¹ Nyalo bekunemFarisi loligama lakhe bekungu Nikhodimasi, umholi wemaJuda. ² Lendvodza yeta kuJesu ebusuku yatsi kuye, ''Mfundzisi, siyati kwekutsi ungumfundzisi lowachamuka kuNkulunkulu, ngoba kute longenta letimphawu lotentako ngaphandle nangabe Nkulunkulu anaye.'' ³ Jesu waphendvula kuye, ''Ngicinisile, ngicinisile, ngaphandle umuntfu aphendvuke, angeke awubone umbuso waNkulunkulu.'' ⁴ Nikhodimasi watsi kuye, '''Ingatalwa kanjani indvodza seyiyindzala? Angeke angene kwesibili esibeletfweni sa make wakhe abese uyatalwa, angakhona na?'' ⁵ Jesu waphendvula, ''Ngicisile, ngicinisile, ngaphandle umuntfu atalwe ngemanti nangaMoya, angeke angene embusweni waNkulunkulu. ⁶ Loko lokutelwe ngenyama kuyinyama, naloko lokutelwe ngeMoya kunguMoya. ⁷ Ningamangali ngekutsi ngitse kini, ''Nibotalwa kabusha.' ⁸ Umoya uhhusha lapho ufise khona; uyawuva umsindvo wawo, kepha awati kutsi ubuyaphi noma uyaphi. Kanjalo nawo wonkhe lotelwe ngaMoya.'' ⁹ Nikhodimasi wamphendvula watsi, ''Tingaba kanjani letintfo leti?'' ¹⁰ Jesu waphendvula watsi kuye, ''Ungumfundzisi waka Israel na, kepha noko ube ungaticondzi letintfo leti? ¹¹ Ngicinisile, ngicinisile, ngitsi kuwe, sikhuluma lesikwatiko, siphindze sifakaze ngalesikubonile. Kepha anibemukeli bufakazi betfu. ¹² Kube benginganitjela ngetintfo temhlaba ningetsembi, nitowetsemba kanjani uma nginitjela ngetintfo tasezulwini? ¹³ Kute lonyukele ezulwini ngaphandle kwakhe lowehla achamuka ezulwini, Indzodzana yeMuntfu. ¹⁴ Njenga Mose aphakamisa inyoka ehlane, kanjalo neNdvodzana Yemuntfu kumele iphakanyiselwe etulu, ¹⁵ kute bonkhe labakholelwa kuye babe nekuphila lokunguna phakadze. ¹⁶ Nkulunkulu wawutsandza umhlaba kangaka, wate wanikela ngeNdvodzana yakhe leyayiyodvwa, kute wonkhe lokholelwa kuyo angafi kepha abe nekuphila lokunguna phakadze. ¹⁷ Ngoba Nkulunkulu akatfumelanga iNdvodzana emhlabeni kute itohlulela umhlaba, kepha kute atewusindzisa umhlaba ngaye. ¹⁸ Loyo lokholelwa kuye akehlulelwa, kepha loyo longakholwa sewuvele uhlulelwe ngoba angakakholelwa egameni leNdvodzana yaNkulunkulu leyodvwa. ¹⁹ Lesi sizatfu sekwehlulela: Kukhanya sekufikile emhlabeni, nebantfu bebatsandza bumnyama kunekukhanya ngoba tento tabo tatitimbi. ²⁰ Ngoba wonkhe lowenta lokubi uyakwenyanya kukhanya, futsi akaphumeli ekukhanyeni, kute tento takhe tingetowuvela ebaleni. ²¹ Kepha, lowenta liciniso uvela ekukhanyeni kute kutobonakala kutsi imisebenti yakhe yentiwe kuNkulunkulu.'' ²² Emvakwaloko, Jesu nebafundzi bakhe baya eveni lase Judiya. Lapho wahlala nabo waphindze wabhabhatisa. ²³ Nyalo Johane bekabhabhatisa eAyenon dvutane nase Salim ngobe bekunemanti lamanyenti khona. Bantfu bebeta kuye batobhabhatiswa, ²⁴ ngoba Johane abesengakajikwa ejele. ²⁵ Kwase kuba nekuhishana emkhatsini walabanye bafundzi baJohane nemJuda mayelana nekugeza ngekwemkhosi. ²⁶ Baya ku Johane batsi, ''Mfundzisi, loyo bekanawe ngesheya kwemfula iJodane, nangaye lofakazile ngaye, bukani, uyabhabhatisa, futsi bonkhe baya kuye.'' ²⁷ Johane waphendvula watsi, ''Umuntfu angeke atfole lutfo ngaphandle nangabe kuniketwe kuye kuchamuka ezulwini. ²⁸ Nine matfupha ningafakaza kutsi ngatsi, 'Angisuye loKhristu,' kepha esikhundleni, 'Ngitfunyelwe ngaphambi kwakhe.'' ²⁹ Makoti wemkhwenyana. Nyalo umngani wemkhwenyana, lomako aphindze amuve, ujabula kakhulu ngenca yelivi lemkhwenyana. Loku ke, yinjabulo yami yentiwe yaphelela. ³⁰ Kumele akhule, mine nginciphe. ³¹ Loyo lochamuka ngetulu ungetulu kwako konkhe. Loyo lochamuka emhlabeni wasemhlabeni futsi ukhuluma ngemhlaba. Loyo lochamuka ezulwini ungetulu kwako konkhe. ³² Ufakaza ngalakubonile nalakuvile, kepha kute lowemukela bufakazi bakhe. ³³ Loyo lowemukele bufakazi bakhe sewucinisekile kutsi Nkulunkulu uliciniso. ³⁴ Ngoba loyo lo Nkulunkulu amutfumele ukhuluma emagama aNkulunkulu. Ngoba akaniketi uMoya ngekulinganisa. ³⁵ Babe uyayitsandza Indvodzana futsi uyinikete tonkhe tintfo esandleni sayo. ³⁶ Loyo lokholelwa kuyo Indvodzana unekuphila lokungunaphakadze, kepha loyo longayilaleli Indvodzana angeke akubone kuphila, kepha lulaka lwaNkulunkulu luhlala kuye.''