¹ Nyalo Jakobe wati kutsi bekunemabele eGibhithe. Watsi emadvodzaneni akhe, ''Nibukanelani nodvwana?'' ² Watsi, ''Bukani la, ngivile kutsi kunemabele e eGibhithe. Hambani khona niyositsengela khona sitowuphila futsi singafi.'' ³ Bomnakabo Josefa labalishumi bahamba bayotsenga emabele eGibhithe. ⁴ Kepha Jakobe akazange atfume Bhenjamini, umnakabo Josefa, kanye nabomnakabo, ngoba watsi, '' ngiyesaba kutsi kulimala kungeta kuye.'' ⁵ Emadvodzana a Israyeli eta kutotsenga kulabo labeta, ngoba indlala beyiseveni lase Khenani. ⁶ Nyalo Josefa abengumengameli walendzawo. Bekunguye lobekatsengisela bonkhe bantfu bakulendzawo. Bomnakabo Josefa beta bamkhotsamela buso babo bubuke phansi. ⁷ Josefa wabona bomnakabo wabanaka, kepha wenta ngatsi akasiye umnakabo kibo phindze wakhuluma kabuhlungu nabo. Watsi kubo, ''Nibuya kuphi?'' Batsi, ''Eveni lase Khanani kuyotsenga kudla.'' ⁸ Josefa wababona bomnakabo, kepha bona abambonanga. ⁹ Ngako Josefa wakhumbula emaphupho lawaphupha ngabo, phindze watsi kubo, '''Nibahloli! Nite kutobuka kutsi kukuphi lasingakagadzi incenye yalelive.'' ¹⁰ Batsi kuye, ''Cha, mphatsi wetfu. Tisebenti takho titotsenga kudla. ¹¹ Sonkhe simadvodzana endvodza yinye. Setsembekile. Tisebenti takho atisito tinhloli.'' ¹² Watsi kubo, ''Cha, senitele kutewubuka incenye yalelive kutsi alikagadzeki ngakuphi.'' ¹³ Batsi, ''Tsine tisebenti takho singemadvodzana lalishumi nakubili, simadvodzana endvodza yinye eveni lase Khenani. Buka, lomncane namhla usekhaya nababe wetfu, futsi lomunye wetfu akasekho emhlabeni.'' ¹⁴ Josefa watsi kubo, ''Kunguloko lengikushito kini; nine nitinhloli. ¹⁵ Ngaloko nine nitawu vivinywa. Ngemphilo yaFaro, angeke nihambe lapha, ngaphandle kwekutsi umfoweni lomncane afike la. ¹⁶ Tfumelani munye wenu ayolandza umnakenu. Nitawuhlala ejele, kute emavi enu avivinywe, noma kunemaciniso kini. Ngaphandle kwaloko, ngemphilo yaFaro, nine nitinhloli.'' ¹⁷ Wabafaka bonkhe ejele emalanga lamatsatfu. ¹⁸ Josefa watsi kubo ngelilanga lesitsatfu, ''Yentani loku niphile, ngoba ngiyamesaba Nkulunkulu. ¹⁹ Naningemadvodza latsembekile, vumelani munye wenu asale ejele, kepha nine labanye nihambe, tsatsani lokolo ngoba kunedlala emakhaya enu. ²⁰ Letsani umfowenu lomncane kunani nonkhe kimi khona emavi enu atewuhlolisiswa futsi angeke nife.''Base benta njalo. ²¹ Bakhulumisana bodvwa, ''Ngempela sesiyatisola ngemnaketfu ngalokutsi satibona tinhlungu temphefumulo wakhe nakasincenga futsi asitange simlalele. Ngako ke lobuhlungu sebusetikwetfu.'' ²² Rubeni wabaphendvula, ''Anginitjelanga yini, 'Ningoni ngalomfana,' kepha anitange ningilalele? Nyalo, bukani, ingati yakhe iyabutwa kitsi.'' ²³ Abatanga kutsi Josefa uyabeva, njengobe bekunemhumushi emkhatsini wabo. ²⁴ Wabafulatsela wase uyakhala. Wase ubuyela kubo uyabakhulumisa. Watsatsa Simoni emkhatsini wabo wambopha embikwabo. ²⁵ Josefa wase uphocelela tisebenti takhe kutsi tigcwalise tinhlavu emasakeni abomnakabo, futsi abuyisele lemali esakeni langayinye indvodza, wase ubapha umphako wendlela. Base bayentelwa. ²⁶ Labafowabo bagcwalisa timbongolo tabo ngemasaka ekudla base bayahamba lapho bebakhona. ²⁷ Lomunye wabo wavula lisaka afuna kupha imbongolo yakhe kudla endzaweni yekuphumula, wabona imali yakhe. Nembala bekusekuvulweni kwelisaka lakhe. ²⁸ Watsi kuba fowabo, '' Yami imali ijikisiwe. Yibuke; isesakeni lami.'' Tinhlitiyo tabo taba buhlungu futsi baba nekwetfuka base bakhuluma bodvwa, batsi, ''Kepha Nkulunkulu yini lena layenta lakitsi?'' ²⁹ Bahamba baya kuJakobe, uyise wabo endzaweni yase Khenani bafike bamtjela ngako konkhe lokubehlele. Batsi, ³⁰ '' Lendvodza, leyinkhosi yalendzawo, isikhulumise kabi icabange kutsi sitinhloli kulendzawo. ³¹ Satsi kuye, 'Simadvodza latsembekile. Asisito tinhloli. ³² Simbonaka labangu-12 , simadvodzana ababe wetfu. Munye wetfu wafa, futsi lomncane kitsi namuhla una babe eveni lase Khenani.' ³³ Lendvodza, leyinkhosi kulelive, itsite kitsi, ' Ngaloku ngitokwati kutsi ningemadvodza latsembekile. Shiyani munye webafowenu nami, tsatsani emabele niwayise etindlini tenu, bese nichubeka nelihambo lwenu. ³⁴ Letsani umnakeniu lomncane kunani nonkhe kimi. Ngaloko ke ngitawati kutsi anisito tinhloli, kepha ningemadvodza latsembekile. Ngitawubese ngikhulula umnakenu, nitawutsengisa kulive.'' ³⁵ Kwase kuyenteka kutsi batfulule emasaka abo, buka, sikhwama sesiliva sasisesakeni langayinye indvodza. Lesikhatsi bona neyise wabo babona letikhwama tesiliva, besaba. ³⁶ Jakobe babe wabo watsi, ''Ningente ngalahlekelwa bantfwana bami. Josefa akasaphili, Simoni uhambile, senitophindze nitsatse naBenjamini. Tonkhe letintfo timelane nami." . ³⁷ Rubeni wakhuluma kubabe wakhe, watsi, ''Ungabulala emadvodzana ami lamabili nangabe angimbuyisi Benjamini kuwe. Mubeke etandleni tami, ngitawuphindze ngimbuyisa kuwe.'' ³⁸ Jakobe watsi, '' Indvodzana yami angeke yehle nawe. Ngoba umnakabo afile futsi nguye yedvwana losasele. Nangabe lokubi kungamvelela endleleni lenihambe ngayo, nitowubese nisusa tinwele tami letimphunga ngebuhlungu kuShiyoli.''