¹ Uma Racheli abona kutsi akamtaleli bantfwana Jakobe, Racheli wamenyanya dzadze wakhe. Watsi ku Jakobe, ''Nginike bantfwana, noma ngitawufa.'' ² Intfukutselo yaJakobe ngaRacheli yavutsa. Watsi, ''Ngisesikhundleni saNkulunkulu yini, lokugcinile ekubeni nebantfwana yini?'' ³ Watsi, ''Buka, nasiya sisebenti sami Bilhah. Hamba kuye, kute atewutala bantfwana esikhundleni sami, futsi ngitawuba nebantfwana ngaye.'' ⁴ Wabese umnika sisebenti sakhe Bilhah njengemfati, naJakobe wangena naye. ⁵ Bilhah wakhulelwa wase utalela Jakobe indvodzana. ⁶ Wase Racheli utsi, ''Nkulunkulu ungiphendvulele, futsi ulivile livi lami waphindze wanginika indvodzana.'' Ngaleso sizatfu wabita ligama lakhe ngekutsi ngu Dan. ⁷ Bilhah, sisebenti sa Racheli, waphindze wakhulelwa watalela Jakobe indvodzana yesibili. ⁸ Racheli watsi, ''Ngekulwa lokumatima ngilwe nadzadzewetfu ngate nganganyakatiswa.'' Wabita ligama lakhe ngekutsi ngu Naphtali. ⁹ Uma Leah sekabona kutsi akasakhoni kutfola bantfwana, watsatsa Zilpah, sisebenti sakhe, wamuniketa kuJakobe njengemfati wakhe. ¹⁰ Zilpah, sisebenti saLeah, watalela Jakobe indvodzana. ¹¹ Leah watsi, ''Loku kuyinhlanhla!'' wase ubita ligama lakhe ngekutsi ngu Gad. ¹² Wase Zilpah, sisebenti sa Leah, utalela Jakobe indvodzana yesibili. ¹³ Leah watsi, ''Ngijabulile! Ngoba emadvodzakati atangibita jabulile.'' Ngako wabita ligama lakhe ngekutsi ngu Asher. ¹⁴ Reuben wahamba ngemalanga ekuvuna kolo wase utfola titselo telutsandvo ensimini. Watiletsa kumake wakhe Leah. Wase Racheli utsi ku Leah, ''Nginike incenye yetitselo telutsandvo tendvodzana yakho.'' ¹⁵ Leah watsi kuye, ''Kuyintfo lencane yini kuwe, kutsi utsetse indvodza yami? Nyalo ufuna kutsatsa titselo telutsandvo tendvodzana yami futsi?'' Racheli watsi, ''Utawulala nawe namuhla ebusuku, ngekushintjisela nge titselo telutsandvo tendvodzana yakho.'' ¹⁶ Jakobe wabuya ensimini entsambama. Leah waphuma wayomhlangabeta watsi, ''Ubokuta kimi, ngoba ngikucashile ngetitselo telutsandvo tendvodzana yami.'' Ngako Jakobe walala na Leah ngalobo busuku. ¹⁷ Nkulunkulu wamulalela Leah, futsi wakhulelwa watalela Jakobe indvodzana yesihlanu. ¹⁸ Leah watsi, ''Nkulunkulu unginikile imbhadalo yami, ngoba nginiketele sisebenti sami sesifazane endvodzeni yami.'' Wabita ligama lakhe ngekutsi ngu Issachar. ¹⁹ Leah waphindze wakhulelwa futsi watalela Jakobe indvodzana yesitfupha. ²⁰ Leah watsi, ''Nkulunkulu unginikete siphiwo lesihle. Nyalo indvodza yami itangihlonipha, ngoba ngiyitalele emadvodzana lasitfupha.'' Wamita ligama lakhe ngekutsi ngu Zebulun. ²¹ Emvakwaloko watala indvodzakati wabita ligama ngekutsi ngu Dinah. ²² Nkulunkulu wacabanga nga Racheli wamlalela. Wamenta wakhulelwa. ²³ Wakhulelwa watala indvodzana. Watsi, ''Nkulunkulu ulisusile lihlazo lami.'' ²⁴ Wabita ligama lakhe ngekutsi ngu Josefa, atsi, ''Simakadze sewungetile kimi