¹ Nyalo Jesu wengca,wabona indvodza leyayingaboni kusukela yatalwa. Bafundzi bakhe bambuta, ² ''mfundzisi, ngubani lomcalekisile, lendvodza lena nobe batali bayo, ngobe atotalwa angaboni?'' ³ Jesu waphendvula, ''nalendvodza ayikoni, kanye nebatali bayo,kepha imisebenti yankulunkulu itobonakaliswa kuye. ⁴ Kumele sisebente imisebenti yakhe longitfumile loku kuseselilanga. Busuku buyeta lapho kute umunftu longakhona kusebenta. ⁵ Loku ngiseselamhlabeni, Ngikukhanya kwelive.'' ⁶ Emvakwekutsi Jesu asho letinfto leti, wakhafulela emhlabatsini, wenta lidzaka ngalamatse,wase sotibhoca ngalelidzaka emehlweni akhe. ⁷ Watsi kuye, ''hamba, uwashe emantini ase Siloam''. Ngako lendvodza yahamba, yawasha, yase iyabuya seyibona. ⁸ Bomakhelwane balendvodza nalabo labebambone asesengumceli batsi, ''akusiyo yini lendvodza lebeyihlala bese iyacela?'' Labanye batsi, ''nguye.'' ⁹ Labanye batsi, ''chake, kepha ufana naye.'' Kepha watsi, '''Ngimi.'' ¹⁰ Batsi kuye, ''Kepha emehlo akho avuleke njani?'' ¹¹ Waphendvula, ''Lendvodza lebitwa ngaJesu yente ludzaka yase ilifaka emehlweni yase itsi kimi , 'Hamba uye eSiloam bese uyawasha.' Ngako ngahamba, ngawasha, ngemukela kubona kwami.'' Batsi kuye, ¹² ''Uphi nyalo?'' Waphendvula, ''Angimati.'' ¹³ Baletsa lendvodza lebeyikadze ingaboni kubaFarisi. ¹⁴ Nyalo bekulilanga leliSabatha ngesikhatsi Jesu amentela lidzaka bese umvula emehlo. ¹⁵ Baphindze laba Farisi bambuta kutsi ukwemukele njani kuvuleka kwakhe kwemehlo. Watsi kibo, ''Ufake lidzaka emehlweni ami, Ngawawasha, nyalo sengiyabona.'' ¹⁶ Labanye balaFarisi batsi, ''Lendvodza lena ayisiyo yakaNkulunkulu ngobe ayimugcini umtsetfo weliSabatha.'' Labanye batsi, ''Kungenteka njani kutsi indvodza lesoni yente umbono?'' Ngako bekunemkhatsi emkhatsini wabo. ¹⁷ Base baphindze bayayibuta lendvodza lebeyingaboni, ''utsini ngaye, loku sakuvule emehlo akho?'' Lendvodza leyayingaboni yatsi, ''ungumphrofetsi.'' ¹⁸ Nyalo lamaJuda akazange amtsembe kutsi abengaboni phindze wase uyabona emva kwekutsi babite batali bakhe labemukela kubona kwakhe. ¹⁹ Babuta labatali, ''indvodzana yenu yini lena lekutsiwa yatalwa ingabona? Kwenteka njani kutsi nyalo soyabona?'' ²⁰ Labatali bakhe babaphendvula, ''Sati kutsi lendvodza lena yindvodzana yetfu phindze abetalwe angaboni. ²¹ kutsi kwentekeni kuze nyalo abone, asati, phindze lolomvule emehlo, asimati. Butani yena, semudzala. angatikhulumela.'' ²² Batali bakhe basho loku ngobe bebesaba emaJuda. Ngobe emaJuda ebesavele avumelene ngekutsi nangabe kukhona lotawufakaza kutsi Jesu unguKhristu, ebeyawukhiphelwa ngaphandle esinagogeni. ²³ Ngaloku, batali bakhe batsi, ''mdzala, butani yena.'' ²⁴ Baphindze babita lendvodza kwesibili lebeyingaboni base batsi kuye, ''Mdvumise nkulunkulu. Siyati kutsi lendvodza lena isoni.'' ²⁵ Yase lendvodza iyaphendvula, ''angati kutsi usoni yini. yinye infto lengiyatiko: Bengingaboni, kepha nyalo ngiyabona.'' ²⁶ Base batsi kuye, ''wenteni kuwe? uwavule njani emehlo akho?'' ²⁷ Waphendvula, ''ngikutjelile mosi, wangalaleli! Ufune lani kuva phindze? Anifuni kuba bafundzi bakhe nani, niyafuna yini? ²⁸ Bametfuka batsi, ''ungumfundzi wakhe, kepha sibafundzi baMose. ²⁹ Siyati kutsi Nkulunkulu ukhulume naMose, kepha asati kutsi lona ubuyaphi.'' ³⁰ Lendvodza yaphendvula yatsi kibo, ''Loku kuyancomeka, kutsi anati kutsi ubuyaphi, ngobe uvule emehlo ami. ³¹ Siyati kutsi Nkulunkulu akatilaleli toni, kepha nangabe khona lotinikelako ngekufisa, uyamulalela. ³² Kusukela umhlaba wacala akuzange sekuvakale kutsi khona lovule emehlo endvodza leyayitalwe ingaboni. ³³ Nangabe lendvodza ayisiyo yakaNkulunkulu, bekangeke ente lutfo.'' ³⁴ Bamphendvula batsi kuye, ''Wena wawutalwe etonweni, phindze ufundzisa tsine?'' Base bamkhiphela ngaphandle. ³⁵ Jesu weva kutsi bamukhiphele ngaphandle kwelisinagogu. Wamkhandza wase utsi, ''Uyatsemba yini kuNdvodzana yemuntfu?'' ³⁶ Waphendvula watsi, ''Ngubani, Nkhosi, longingametsemba?'' ³⁷ Jesu watsi kuye, ''Umbonile,nguye lona lokhuluma nawe.'' ³⁸ Lendvodza yatsi, ''Nkhosi, Ngiyetsemba,'' wase uyamdvumisa. ³⁹ Jesu watsi, ''ngekuhlulela ngenta lamhlabeni khona labangaboni batobona bese lababonako bangasaboni.'' ⁴⁰ Labanye baFarisi lebebanaye beva letinfto leti base bambuta batsi, ''usho kutsi natsi asiboni?'' ⁴¹ Jesu watsi kibo, ''Nangabe beningaboni, benitobabete sono, kepha nyalo nitsi, 'Siyabona,' ngako tono tenu tisekhona.''