^{1 2} 1 Rü aikümaãkü rü tama na tautchika na ñuma ü ta nakaku wüetaei natchiga i diẽrü arü de na ñemaãkü tüũ rü ngüẽẽgüũka ya yiema yuda arü naãne wã ya ògüe. 2 Rü ñüũtcha kua na pemagürü nüũ ipe'ngüẽẽgütchaãũ. Rü ñemaka poraãkü chaugütchi kuaũũãkü ü namaã nüũtchiu i ñema taeneẽgü i matche doniarü naãnewa ñemagü ñema akaya arü naãnewa, yemagü ü taunekü ya üpetükügu ü ina memaregü nana ngüẽẽtaegü. Yeguma matchedonia kaã nüũ inüegü i ñaã ü wigutaã guũma nana ügü na nana ngüẽẽtae. ^{3 4 5} 3 Rü yemakà Titu ü ñumatchi tarè taene ègüũ na muãtchitanü na ñemaãkü yoni namaã nüũ ya ugüũka na ñure diẽrü tà tüũ nana nutaqueegü ü ñema ãkü nüũ tata daugu i ñema ipe ügu ü ñemaka poraãkü peĩ ti kuaũũgü. 4 nagutarü ĩnüe na ñurè anetchi i ñegü i yiemagü ñeguma nümaugü i taeneègü i matchedonia kaã tüũ iya ümükügu ñegumatchi pema tama i pena meèègu i ñema ãmarè i Ñetatchi meè na ñema na pegutaya ògü. 5 Rü ñemaka na naũpa ñema itcha ya daũ ü wipeegu chaya mugü i ñaã taeneẽgü. Nümagürü nüũ na tautcha na peĩ narü ngüẽẽĩ na tüũ ipe nutakeeĩka ya yiema diẽrü ga tüũ ipe uegugüe tana tüũ ipeã. Rü ñemaãkü ipema ipena wegü na meĩ i ngutchaũ maã ipena ü ü nüũ ipe ngetcha ũãkümaã ü ñumatchi tauema peĩ muãküna ipenaũ. ^{6 7} 6 Nüna ipe kuaãtchi i ñaã ya yiema nore tama tüũ ãẽ ü nore tata tüũta yau yiema mue tüũãẽ ü muẽtata tüüta yau. 7 Wüietchigü ü tà tüũ ta ã ya ñurè tüũta ãtchaũẽ. Taũtama ñetchaüãküma tüũta ãgü ü baitata teè kuũ muãküma i Tupanarü tüũ na ñetchaũ ya yiema taãẽkü tümaãrü ãmare tüũaẽ. ^{8 9} 8 Tupanarü nüũ na tautcha na muũma ñemaũgü tüina naã na ñemaãkü tüũ na ñemaũka i ñema i nawa ẽĩ ü naẽtüwa ü tüũina üütchi. Rü ñemaãkü na tüũ na ñemaũka na toguãtagüũ irü ngüẽẽgü. 9 Ñema Tupanaãrü orè nüũ i uũrüũ nüna ita kua ãtchi ya yima mekümakü. Rü muẽpüküna tüũ narü ngüẽẽ ya yiema ñearü ñemaüẽ nama ã i noü mekü ma rü ñemaka guũma takü ina üũwa ü meã nüũ ina nguutchi. ^{10 11} 10 Tupanarü tüna nanaã ya yima natchirè nana toũka ü ñumatchi tüna nanaã i ñema ò na itüũ maẽẽĩ ü ñegumarüũ tata tüna nanaã i ñema i nawae ü ta gutama takü tüũ na tauẽẽ, na ñemaãkü toguã tagü iri ngüẽẽĩka.11Rü tüũna muarü ñemaũẽẽ tà na ñemaãkü muũma i ã güũka. Rü poraãkütama Tupanana moè tà ãgü tümaka ya yiema diẽru i tüũ i tuũ i nutakeee rü tomagü ü tüũ ta ti ñegü. ^{12 13 14 15} 12 Erü ñema perü ngüẽẽ ü tama nüũ ni utchaũ na ñema na nüũ na tauũka i taenegü ü ñemaka nüna tanaã nüna tanaã i ñemaũgü na ñemaãkü nümagürüta Tupanana moè na ãgüũka 13 Ñema ngüẽẽwa ü tà nüũ itakua na pemagürü nagu ipeya ògü i ñema dea i me ü ñumatchi naga ipe ĩnüe i noü orè. Rü ñemaka ü ñemaka i nümagü ü Tupanaãũ na taèè ü ñumatchi nüũ ni kua ãũgü. 14 Pei na ñetchaũãküma pekà na yumaẽgü eü Tupanarü nüũ nanawe i norü meküma. 15 i ñema tona na ãũka moẽ nüna tà ãgü ya Tupana i Rü tauũma i takümaã ita ngaũega.