¹ Asahamba Jesu aphuma ethemphelini, munye webafundzi bakhe watsi kuye, "Mfundzisi, buka nakha ematje lamangalisako nanati takhiwo letimangalisako!''. ² Watsi kuye, "Uyatibona letakhiwo letinkhulu? Kute ngisho linye litje lelitosala kulelinye lingakahhihlitelwa phansi.'' ³ Asahleli eNtsabeni yeMincumo abukene nelithempeli, Phetro, Jakobe, Johane, na Andreya bambuta ngansense, ⁴ 'Sitjele, letintfo titawenteka nini? Kutaba yini tinkhomba nasekutawenteka letintfo?" ⁵ Jesu wase ucala utsi kubo, '' Caphelani kube bete lonidukisako. ⁶ Labanyenti batawufika ngeligama lami batsi, 'nginguye,' batakwedukisa labanyenti. ⁷ Naniva ngetimphi nangemahemuhemu etimphi, ningakhatsateki; letintfo leto kumele tenteke, kodwva kuphela kusengakafiki. ⁸ Sive siyawuvukela lesinye sive, nembuso lomunye umbuso. Kutawuba nekutamatama kwemhlaba etindzaweni letinyenti, nendlala. Lesi sicalo setinhlungu temuhelo. ⁹ ''Hlalani nigadzile. Batoninikela kutiphatsimandla, futsi nitoshaywa emasinagogeni. Nitakuma embikwebabusi nemakhosi, ngenca yami, njengebufakazi kubo. ¹⁰ Kodvwa ke lelivangeli kumele licalwe limenyetelwe kute tonkhe tive. ¹¹ Nabanibopha baninikela, ningakhatsateki ngalenimele nikusho. Ngalelohora, niyotjelwa lenimele nikusho; kutabe kungasakhulumi nine, kutabe kukhuluma uMoya Longcwele. ¹² Telamani titawunikelana ekufeni, nababe umtfwanakhe. Bantfwana batawuvukela batali bente kutsi babulawe. Nitawuzondwa ngibo bonkhe ngengca yelibito lami. ¹³ Kodwva labo labaciniselako kuze kube kusekucigcineni, loyo muntfu utawusindziswa. ¹⁴ ''Nanibona sinengiso ncitsakalo sime lapho kungakameli sime khona,"(Lofundzako akacondze) ''labo labase Judiya ababalekele etintsabeni, ¹⁵ nalabo labasetikwendlu abangehleli endlini nome batsatse lutfo kuyo, ¹⁶ futsi nalabo labasemasimini bangancandzeki kutsi bayolandza lijazi lakhe. ¹⁷ Kodvwa Maye kulabanebantfwana etinyeni nalabamunyisa tinswane kulawo malanga! ¹⁸ Thandazelani kutsi kungenteki ebusika. ¹⁹ Ngobe lawo kutabe kungemalanga ekuhlupheka lokukhulu, lobungazange sebube khona kusukela ekucaleni, Ngesikhatsi Nkulunkulu adala umhlaba, kuze kube ngunyalo, nalokungeke kuphindze kube khona. ²⁰ Kube Inkhosi ayinciphisanga lawo malanga, kute inyama lengasindziswa. Kodwva ngenca yalabakhetsiwe, labo labakhetsa, yawafinyeta lamalanga. ²¹ Ngako nakukhona lotsi kuwe, ''Buka, nangu Khristu!' noma 'Buka, nanguya!' ningakukholwa loko. ²² Ngobe Khristu bemanga nebaphrofethi bemanga batawuvela batawunika tibonakaliso netimangaliso bentelele kukhohlisa, kwabona laba labakhetsekile. ²³ Hlalani nigadzile! nginitjele loku ngesikhatsi. ²⁴ Kodwva emvakweletinhlupheko talawo malanga, lilanga liyoba mnyama, inyanga angeke ikhanyise, ²⁵ tinkhanyeti titakuwa esibhakabhakeni nemandla asezulwini atawutanyatanyiswa. ²⁶ Lapho batawubona iNdvodzana yeMuntfu ita ngemafu ngemandla lamakhulu nangenkhatimulo. ²⁷ Utawubese utfumela tingilozi takhe atobutsanisa ndzawonye labakhetsiwe bakhe kuyo yonkhe imimoya yomine, kusukela ekugcineni kwemhlaba kuya ekugcineni kwesibhakabhaka. ²⁸ Fundzani sifundvo esihlahleni semkhiwa. Ngesikhatsi ligala litsamba lihluma emacembe, niyati kutsi lihlobo selisedvute. ²⁹ Bonani ke, nasenibona letintfo leti setenteka, seniyati kutsi seyidvute, edvute nemasango. ³⁰ Ngicinisile ngitsi kini, lesitukulwane lesi ngeke sendlule tize tonkhe letintfo leti tenteke. ³¹ Lizulu nemhlaba litakwendlula, kodwva emavi ami angeke endlule. ³² Kepha lokuphatselane nalelo langa noma lelo hora, kute lowatiko, Ngisho netingilozi letisezulwini, nandvodzana, kodvwa nguBabe. ³³ ''Caphelani'! Gadzani, ngoba anisati sikhatsi ( Letinye tincwadzi takadzeni tesiGrikhi titsi: " Caphelani, lindzani nithandaze"). ³⁴ Kufana nendvodza letsatsa luhambo - ishiya indlu yayo ibeke tisebenti kube ngito letiphetse lendlu, nguleso nemsebentini waso, iyale balindzi kutsi bahlale babhekile. ³⁵ Ngakoke hlalani nigadzile ngoba anati kutsi umnikati wendlu ubuya nini ekhaya; kungaba ngukusihlwa, ekhatsi nebusuku, nakukhala licudze, noma ekuseni. ³⁶ Nakabuya masinyane, akangakukhandzi ulele. ³⁷ Lengikusho kini ngikusho kubo bonkhe: Gadzani!