¹ Ngako Josefa wakhatsateka wate waculeka ebusweni beyise wakhe , wase uyakhala kuye, wase uyamcabuza. ² Josefa waphocelela tisebenti takhe dokotela kutsi bomise uyise. Ngako bodokotela bomisa Israel. ³ Batsatsa emalanga langu-40, Ngoba leso bekusikhatsi lesigcwele sekomisa. EmaGibhithe amlilela emalanga langu-70. ⁴ Kwatsi nasekuphele emalanga ekumlilela, Josefa wakhuluma nendlu yaFaro, atsi, '' Nangabe nyalo ngitfole bubele emehlweni akho, ngicela ukhulume kuFaro utsi, ⁵ Babe wami ungente ngafunga, atsi, ''buka, sengitokufa. Ngigcwabe ethuneni lami lengatigubhela mine eveni lase khenana. Lapho-ke utongigcwaba mine. ''Nyalo ngikhulule ngihambe bese ngyongcwaba babe, ngtobese ngiyabuya''. ⁶ Faro waphendvula,'' Hamba uyogcwaba babe wakho, njengoba akwente wafunga.'' ⁸ Josefa wahamba wayongcwaba babe wakhe. Tonkhe tindvuna taFaro tahamba naye, labandzala bendlu yakhe, kanye nato tonkhe tidvuna letinkhulu taseveni lase Gibhithe, ⁷ kanye nayo yonkhe indlu yaJosefa nabo mnakabo nendlu yababe wakhe. Kepha bantfwababo , nemihlambi yabo kanye netimfuyo yabo kwasala eveni lase Gosheni. ⁹ Tincola nemgibeli bemahhashi bato bahamba naye. Kwakusicumbi lesikhulu sebantfu. ¹⁰ Batsi nabefika esivunweni sa-Atad ngesheya kwe-Jordan, balila kakhulu ngelusizi lolubuhlungu. Lapho Josefa wazilela babe wakhe emalanga lasikhombisa. ¹¹ Tatsi takhamiti tendzawo, emakhenani, nakabona kulila ebaleni laka-Atad, batsi, ''Lona ngumcimbi lobuhlungu kakhulu kumaGibhithe.'' Kungako lendzawo yabitwa Abel Mizraim, lengesheya neJordan. ¹² Ngako emadvodzana akhe, entela Jakobe njengobe bekalayetile kuwo. ¹³ Emadvodzana akhe ametfwala amyisa eveni laseKhenani amngcwabela khona emhhumeni ensimini yaMachpelah, eceleni neMamre. Abraham watsenge lomhhume nensimi nendzawo yekungcwaba. Awutsenge ku-Ephrom umHethi. ¹⁴ Emvakwekuba angcwabe babe wakhe, Josefa wabuyela eGibhithe, yena, kanye nabomnakabo, nabo bonkhe labebamphekeletele kuyogcwaba babe wakhe. ¹⁵ Batsi bomnakabo Josefa nababona kutsi babe wabo sofile, batsi, ''Nangabe Josefa ubambelela ekusikwateleni bese ufuna kusibhadala ngebubi lobuphelele ngalo bonkhe lokubi lesakwenta kuye?'' ¹⁶ Ngako baphocelela bukhona baJosefa, batsi, '' Babe wasinika umlayeto angakafi, watsi, tjelani Josefa loku, '' Ngicela ucolele siphambuko sabomnakenu kanye nesono sabo nabenta lokubi kuwe.'' ¹⁷ Nyalo ngcela ucolele tisebenti taNkulunkulu wababe wakho.'' Josefa wakhala nabakhuluma naye. ¹⁸ Bomnakabo nabo bahamba base bakhotsamisa buso phambi kwakhe. Batsi, ''buka sitisebenti takho,'' ¹⁹ kepha Josefa wabaphendvula bona, '' Ningesabi. Ngabe ngisendzaweni yaNkulunkulu na? ²⁰ Mayelana nani benicondze kungilimata kepha Nkulunkulu abehlose lokuhle, kugcina tebantfu labanye njengoba nibona namuhla. ²¹ Ngako ningesabi ngitaninakekela kanye nebantfwabenu. '' Wabadvudvuta ngalena ndlela wase ukhuluma kahle etinhlitiyweni tabo. ²² Josefa waphila eGibhithe, kanye nemndeni wababe wakhe. Waphila iminyaka lengu-110. ²³ Josefa wabona situkulwane sesitsatfu kubantfwana ba-Ephraim. Waphindze wabona bantfwana baMakir indvodzana ya-Manasseh, labekabekwe emadvolweni aJosefa. ²⁴ Josefa watsi kubomnakabo, '' Sengitokufa, Kepha Nkulunkulu utofika anihole nine kulo lelive aniyise kulelive lafunga ngalo kutsi utolinika Abraham, Isaka, naJakobe.'' ²⁵ Wase Josefa wenta emadvodzana a-Israel afunga watsi Nkulunkulu noma kanjan utokuta kini. Watsi, ''Nkulunkulu imphela utokuta kini. Ngaleso sikhatsi nibotsatsa ematsambo ami lapha.'' ²⁶ Ngako Josefa wafa, aneminyaka lengu-110. Basomisa sidvumbu sakhe basibeka eGibhithe.