¹ '' Mine ngingumuvini longiwona wona, bese Babe wami ngumlimi. ² Yena ususa emagala kimi langatseli titselo futsi uyalinakekela lonkhe ligala lelitsela titselo kute lichubeke litsele kakhulu. ³ Senivele nihlantekile ngalomlayeto lengiwukhulume kini. ⁴ Hlalani kimi, nami kini. Njengeligala angeke likhone kutsela titselo ngekwalo ngaphandle kwemuvini, ngako-ke nani ngeke nikhone ngaphandle kwekutsi nihlale kimi. ⁵ Ngingumuvini, nine nimagala. Loyo lohlala kimi nami kuye uyawutsela titselo letinyenti, ngoba ngaphandle kwami kute longakwenta. ⁶ Uma kukhona longahlali kimi uyalahlwa njengeligala abese uyoma, abutsiswa alahlwe emlilweni, abese ayashiswa. ⁷ Uma uhlala kimi nelivi lami lihlale kuwe, cela konkhe lokufisile kutawentekela wena. ⁸ Babe wami uyadvumiseka kuloku, kute nawe utsele titselo letinyenti ukhombise kutsi vele ungumunye webafundzi bami. ⁹ Njenge yise angitsandzile mine, nami nginitsandzile. Hlalani elutsandvweni lami. ¹⁰ Uma ugcina imiyaleto yami, uhlala elutsandvweni lami, nje ngobe nami ngiyigcinile imiyaleto yababe wami futsi ngahlala elutsandvweni lwakhe. ¹¹ Ngikhulume loku kini kute kujabula kwami kube kini nekutsi intfokoto yenu igcwaliswe. ¹² Lona ngumlayeto wami, kutsi nitsandzane njengobe nami nginitsandza. ¹³ Kute lonelutsandvo lolwendlula lolu- laloyo lowanikela imphilo yakhe ngenca yebangani bakhe. ¹⁴ Nine nibangani bami, uma nenta loku lenginiyaleta kutsi nikwente. ¹⁵ Angeke nisabitwa ngetisebenti ngoba tisebenti atati kutsi umphatsi wato wentani. Nginibite bangani, ngoba konkhe lengikuve kubabe ngikubonakalisile kini. ¹⁶ Aningikhetsanga, kepha mine ngikhetse nine futsi ngani gcoba kute nitawuhamba nitsele titselo nekutsi titselo tenu tihlale. Loku kwentelwa kutsi konkhe lonitakucela kuBabe egameni lami, utaniniketa. ¹⁷ loku ngiyakulayeta kini, kute nitsandzane. ¹⁸ Uma live likunyanya, yati kutsi lanyanya mine kucala ngaphandle kwekutsi linyanye wena. ¹⁹ Ube benibelive, live belitanitsandza njengelabo. Kepha ngalokutsi anisibo belive nekutsi nganikhetsa kubelive kungako live likunyanya. ²⁰ Khumbulani livi lami lengalisho kini, ''Sisebenti asisikhulu kunemphatsi waso.'' Nangabe bangihlukubeta nani futsi batanihlukubeta; uma bagcina livi lami nelakho bataligcina. ²¹ Batawenta loku kini ngenca yeligama lami, ngoba abamati lowangitfuma. ²² Kube angizange ngite ngitokhuluma nabo, ngabe abazange bona,kepha nyalo bete sizatfu sekona kwabo. ²³ Loyo longinyanyako unyanya naBabe wami. ²⁴ Kube angiyentanga lemisebenti lengazange yentiwe ngumunye kubo, ngabe abanasono, kepha nyalo sebabonile futsi banyanya mine naBabe wami. ²⁵ Kepha lokukwaku kwekutsi umbhalo ugcwaliseke lobhaleke emtsetfweni wabo, '' Banginyanya ngaphandle kwesizatfu.'' ²⁶ Uma Umudvudvuti efika- loyo lengitamutfumela kini avela kuBabe, loku, nguMoya weliciniso,lochamuka kuBabe- utawufakaza ngami. ²⁷ Nawe kwamele ufakaze ngami, ngoba beninami kusukela ekucaleni.