, bagcina nalokunye lokunyenti labakutfola, njengekutsi bageze tinkomishi, emabhodo, netitja telitfusi kanye nabosofa labadlela kubo.) ⁵ BaFarisi naletinye tati tambuta Jesu,''kungani kutsi bafundzi bakho bangahambi ngekwemasiko alabadzala, badle sinkhwa sabo ngetandla letingakagezwa?" ⁶ Kodvwa wabaphendvula, "Isaya waprofetha kahle ngani batentisi. Njengoba kubhaliwe, labantfu laba bangihlonipha ngetindzebe kepha tinhlitiyo tabo tikhashane nami. ⁷ Bangidvumisa ngelite, bafundzisa imiyalo yebantfu njengesifundziso sabo.' ⁸ Nishiya imiyalo ya Nkulunkulu nibambisise emasiko ebantfu." ⁹ Waphindze watsi kubo, ''Niyilahla kahle kanjani imiyalo yaNkulunkulu kute nitokhona kugcina emasiko enu! ¹⁰ Mose watsi, '' Hlonipha uyihlo nenyoko , futsi lokhuluma lokubi ngeyihlo nenyoko utawubhubha,' futsi, 'Lokhuluma lokubi ngeyise nobe ngenina utawukufa nekufa.' ¹¹ Kodvwa nine nitsi, 'Uma umutfu atsi kuyise noma unina, "Lonkhe lusito lebekumele nilitfole kimi yiKhobani" ( lokusho kutsi, 'Kunikwe Nkulunkulu'), ¹² anikabe nisamvumela kutsi asite uyise nenina. ¹³ Nenta livi laNkulunkulu lite ngenca yemasiko leniwemukele. futsi kunyenti lenikwentako lokufana naloku. ^{16 14} Wabita sicuku watsi kubo, '' Lalelanikimi, nine nonkhe, nicondze naku. ¹⁵ Kute lokuphuma ngephandle kwemuntfu lokungamngcolisa uma kungena kuye, kepha lokumngcolisako umuntfu ngulokuphuma kuye. ( Letinye tincwadzi takadzeni letetsembekile tite vesi16 Lonendlebe yekuva akeve.) ¹⁷ Kwatsi ke Jesu nakasishiya lesicuku wangena endlini, bafundzi bakhe bambuta ngalomfanekiso, ¹⁸ Jesu watsi '' kantsi nani nisengakabi nako kucondza? Anati yini kutsi kute lokungena ngemlomo lokungamulimata umuntfu, ¹⁹ ngobe akuyi enhlitiyweni yakhe, kodvwa kuya esiswini nakhona kwengce kuye endlini lencane?'' Ngalomusho lona Jesu watsi konkhe kudla kuhlantekile. ²⁰ Watsi, ''Ngulokuphuma kumuntfu lokumngcolisako. ²¹ Ngobe kusuka ngekhatsi kumuntfu, enhlitiyweni, kuvela imicabango lemibi, bugwadla, kuba, kubulala, ²² kuphinga, nekukhanuka, bubi, kukhohlisa, nemanyala, neliso lelibi, kuhleba, kutiphakamisa, nebulima. ²³ Bonkhe lobubi lobu buchamuka ngekhatsi, ngiko lokungcolisa umuntfu. ²⁴ Wasuka lapho waya endzaweni yase Thire nase Sidoni. Wase uya endlini lapho, bekangafuni kwatiwa lapho akhona, kodvwa abe angeke afihlakale. ²⁵ Ecinisweni (lamanye emahumusho atsi "kodvwa"), masinyane Umfati lobekanendvodzakati leseyincane lebeyiphetfwe madimoni eva ngaye, weta wawa etinyaweni takhe. ²⁶ Lomfati abengumuGrikhi, angumSirofenikhe ngekutalwa. Wancusa Jesu kutsi akhiphe lelidimoni endvodzakatini yakhe. ²⁷ Watsi kuye, ''Akucale kondliwe bantfwana. Ngobe akukalungi kutsi kutsatfwe sinkhwa sebantfwana silahlelwe etinjeni.'' ²⁸ Kodvwa waphendvula watsi kuye, ''yebo, Nkhosi, kodvwa nato tinja phansi kwelitafula tiyatitfola timvutfuluka letiwa kulabantfwana''. ²⁹ Watsi kuye, ''Ngenca yaloku lokushilo, ungahamba. Lidimoni seliphumile kulendvodzakati yakho.'' ³⁰ Wajika lomfati wabuyela endlini yakhe wakhandza lendvodzakati yakhe itilalele embhedzeni nelidimoni selihambile. ³¹ Wase uyasuka futsi esifundzeni sase Thire, wadzabula eSidoni alibangise elwandle lwaseGalile kute kube sesifundzeni sase Dekhapholisi. ³² Baletsa kuye umuntfu lobekangeva etindlebeni anebulukhuni bekukhuluma, bamuncusa kutsi abeke tandla takhe kuye. ³³ Wamtsatsa wamsusa kulesicuku wamuyisa endzaweni lelisitsa, wabeka imino yakhe etindlebeni takhe, wase uyakhafuna watsintsa lulwimi lwakhe. ³⁴ Wase ubuka etulu ezulwini, wabubula, wase utsi kuye, "Ephphatha," lokusho kutsi, "Vuleka!" ³⁵ Masinyane tindlebe takhe tavuleka, kuboswa kwelulwimi lwakhe kwakhululeka, wase ucala kukhuluma kahle. ³⁶ Jesu wabayala kutsi bangatjeli muntfu. Kodvwa kwatsi lapho abatjela, kwabangulapho bamemetela kakhulu ngako. ³⁷ Bamangala kakhulu, batsi, ''Wente tonkhe tintfo kahle. wenta ngisho nalabangeva etindlebeni beve nalabangakhulumi bakhulume.''