lenye indvodzana.'' ²⁵ Emvakwekutsi Racheli atale Josefa, Jakobe watsi ku Laban, ''Ngikhulule, kute ngitewukuya ekhaya lami nase veni lami. ²⁶ Nginike bafati bami nebantfwana bami lengikusebentelele bona, ungikhulule ngihambe, ngoba uyati umsebenti lengikwentele wona.'' ²⁷ Laban watsi kuye, ''Uma nyalo sengitfole kwemukeleka emehlweni akho, mani, ngoba ngifundzile ngekusebentisa kwakamoya kutsi Simakadze ungibusisile ngenca yakho.'' ²⁸ Wase utsi, ''Shano imbhadalo yakho, ngitokubhadala.'' ²⁹ Jakobe watsi kuye, ''Uyati kutsi ngikusebentele kanjani, nekutsi imfuyo yakho yente njani ngekunakwa ngimi. ³⁰ Ngoba bewunalencane ngisengakefiki, futsi seyikhule ngalokuphindzene. Simakadze ukubusisile konkhe lapho ngisebente khona. Nyalo ke ngitawunakekela nini umndeni wami?'' ³¹ Ngako Laban watsi, ''Ngitokubhadala ngani?'' Jakobe watsi, ''Ungeke unginikete lutfo. Uma utongentela lentfo le, ngitawuphindze ngondle imfuyo yakho ngiphindze ngiyigcine. ³² Ngivumele ngibuke umhlambi wakho namuhla, ngisuse yonkhe imvu lenemabala, nayoyonkhe lemnyama emkhatsini wetimvu, nalenemabala emkhatsini wetimbuti. Loku kutoba yimbhadalo yami. ³³ Kwetsembeka kwami kutongifakazela ekuhambeni kwesikhatsi, uma uta utewuhlola imbhadalo yami. Yonkhe letawubate emabala emkhatsini waletimbuti, nalemnyama kuletimvu, uma kungaba khona letingatfolakala kimi, titawubitwa njengaletetjiwe.'' ³⁴ Laban watsi, ''Sivumelene. Akube njengoba usho.'' ³⁵ Ngalelo langa Laban wasusa letimbuti letindvuna letatinemibala, tonkhe letatinalokumhlophe kuto, nato tonkhe leletimnyama kuletimvu, watiniketa kumadvodzana akhe. ³⁶ Laban wase ubeka emalanga lamatsatfu ekuhamba emkhatsini wakhe na Jakobe. Ngako Jakobe wachubeka nekunakekela wonkhe imihlambi ya Laban. ³⁷ Jakobe watsatsa emagatja lasandza kujutjwa epoplar, newe alimondi newesihlahla sepleyini, wase ubula imishi lemhlophe kuwo, wase wenta lesigcodvo lesingekhatsi lesimhlophe kutsi sivele lebesikuletintsi. ³⁸ Wase ubeka letintsi latibulile embikwalemihlambi, ngembikwalapho tatitewunatsa khona. ³⁹ Lemihlambi yekhwelana embikwaletintsi; ngako lemihlambi yakhicita emazinyane lanemibala nemishi. ⁴⁰ Jakobe wawehlukanisa lamazinyane, kepha wenta lalamanye abuka ngakuletilwane letimnyama letinemishi nato tonkhe letimvu letimnyama kulomhlambi wa Laban. Wase uhlukanisa eceleni imihlambi yakhe yedvwa wangayihlanganisi neya Laban. ⁴¹ Njalo uma letimvu letinemandla kulomhlambi tekhwelana, Jakobe abebese ubeka ulalisa letintsi lapho tinatsa emanti khona embikwalomhlambi, kute titewumitsisana ngakuletintsi. ⁴² Kepha uma letilwane letite emandla kulomhlambi tita, akatibekanga tintsi embikwato. Ngako letilwane letatite emandla tatita Laban, letinemandla tita Jakobe. ⁴³ Lendvodza yaphumelela kakhulu. Abe nemihlambi lemikhulu, tisebenti letinsikati naletindvuna, nemakamela kanye netimbongolo.