¹ Simakadze wakhuluma ku Mose, atsi, ² "Khuluma ku Aaron nakumadvodzana akhe, ubatjele bangasondzeli kuletintfo letingcwele tebantfu baka Israyeli, labatehlukanisele mine. Kufanele bangalingcolisi libito lami. Ngingu Simakadze. ³ Tsani kubo, 'Nangabe munye wetitukulwane letitako asondzela kuletintfo letingcwele bantfu baka Israyeli labatehlukanisele Simakadze, angakahlanteki, loyo muntfu kufanele ancunywe kuta phambi kwami: Ngingu Simakadze. ⁴ Kute ngisho namunye kulesitukulwane sa Aaron lonesifo sesikhumba lesitsatselwanako, nome lokuphuma emtimbeni wakhe, angadla nome ngumuphi umhlatjelo lowentiwe ku Simakadze aze ahlanteke. Nome ngubani lotsintsa noma yini lengcolile ngekutsintsana nesidvumbu, noma ngekutsintsana nendvodza legeleta sidvodza, ⁵ noma ngubani lotsintsa noma ngusiphi silwane lesihuma ngesisu lokumenta angcole, nome ngumuphi umuntfu lomngcolisako, nome nguyiphi inhlobo yekungcola lekungaba ngiyo- ⁶ ngako umphristi lotsintsa noma yini lengcolile utawuba ngulongcolile kute kube yintsambama. Kufanele angadli noma kunye kwaletintfo letingcwele, ngaphandle nasageze umtimba wakhe emantini. ⁷ Naselishonile lilanga, utawubese soba ngulohlantekile. Emvakwekushona kwelilanga sekangadla kuletintfo letingcwele, ngobe tikudla kwakhe. ⁸ Kumele angadli noma yini lokutfolakele kufile noma kubulewe tilwane tasendle, ngala tatingcolisa ngako. Ngingu Simakadze. ⁹ Baphristi kumele balandzele imiyaleto, noma batotisola ngesono phindze bangafa ngekungetfuka. Ngingu Simakadze lobenta babe ngcwele. ¹⁰ Kute muntfu ngaphandle kwendeni wemphristi, kufaka ekhatsi timenywa temphristi noma tisebenti takhe leticashiwe, letingadla noma yini lengcwele. ¹¹ Kodvwa nangabe umphristi atsenga nanome ngusiphi sigcili ngeyakhe imali, leso sigcili singadla kuletintfo letehlukaniselwe Simakadze. Emalunga emndeni wemphristi netigcili letitalelwe endlini yakhe, nabo futsi bangadla naye kuleto tintfo. ¹² Uma ngabe indvodzakati yemphristi ishade umuntfu longasuye umphristi, ngeke sekadle nobe yini kwemnikelo longcwele. ¹³ Kodvwa nangabe indvodzakati yemphristi ingumfelokati, noma yehlukene nendvodza, phindze nangabe ete umntfwana, phindze nangabe abuyela kuyewuhlala endlini yeyise njengasebusheni bakhe, angadla ekudleni kweyise. Kodvwa kute longekho emndenini wemphristi longadla kudla kwemphristi. ¹⁴ Nangabe indvodza idla kudla lokungcwele ingati, ngako kufanele akukhokhele kumphristi; kufanele engete kunye kulokusihlanu kuko aphindze akubuyisele kumphristi. ¹⁵ Sive saka Israyeli kufanele singatihlambalati letintfo letingcwele lesitiphakamisele etulu saphindze satinikela ku Simakadze, ¹⁶ baphindze batibangele kutfwala sono lesitabenta batisole ngekudla kudla lokungcwele, ngobe ngingu Simakadze lobenta babe ngcwele." ¹⁷ Simakadze wakhuluma kumosi, atsi, ¹⁸ "Khuluma ku Aaron nemadvodzana akhe, nakuso sonkhe sive saka Israyeli. Utsi kubo, 'Noma ngmuphi um Israyeli, nakaletsa umhlatjelo-wekugcwalisa setsembiso, nome umnikelo wesihle, nome baletsa ku Simakadze umnikelo wekushiswa, ¹⁹ nangabe atowemukelwa, kumele banikele silwane lesidvuna lesite libala etinkhomeni, etimvini, nobe etimbutini. ²⁰ Kodvwa kumele ninganikeli nobe yini lenelibala. Angeke ngisemukele esikhundleni senu. ²¹ Nome ngubani lonikela umhlatjelo weminikelo yekuhlanganyela kumhlambi wetinkhomo noma timvu ku Simakadze kugcwalisa setsembiso, nobe njengemnikelo wesihle, kufanele ube bete sici atowemukeleka. Kufanele kube bete lokusonako lesilwane. ²² Kufanele unganikeli ngetilwane letingaboni, letikhubatekile, nobe letinetilondza, letinetinsumpe, tilondza, nobe letinetibati. Kufanele unganikeli ngato ku Simakadze njengemhlatjelo lowentiwa mgemlilo e Lthari. ²³ Ungaletsa njengemnikelo wesihle inkhomo nobe imvu lechwalile nobe lencane, kodvwa umnikelo lofanana nalowo angeke wemukeleke kufeza setsembiso. ²⁴ Unganikeli nobe ngusiphi silwane ku Simakadze lesihwayekile, lesipitjikile, lesikekile, nobe iphakuliwe. Ningacali nikwente loku eveni lenu. ²⁵ Kufanele ungaletsi sinkhwa sa Nkulunkulu wakho lesisuka esandleni sebetive. Letilwane leto tichwalile phindze atikapheleli titfo tato, angeke temukeleke ngani ²⁶ Simakadze wakhuluma ku Mose watsi, ²⁷ "Nangabe lutfole nobe imvu nobe imbuti italwa, kumele ihlale emalanga lasikhombisa nenina waso. Kutawutsi kusukela ngelilanga lesiphohlongo, ingemukeleka njengemhlatjelo wemnikelo lowentiwe ngemlilo ku Simakadze. ²⁸ Ungabulali inkhomo nobe imvu nelizinyane layo, kokubili ngelilanga linye. ²⁹ Nawenta umhlatjelo umnikelo wekubonga ku Simakadze, kufanele uwente ngendlela leyemukelekako. ³⁰ Kufanele udliwe ngalelo langa lowentiwe ngalo. Kufanele ungashiyi lutfo kwawo kuze kube kusa lokulandzelako. Ngingu Simakadze. ³¹ Ngako ke kufanele nigcine imitsetfo yami niphindze niyente. Ngingu Simakadze. ³² Kufanele ningalihlambalati libito lami lelingcwele. Kufanele ngateke ngingcwele esiveni saka Israyeli. Ngingu Simakadze lonenta nibe ngcwele, ³³ lowanikhipha eveni lase Gibhithe kutsi ngibe ngu Nkulunkulu wenu; Ngingu Simakadze.