¹ Jesu wayishiya lendzawo waya esifundzeni sase Judiya nakulendzawo ngale kweMfula iJodane, nesicuku samlandzela futsi. Abebafundzisa futsi, njengobe bekulisiko lakhe kwentanjalo. ² Base Bafarisi beta kuye batewumlinga bambuta, ''Kusemtsetfweni yini kutsi indvodza yehlukane nemkayo?'' ³ Waphendvula, "Waniyala watsini Mose?" ⁴ Base batsi Mosi wavumela kutsi indvodza ibhale sitifiketi sekwehlukana bese iyamcosha." ⁵ Jesu watsi kubo, "Kwakungenca yetinhlitiyo tenu letilikhuni letenta kutsi anibhalele lomtsetfo. ⁶ Kepha ekucaleni kwendalo, 'Simakadze wadala umuntfu wesilisa kanye newesifazane.' ⁷ Ngaleso sizatfu indvodza iyakushiya uyise ne nina inamatsele kumkayo, ⁸ laba bobabili bayoba nyamanye.'Bangasabi babili kepha babe nyamanye. ⁹ Ngako ke loko Simakadze lakuhlanganisile. akusukwehlukaniswa ngumuntfu." ¹⁰ Batsi nase basendlini, bafundzi baphindze bambuta ngaloko. ¹¹ Watsi kubo, "Wonkhe lowehlukana nemkakhe ashade nalomnye usuke aphinga kulomkakhe. ¹² uma umfati ehlukana nendvodza yakhe bese ushada lenye indvodza, usuke aphinga endvodzeni yakhe." ¹³ Base baletsa bantfwana labancane kuye kuze abatsintse, kepha bafundzi babakhuta. ¹⁴ Kodvwa kwatsi kube Jesu akubone loko, akakutsandzanga loko wase utsi kubo, ''vumelani bantfwana bete kimi, ningabavimbeli, ngobe umbuso welizulu walabo labanjalo. ¹⁵ Ngicinisile ngitsi kini, wonkhe longemukeli umbuso welizulu nje ngemntfwana lomncane angeke mbamba angene kuwo." ¹⁶ Wase utsatsa labantfwana ngemikhono yakhe wababusisa ngekubeka tandla takhe kubo. ¹⁷ Watsi kube acale luhambo lwakhe , kweta indvodza kuye igijima yefike yaguca phambi kwakhe yatsi, ''Mfundzisi lolungile, "ngingenta njani kute ngidle lifa lekuphila lokuphakadze?" ¹⁸ Jesu watsi, "Ungibitelani ngalolungile? Kute lolungile phandle kwaSimakadze yedvwa. ¹⁹ Uyayati imiyalo: 'Ungabulali , Ungaphingi, Ungebi, Ungafakazi emanga, Ungatsatsi lutfo ngebucili , Hlonipha uyihlo nonyoko." ²⁰ Lendvodza yatsi, ''Mfundzisi, konkhe loko ngikugcinile kwasebusheni bami.'' ²¹ Jesu wambuka wayimtsandza. Wase utsi kuye, "Kunye lokushodako, Hamba uyotsengisa konkhe lonako uphe labamphofu , utawube sewuba nengcebo ezulwini. wota ke,ungilandzele.'' ²² Kepha ngenca yalenkhulumo wajabha kakhulu wesuka wahamba akhubekile, ngobe abenetintfo letinengi. ²³ Jesu wacalata ndzawotonkhe wase utsi kubafundzi bakhe, Kulukhuni kangakanani kulabo labanjingile kungena embusweni waNkulunkulu!" ²⁴ '' Bafundzi mangala ngulamavi akhe . Kodvwa Jesu waphindze watsi kubo, ''bantfwana, Kulukhuni kangakanani kungena embusweni waNkulunkulu! ²⁵ kulula kutsi likamela lingene embotjeni yenyalitsi kune kutsi umuntfu locebile angene embusweni waNkulunkulu." ²⁶ Bamangala kakhulu batsi lomunye kulomunye, "Ngubani ke longasindziswa?" ²⁷ Jesu wababuka wase utsi, "kubantfu ngeke kwenteke, kepha hhayi kuNkulunkulu. Ngobe tonkhe tintfo kuNkulunkulu tiyenteka.'' ²⁸ Phethro wacala kukhuluma naye, ''Buka , sishiye konkhe sakulandzela." ²⁹ Jesu watsi , ''Ngicinisile ngitsi kini, kute namunye loshiye