¹ Isaka wabita Jakobe, wambusisa, wamyala yena, Ungamtsatsi umfati kubesifazane baseKhenani. ² Vuka, hamba uye Phadeni Arami, endlini yaBhethuweli make wababe wakho utsatsa umfati khona, munye kumadvodzakati aLabani, umnakabomake wakho. ³ Shegatsi Simakadze mninimandla onke angakubisisa, akwente utsele titselo wandze, kute nibe sicuku sebantfu. ⁴ Shengatsi angakunika sibusiso saAbrahama, kuwe, nasesitukulwaneni lesita emvakwakho, kute nidle umhlaba lebeniphila kuyo, Simakadze layiniketa Abrahama.' ⁵ Ngako ke Isaka wase utfumela Jakobe kudze. Jakobe waya ePhadeni Aram, kaLabani umusa waBhethuweli umRamiya, umnakaboRebhekha, make waJakobe naEsawu ⁶ Nyalo Esawu wabona kutsi Isaka sewubusise Jakobe wase umtfumela ePhadeni Aram, ayotsatsa umfati khona. Wabona nekutsi Isaka umbusisile wase umniketa umyalo, lotsi, ungamtsatsi umfati kulabasikati base Khenani. ⁷ Esawu waphindze wabona kutsi Jakobe ubahloniphile boyise nenina, waya ePhadeni Arami. ⁸ Esawu wabona kutsi labafati baseKhenani bebangamtfokotisi Isaka babe wakhe ⁹ Wase uya kuIshimayeli, watsatsa, ngaphandle kwebafati abenabo, Mahalathi indvodzakati yaIshimayeli, indvodzana yaAbrahama, dzadze waNebayothi kuba ngumfati wakhe ¹⁰ Jakobe wesuka eBharisheba walibhekisa eHarani. ¹¹ Weta kulenye indzawo wahlala khona busuku bonkhe, ngobe lilanga laselishonile. Watsatsa linye lematje kulendzawo, walifaka ngaphasi kwenhloko yakhe wase ucambalala phasi kuleyo ndzawo walala. ¹² Wabhudza abona liladi lisuka emhlabeni. Budze balo bufika eZulwini netingelosi taNkulunkulu tatehla tenyuka kilo. ¹³ Bheka , Simakadze abeme etikwalo watsi, '''nginguSimakadze, Nkulunkulu waAbrahama babe wakho, na Nkulunkulu waIsaka. Lomhlaba locambalale kuwo, ngitakunika wona nesitukulwane sakho. ¹⁴ Situkulwane sitakufana nelutfuli lwemhlaba, nitakwandza kufika ,empumalanga ,nenshonalanga inyakatfo kanye neningizimu. Kuwe nasesitukulwaneni sakho yonkhe imindeni yemhlaba itobusiseka. ¹⁵ Bheka, mine nginawe, ngitakugcina noma kuphi lawuya khona .Ngitokuletsa kulomhlaba futsi; ngobe angisoze ngakushiya. Ngitokwenta konkhe lengikutsembisile kuwe. ¹⁶ Jakobe waphaphama ebutfongweni, wase utsi, Ngicinisile Simakadze ukulendzawo bengingakwati loku.'' ¹⁷ Abesaba watsi, ''lendzawo iyesabeka! Lena asiyo nje kepha indlu yaNkulunkulu. Leli lisango lezulu.'' ¹⁸ Jakobe wavuka ngeluvivi watsatsa lelitje abelifaka ngaphasi kwenhloko yakhe. Walimisa nje ngensika watsela oyili esicongweni salo. ¹⁹ Wase ubita ligama lalendzawo ngeBetheli, Kepha libito lalelidolobha lelingulona kwakuyiLusi ²⁰ Jakobe wafunga sfungo, watsi, uma Nkulunkulu angaba nami aphindze angivikele mine kulendlela lengiyihambako, aphindze anginike sinkhwa sekudla , kanye netimphahla tekwembatsa, ²¹ kute ngijike ngisindzile endlini yababe wami, Ngako Simakadze uyaku ba nguNkulunkulu wami. ²² Ngako lelitje lengilente insika litoba litje leligcwele. Kuko konkhe lenitokuletsa kimi, ngitokwenta siciniseko kutsi ngitokhipha kweshumi kubuyele emva kuye.''