¹ Emvakwalo kwase kuba nemgubho wemaJuda,wase uyahamba Jesu uya ² eJerusalema.Nyalo eJerusalema ngasesangeni letimvu kunelichibi, ngelulwimi lwesi Arabi iBhethesda, yayikunemahange lasihlanu lafulelwe. ³ Inombolo linengi yebantfu lebebagula,labangaboni.tinyonga,nobe tichwala lebebalele lapho. ⁴ Ngoba ingelozi yeNkhosi yehla yatamatisa emanti ngesikhatsi lesitsite nalomunye atigcumisele asetamatanyiswa bekaphulukiswa kusosonkhe sifo lanaso. ⁵ Indvodza letsite beyilapho lebeyigula iminyaka lengemashumi lamatsatfu nesiphohlongo. ⁶ NaJesu ambona alele lapho, nangemuva kwekucondza kutsi abe lapho sikhatsi lesidze, watsi kuye, ''Uyafuna kuba ngulophilile? ⁷ Indvodza leyayigula yaphendvula,''Mnumzane,anginamuntfu longigcumisela ecibini na emanti anyakanyakatiswa.Nangita lomunye uyangengcelela.'' ⁸ watsi kuye, ''Phakama,tsatsa luhlaka lwakho uhambe.'' ⁹ Ngekuphutfuma lendvodza yaphulukiswa,watsatsa luhlaka lwakhe wahamba.Kwakulusuku lweSabatha. ¹⁰ Ngako emaJuda atsi kuye lobekaphulukisiwe, Kulusuku lweSabatha awukavumeleki kwetfwala licansi lakho.'' ¹¹ Waphendvula, ''Loyolongentengaphila utsite kimi, Tsatsa licansi lakho uhambe,'' ¹² Bamubuta,'' Ngubani lendvodza letsitekuwe, 'Litsatse '? uhambe'?'' ¹³ Nomakunjalo,lona munye lowaphulukiswa bekangati kutsi abengubani ngobe Jesu bese ahambe ngasense, ngokuba bekunesicuku kuleyo ndzawo. ¹⁴ Emvakwaloko,Jesu wamtfola ethempelini wase utsi kuye, ''Bona,sowuphilile! Ungasaphindzi wone,kuze kutsi lokwendlulele kungenteki kuwe,' ¹⁵ Lendvodza yahamba yayobikela ewaJuda kutsi nguJesu lomphilisile. ¹⁶ Ngaletotintfo emaJuda ahlupha Jesu, ngoba wenta letintfo ngeliSabatha. ¹⁷ Jesu wabaphendvula. ''Babe wami uyasebenta nanyalo, nami, futsi ngiyasebenta,'' ¹⁸ Ngenca yaloku, emaJuda afuna kakhulu kumbulala ngoba angephulanga kuphela liSabatha,ngobe abebite Nkulunkulu ngekutsi nguyise, atente walingana naNkulunkulu. ¹⁹ Jesu waphendvula watsi, ngicinisile, ngicinisile, indvodzana ingeke yente lutfo ngekwayo, kuphela lekubonako uyise akwenta, ngokuba loko uyise lakwentako ne ndvodzana iyakwenta kanjalo ²⁰ Ngokuba Uyise utsandza le ndvodzana uyikhombisa konkhe lokulakwentako,utawubuye ayikhombise tintfo letinkhulu kunaloko kute nimangale. ²¹ Njengoba uyise avusa labafile abuye anike kuphila, ngekuba nalendvodzana iniketa kuphila lokundzingile. ²² Ngekuba uyise akehluleli muntfu, kepha unike konkhe kwehlulela eNdvodzaneni ²³ kute kutsi wonkhe ayihloniphe leNdvodzana njengoba akhonta uyise.Lowolongahloniphi indvodzana akamhloniphi neyise lamtfumile. ²⁴ Ngicinisile, ngicinisile, loyolova livilami aphindze akholwe nguye longitfumile unekuphila lokuphakadze akasayikwehlulelwa,kepha sewendlulile ekufeni. ²⁵ Ngicinisile,ngicinisile, sikhatsi siyeta futsi sengiso, lapho labafile bayakuva livi leNdvodzana yaNkulunkulu, labolabevako bayawuphila. ²⁶ Njengobe neYise anemphilo kuye, Naloyise unike leNdvodzana kute kutsi abe nekuphila kuye, ²⁷ NeYise unike leNdvodzana emagunya ekuchuba kwehlulela ngobe uyiNdvodzana yeMuntfu. ²⁸ Ningamangali ngaloko, ngokuba siyeta sikhatsi lapho wonkhe losemathuneni utakuva livi ²⁹ bayawuphumela ebaleni labo labente lokuhle ekuvukeni kwekuphila, nalabo labente lokubi ekuvukeni kwekwahlulela. ³⁰ Ngingente lutfo ngingedvwa.Njengoba ngiva, ngiyehlulela, futsi kwehlulela kwami kulungile ngoba angicingi intsandvo yami kepha intsandvo yalongitfumile, ³¹ Nangingafakaza bufakazi bami ngabe ngulobute liciniso, ³² Ukhona lomunye lofakazako ngami phindze ngiyati lobufakazi ngami, ngiyati futsi lokutsi lobufakazi labushoko ngami buliciniso. ³³ Utfumele kuJohane, ufakaze liciniso. ³⁴ Kepha lobufakazi lengibutfolile abukaveli kumuntfu. Ngisho leto tintfo ukuze nisindziswe. ³⁵ Johane bekalilambu lebelivutsa likhatimula, beniphindze nivuma kutfokota ekukhanyen ikwakhe kwesikhashana. ^{38 36} Na kaloku lobufakazi lenginabo bukhulu kunaloba Johane, ngalomsebenti lengiwuniketwe nguBabe unginikile kutsi ngiwucedze, lemisebenti lengiyentako, ifakaza ngami ³⁷ Babe longitfumile yena lucobo sowufakazile ngami. Kungenteka anilivanga livi lakhe kumbe nimbone noma ngaluphi luhlobo lwakhe lelisele kini, ngoba anikakholwa ngulolamtfumele. ³⁹ Nihlola imibhalo ngobe nicabanga kutsi kuwo kunekuphila lokuphakadze,yona leyo mibhalo ifakaza ngami, ⁴⁰ nani anifuni kuta kimi kute nibe nekuphila. ⁴¹ Angilutfoli ludumo lwami kubantfu, ⁴² kepha ngiyati kutsi nite lolutsandvo lwaNkulunkulu ngekhatsi kini. ⁴³ Ngitile ngelibito lababe, aningemukelanga.Nakungefika lomunye ngelibito lakhe, ningamemukela. ⁴⁴ Ningakholwa kanjani, nine lenemukela ludumo kulomunye nakulomunye kepha abatifuneli ludumo loluvela kuNkulunkulu kuphela? ⁴⁵ Ningacabangi kwekutsi ngitanibeka licala phambi kwaBabe. Loyolonibeka licala nguMosi, kuye lenibeke ⁴⁶ letsemba.Nanakholwa nguMosi, ngabe niyangikholwa, ngoba ubhale ngami ⁴⁷ Naningakholwa yimibhalo yakhe, nitawukholwa njani emavi ami ?''