indlu lakhe nobe bomnakabo nobe bodzadzewabo nobe unina nobe uyise nobe bamntfwanakhe nobe imihlaba yakhe ngenca yami nangenca yelivangeli ³⁰ longeke emukele lokuphindvwe kalikhulu kulomhlaba: Tindlu nabomnakabo nabodzadzewabo nabonina nebantfwana nemihlaba, ngetinhlupheko, nakulo live lelitako, imphilo yanguna phakadze. ³¹ Kepha labanyenti labasekucaleni bayoba bekugcina, kutsi bekugcina babe bekucala." ³² Basesendleleni balibangise eJerusalema, Jesu abehamba embikwabo. Bafundzi bamangala, nalabo bebalandzela ngemuva besaba. Jesu wase udvosela labalishumi nambili eceleni futsi wase ucala kubatjela ngalobekutawumehlela masinyane. ³³ Bukani, "sikhuphukela eJerusalema, iNdvodzana yeMuntfu itawunikelwa kubaphristi labakhulu nakubabhali.. Batayinikela ekufeni inikelwe kubantfu beTive. ³⁴ Batawuyedzelela, batayikhafulela, bayibhambabule, ibulawe. Kepha emva kwemalanga lamatsatfu itovuka." ³⁵ Jakobe na Johane, emadvodzana aZebedi, beta kuye batsi, ''Mfundzisi , sifuna kutsi wente konkhe lesikucela kuwe." ³⁶ Watsi kubo, ''nifuna nginenteleni?'' ³⁷ Batsi, ''Sivumele sihlale nawe enkhatimulweni yakho, lomunye ngesekudla lomunye ngesencele sakho." ³⁸ Kodvwa Jesu wabaphendvula, "Anikwati loku lenikucelako. Ningakhona yini kunatsa lendzebe lengitoyinatsa noma kuwumela lombhabhatiso lengitawubhabhatiswa ngawo?'' ³⁹ Batsi kuye , '' singakhona'' Jesu watsi kubo, ''Kulendzebe lengitoyinatsa nani nitoyinatsa kanjalo nakulombhabhatsiso lengitowungenela nani nitowungenela. ⁴⁰ Kepha loyo lotohlala ngasesandleni sekudla noma ngasencele akusimi lonemandla ekukwenta loko kepha nguloyo lolungiselwe.'' ⁴¹ Kwatsi lalabanye bafundzi labalishumi kube bakuve loko, babatfukutselela kakhulu boJakobe na Johane. ⁴² Jesu wababitela kuye watsi, ''Niyati kutsi laba lekutsiwa ngebabusi bebetive bayabacindzetela, nalabo labanemagunya babaphatsa ngekusebentisa emandla. ⁴³ Kepha angeke kube njalo kini. Nome ngubani lofisa kuba mkhulu kini ufanele abe sisebenti senu, ⁴⁴ naye wonkhe lofisa kuba wekucala kini umele abesigcila sabo bonkhe. ⁴⁵ Phela iNdvodzana yeMuntfu ayitelanga kutewukhontwa kepha yetela kutewukhonta nekunikela ngemphilo yayo njengesihlengo salabanyenti." ⁴⁶ Befika ejericho. Nakesuka eJericho nebafundzi bakhe kanye nesicuku lesikhulu , Indvodzana yaThimeyosi, Bhatimeyosi, imphumphutse lebeyicela, yahlala eceleni kwemgwaco. ⁴⁷ Watsi kube eve kutsi nguJesu umNazaretha, wacala wamemeta watsi, "Jesu, Ndvodzana yaDavide, ngihawukele!'' ⁴⁸ Labanyenti bamkhuta, bamtjela kutsi akabindze. kepha wamemeta kakhulu kunakucala, ''Ndvodzana yaDavide ngihawukele!'' ⁴⁹ Wema Jesu watsi abambite. Bayibita lendvodza leyimphumphutse, batsi, "Mani sibindzi! Vuka! Jesu uyakubita. ⁵⁰ '' Wajika eceleni lijazi lakhe , wagcuma waya etulu , weta kuJesu ⁵¹ Jesu wamphendvula watsi , '' ufuna ngikwenteleni! Lendvodza leyimphumphutse yatsi , ''Rabbi, ngifuna kwemukela kubona.'' ⁵² Jesu wase utsi kuye, '' Hamba. Kukholwa kwakho kukusindzisile,'' Ngekushesha yavele yabona, yase iyamlandzela.