¹ Simakadze wavela ku Abrahama ngasemaokhini ase Mamre, asehleti ngasemunyango welithende ekushiseni kwelilanga. ² Wabuka etulu wase ubona emadvodza lamatsatfu eme embikwakhe. Watsi kube ababone, waya kuwo emyango welithende wase uyakhotsama washonaphansi phambikwabo. ³ Wase utsi, ''Nkhosi yami, nangitfola umusa eceleni kwakho ngicela ungengci etisebentini takho.'' ⁴ Akuleftwe, emanti lamancane ugeze tinyawo, takho, utotiphumulela ngaphansi kwalesihlahla. ⁵ Angiletse kudla, lokuncane khona utophumula wenacobolwakho. Emvakwaloko utohamba tindlela, takho ngobe ute etisebentini takho.'' Waphendvula, '''watsi Yenta loko lokushito.'' ⁶ Wase Abrahama uyashesha uya ethendeni ku Sara, wase utsi, ''Phutfuma, utfole emapaka lamatsatfu a fulawa, lokahle sidzinga, kubese sakha sinkwa. '' ⁷ Wase Abrahama uyagijima uya esibayeni, watsatsa litfole lebelikhuluphele walinika tisebenti, wase ulinikalesisebenti kutsi sililungise. ⁸ Watsatsa emasi nelubisi, nalenyama lebeyilungisiwe, wayibeka embhikwabo, wase uma eceleni kwabo ngaphansi kwesihlahla nabasachubeka nekudla. ⁹ Batsi kuye , ''Uphi Sara umkakho?'' Waphendvula, '''Ulapha, ngekhatsi e thendeni.'' ¹⁰ Watsi ngitobuya kuwe ngesikhatsi sentfwasanhlobo , kutowubona, Sara umkakho utokuba nendvodzana.'' Sara bekalalele ngekhatsi ethendeni emyango, lebekasemuvakwakhe lowesilisa. ¹¹ Abrahama na Sara besebakhulile, kangangokuba iminyaka, ya Sara beseyengcile eminyakeni wekutsi wesifazana angatfola bantfwana. ¹² Ngako Sara watihleka yena, wase uyatibuta utsi,'' Emvakwekuba Mine sengikhule kangaka nemuyeni wami sekakhulile, engabe Ngingasabanalo yini lelotfuba?'' ¹³ Simakadze watsi ku Abrahama, ''Leni Sara ahleke, 'Wase utsi, 'Kungenteka yini kutsi Mine ngingaba Nemntfwana, sengikhulile'?. ¹⁴ Kukhona yini lokungahlula Simakadze? Kulomunyaka wentfwasahlobo lengitse ngtobuya ngawo, ngitobuya kuwe. Kulesikhatsi semnyaka lotako Sara utokuba nendvodzana.'' ¹⁵ Sara waphika watsi, ''angikahleki, '' ngoba esaba. Waphendvula, ''Cha, uhlekile.'' ¹⁶ Aselamadvodza ayahamba aya e Sodom.Abrahama wahamba nawo kubakhombisa indlela. ¹⁷ Kodvwa Simakadze watsi, '' ngingamfihlela yini Abrahama loko lengifuna kukwenta kuye na, ¹⁸ Ngobe Abrahama ngitomenta abe mukhulu etiveni, nakuwo onkhe lamave emhlaba atobusiswa ngaye?. ¹⁹ Ngimukhetse ngoba khona atofundzisa bantfwabeni nendlu yenu emvakwakhe kwenta intsandvo ya Simakadze, nekwenta lokulungile, nekwetsembeka, ku Simakadze kwenta Abrahama atfole loko lokushiwo kuye.'' ²⁰ Wase simakadze utsi, ''Njengoba kunekukhala lokumatima e Sodom nase Gomorrah, kungoba tono tabo timatima, ²¹ Ngitokuya kuyobuka kukhala kwabo, ngobe ngive kutsi bakwentile yini loko lokufike kimi . Uma bangakakwenti ngitokwati.'' ²² Ngako lamadvodza agucuka aya e Sodom, kodvwa Abrahama wasala phambi kwa Simakadze. ²³ Wase Abrahama uyabuta utsi,'' utobatjezisa yini labo labalungile nalababi? ²⁴ Umangabe kunalabangemashumi lasihlanu labalungile kulelidolobha. Utalibhubhisa yini noma ungabese wentela labo labangemashumi lasihlanu labalungile labalapho? ²⁵ Kukhashane nawe kwenta intfo lenjena, kubulala labo labalungile kanye nalababi , khona labo labalungile baphatfwe kufanana nalaba labangakalungi. Kukhashane nawe loko? Angeke umehlulele yini wemhlaba wonkhe ente kulunga?'' ²⁶ Simakadze waphendvula watsi,'' Umangikhandza bantfu e Sodom labangemashumi lasihlanu kulelodolobha, ngyoyisindzisa yonkhe lendzawo ngenca yabo.'' ²⁷ Abrahama waphendvula watsi, ''Buka, ngibone kungasiko kuhle kukhuluma na Simakadze, naloku ngilutfuli nemlotsa. ²⁸ Umangabe basihlanu labangaphansi kwemashumi lasihlanu labalungile? Ungalibhubhisa yini lelidolobha ngekushoda kwebantfu labasihlanu?'' Wase utsi, '' Ngingeke ngilibhubhise, umangabe ngitokhandza labangemashumi lamane nesihlanu." ²⁹ Wakhuluma kuye futsi watsi, ''Umakungatfolakala labanye labangemashumi lamane nakune?'' Waphendvula watsi,'' Ngingeke ngilibhubhise sale ngentela labo labangemashumi lamane.'' ³⁰ Wase utsi, ''Ngicela Simakadze ungatfukutseli ngitokhuluma . Mhlawumbe labangemashumi lamatsatfu bangatfolakala lapho.'' ³¹ Watsi , ''Buka, akukameli kutsi ngikhulume na Simakadze! Kodvwa labangemashumi lamabili labangatfolakala lapho.'' Watsi, ''Ngingeke ngilibhubhise ngalabo labasele labangemashumi lamabili.'' ³² Watsi, ''Ngicela ungangitfukutseleli Nkhosi ngitokhuluma kwekugcina. Nakwenteka kutfolakala labalishumi ke.'' Wase utsi ngingeke ngilibhubhise ngalabo labasele labalishumi.'' ³³ Simakadze wase uyahamba nakacedza kukhuluma na Abrahama, na Abrahama naye wabuyela ekhaya.