¹ Batsi nabefika eJerusalema, base basedvute neBethifage kanye neBethani ngaseNtsabeni Yeminchumo, Jesu watfuma lababili bebafundzi bakhe ² watsi kubo, "hambani niye kulomuti lobhekene natsi. niitawutsi nje naningena kuwo, nitawutfola litfole lembongolo lelingakate ligitjelwe ngumuntfu. Litfukululeni nililetse kimi. ³ Uma kukhona lotsi kini, 'nikwente lani loko?', nibokutsi, 'INkosi inesidzingo salo futsi masinyane italibuyisa lapha." ⁴ Bahamba ke batfola lelitfole lembongolo liboshiwe emnyango ngephandle esitaladini, balitfukulula. ⁵ Labanye bantfu laba bebeme lapho batsi kubo, 'nentani, kutfukulula lelitfole lembongolo?" ⁶ Bakhluma kubo njengaloku Jesu abebatjelile, labantfu base bayabayekela bahamba indlela yabo. ⁷ Baliletsa lelitfole lembongolo kuJesu babeka tingubo tabo etikwalo, wahlala etukwalo. ⁸ Bantfu labaningi bendlala tingubo tabo phansi emgwacweni, labanye bandlala emagala lababewakhe emasimini. ⁹ Labo labebahamba ngasembili kanye nalabo bebamlandzela bamemeta, "Hosanna! Ubusisiwe lotako ngelibito leNkhosi. ¹⁰ Ubusisiwe umbuso lotako wababe wetfu David! Hosanna kwelisetulu! ¹¹ Jesu wangena eJerusalem wase uya etempelini wabuka konkhe lokwakwenteka lapho. Sase sihambile sikhatsi, wase uya eBhethani ahamba nalabalishumi nambili. ¹² Ngakusasa eBethany, Jesu walamba. ¹³ Esekudze nalesihlahla semkhiwa lebesinemacembe, waya kuso afuna titselo taso, uma afika kuso, akatfolanga emakhiwa, ngoba kwakungasiso sikhatsi sawo. ¹⁴ Wakhuluma watsi, kute loyophindze adle kuso titselo tato. Bafundzi bamuva nakasho njalo. ¹⁵ Bafika eJerusalem, wangena etempelini wacala kuchosha bonke lebebatsengisa nalaba labebatsenga. Wachitsa phansi imali yalabo lababehleli nemali kanye netihlalo talabo labebatsengisa ematuba. ¹⁶ Akavumelanga muntfu atsatse lutfo etempelini kuloko lebabakutsengisa. ¹⁷ Wabafundzisa watsi, akukabhalwa yini kutsi, indlu yami iyobitwa ngendlu yemukhuleko yetive tonkhe? ¹⁸ Bapristi labakulu neba bali bamuva uma asho lamavi, babuka litfuba lokumbulala. Bebamesabi ngoba libulo lebantfu bebamangaliswa tifundziso takhe. ¹⁹ Uma kufika busuku, balishiya lelo dolobha ²⁰ Basandlula ngendlela ekuseni, babona sihlahla semkhiwa somile kuyofika etimphandzeni. ²¹ Peter wakhumbula wase utsi, Mfundzisi, buka, umkhiwa lo uwucalekisile ubunile manje. ²² Jesu wabaphendvula watsi, Kholwani nguNkulunkulu. ²³ Ngicinisile ngitsi kini uma umuntfu atsi kulentsaba, suka utsi phosa elwandle, angangabati enhlitiyweni yakhe kepha akholwa kutsi lokolakushoko kuto kwenteka, ngiko loku tokwenteka. ²⁴ Ngakoke watsi kubo: konke loniyokukhulekela nikucele nikholwa kutsi nikwemukele, kuyoba kwenu. ²⁵ Uma nimile nikhuleka, calani ngekutsetselela noma ngubani lowente lokubi kini, Babe wenu losezulwini uyakunitsetselela tono tenu. ^{26 27} Baya eJerusalem futsi. Asahamba Jesu aya etempelini, bapristi labakhulu, babali kanye nalabadzala belive beta kuJesu. ²⁸ Batsi kuye, sitjele kutsi uwatsatsapi lamagunya ekwenta konke loku lokwentako, futsi ngubani lowakunika lamagunya lawo? ²⁹ Jesu watsi kubo, ngitonibuta munye umbuto. Ngitjeleni nami futsi ningitjele kutsi ngiwatsatsaphi emagunya ekwenta konke lengikwentako. ³⁰ Umbhambhatiso waJohn, abevela ezulwini noma kubantfu na? ngiphendvuleni nami. ³¹ Bakhuluma bodvwa baphikisana batsi, '''uma sitsi kubuya ezulwini, uto kutsi, yini ningatange nikholwe yena? ³² Kepha uma sitsi kubuya kubantfu;........'' bebasaba labantfu, ngoba bantfu bebancinisekile kutsi Johani ngumprofethi. ³³ Base baphendvula Jesu batsi, '''asati.'' Watsi Jesu kubo, ''Nami ngeke nginitjele kutsi ngawatsatsaphi lamagunya ekwenta loko lengikwentako.''