¹ kwatsi ngelilanga lelilandzelwa nguMkosi wePhasika. Jesu wati kutsi li awa selifikile kutsi ahambe kulona mhlaba aye kuBabe. Njengoba abatsandzile bakhe emhlabeni wabatsandza kwate kwaba sekugcineni. ² Nyalo sathane besavele akufakile enhlitwen ya Judasi Iscariot indvodzana yaSimon, kutsi akhaphele Jesu. ³ Bekati kutsi babe abenikele konkhe etandleni takhe nekutsi bekabuya ku Nkulunkulu nekutsi abebuyela kuye Nkulunkulu. ⁴ Wasukuma esidlweni sabo santsambama wakhumula ingubo yakhe. Wabopha lithawula elukhalweni lakhe. ⁵ Wase utsela emanti endishini wase ucala kugeza tinyawo tebafundzi bakhe watesula ngelithawula lebalibele ekhalweni lwakhe. ⁶ Weta ku Simon Petro, Petro watsi kuye, "Nkhosi utawugeza tinyawo tami?" ⁷ Jesu waphendvula watsi kuye , " loku lengikwentako awukucondzi nyalo kepha utawubuye ukucondza." ⁸ Petro watsi kuye "Angeke ugeze tinyawo tami." Jesu wamphendvula watsi, "Uma ngingakugezi, ute budlelwane nami." ⁹ Simon Petro watsi kuye, "Nkhosi ungawashi kuphela tinyawo tami, kodvwa netandla kanye nenhloko yami." ¹⁰ Jesu watsi kuye, " loyo logeziwe ute sidzingo, ngaphandle kwekutsi ageze tinyawo takhe, kodvwa uhlobile ngalokuphelilisiwe; uhlobile kodvwa hayi wonkhe muntfu." ¹¹ (Ngobe Jesu bekati kutsi ngubani lebekatomujikela; ngiko atsi, "akusini nonkhe lenihlobile.") ¹² Ngako emva kwekutsi Jesu abageze tinyawo watsatsa tembatfo takhe wase uhlala phansi futsi, watsi kubo, "Niyakwati lenginentele kona? ¹³ Ningibita nge "mfundzisi" ne "Nkhosi" futsi nisho kahle, ngobe vele kunjalo. ¹⁴ Nangabe mine ke, iNkhosi na thishela, ngigeze tinyawo tenu, nani nibogezana. ¹⁵ Ngobe nginikike sibonelo khona nitokwenta njengoba nami ngentile kini. ¹⁶ Ngicinisile ngicicnisile ngitsi kini, sisebenti asisiko sikhulu kunemphatsi wakhe; nesitfunywa asisiko sikhulu kunalositfumile. ¹⁷ Nangabe niyatati letintfo leti, nibusisekile nangabe niyatenta. ¹⁸ Angikhulumi ngani nonkhe; ngiyabati labo lengibakhetsile_kodvwa loku kwentela kuts umbhalo agcwaliswe: "loyo lowente ngatsi udlakanye nami utente sitsa kimi." ¹⁹ Nginitjela loku nyalo kusengakenteki kukhona kutsi maseyenteka nitokholwa kutsi Nginguye. ²⁰ Ngicinisile ngcinisile ngitsi kini, loyo lowemukela lengimutfumile umukela mine, futsi lomukela mine umukela lona longitfumile." ²¹ Jesu makasho loku, bekakhatsatekile emoyeni. Wafakaza watsi, "Ngicinisile ngicinisile ngitsi kini munye wenu utangijikela." ²² Bafundzi babukana, batibuta kutsi ngabe ngubani labekhuluma ngawe. ²³ Munye walabafundzi bakhe, Jesu labemtsandza, abehleti phansi etafuleni ngase eceleni kwaJesu. ²⁴ Simon Petro watsi kulabafundzi, "Mbuteni kutsi ngubani lakhuluma ngaye." ²⁵ Ngako wabuyela eceleni kwakhe Jesu watsi kuye, "Nkhosi, ngubani?" ²⁶ Jesu wase uphendvula utsi, "Ngulona lengitawufaka licetu lesimkhwa bese ngiyamunika." Watsi makancwilisa lesinkhwa, wasinika Judasi indvodzana ya Simoni Iscariot. ²⁷ Emva kwalesinkhwa, sathane wangena kuye, ngako Jesu watsi kuye, "Lokwentako, kwente uphangise." ²⁸ Nyalo kute lobekahleti phansi etafuleni bekati kutsi leni asho loko kuye. ²⁹ Labanye bacabanga kutsi, ngobe Judas abene sikhwama semali, Jesu watsi kuye, "Tsenga lesitakudzinga ngemkhosi," nobe aphe labaphuyile. ³⁰ Emva kwekube Judas amukele sinkhwa, waphuma ngaleso sikhatsi, kusebusuku. ³¹ Judas asahambile, Jesu watsi, nyalo indvodzana yemuntfu ikhatimuliiswe, futsi Nkulunkulu ukhatimuliswa kuye. ³² Nkulunkulu utatikhatimulisa kuye, futsi akhatimulise yena ngaleso sikhatsi. ³³ Bantfwana labancane, nginani ngesikhashana. Nitongifuna , futsi njengoba ngishito kumaJuda, "lapho ngiya khona , ngeke nikhone kuta, loku ngikusho kini. ³⁴ Ngininika umutsetfo lomusha, kutsi tsndzanani; njengoba nginitsandzile, nani ke nibotsandzana. ³⁵ Ngaloku wonkhe muntfu utokwati kutsi nibafundzi bami, nangabe nitotsandzana ³⁶ Simon Petro watsi kuye, Nkhosi, uyakuphi? Jesu waphendvula, lapho ngiya hona ngeke nikhone kungilandzela nyalo, kodvwa nitobuye nitongilandzela. ³⁷ Petro watsi kuye, Nkhosi, ngeke ngikhone leni kukulandzela nyalo? ngitawunikela imphilo yam ngiyinikelele wena. ³⁸ Jesu waphendvula watsi, utawufa lapho ngifa khona? "'ngicinisile ngicinisile gitsi kuwe. lichudze ngeke likhale ungakangiphiki katsatfu."