^{1 2 3} 1 Wenaãrü yigütama iti kuaũũgü ena penawae na wüi poperamotü pekà taũ na nawa nüũ ipe kuakà na aiküma Tupanaãrü uruũ iti ĩgü ñuma togü ügüũrüũ. 2 pemagütama niĩ i wüi popera i wümatüũ rüũ ipeĩ i toü maũnewa, erü wüi i popera i wümatü ü guãma ya duũũegü nawà ta ugütae ü nüũ ta kua. 3 Pemagürü ü ñoma wüi popera ümatüũ rüũ toka pegü ipe wegü na kristuarü ipeĩgü tama wüetaruũ maã niĩ i ñema meĩ iperü maũwà ya wükutchi ü Tupanaãẽẽ i maũ ũmaã niĩ ipeü maũwa ya wükutchi Rü tama marü nutapütagu nawü i ñema mugü ü yatügüarü maũgu niĩ ina wü. ^{4 5 6} 4 Nagagu ya kristo, ü Tupanagu taya ògü. 5 Tamà nüũ ti ugutchaü na nüũ ita kuagü ütchi natanaũ i wüi i ñemaũ moe togüna natamà taãgü eü Tupana niĩ i tona naũũ i kuagü na ñemaãkü tana üũka i ñematà ügü. 6 Rü Tupana' i katama tüna nana ã i kuà na norü purakü tanüũ i ĩĩka nawa i ñewa ñewakaaũ i uenü i namaã na üũ ya noü ĩãne. ñaã ñewakaãũ i ue nü ü tama maitche arü mugüwã ümatüũ maã niũ ü Tupama eẽmaã eü ñema mugü i yatü wümatü rü yuwa tüũ nagagü notürü ñema mugü i naããẽ i üüneimaũ i uũ ü maũ tüna naã. ^{7 8} 7 ñema nukümaũũ i uenü i yuwa tüũga i wüi ya nutapütagu ümatü ü poraãküma ni yaura ü yema duũũgü i iraekaãgü ü tauaküma muitchè tchametüũ na daugü i muũ i nguneigu. Rü muitche tchametü ü poraãküma Tupanaãrü meĩ maã ni yaura notürü ñemarü nawà nanguta narü tau 8 Na marü na tàutama i Tupanaãrü meĩ naka i ñema purakü ñewakaãũ i uenü Tupanaã ẽẽmaà iũ. ^{9 10 11} 9 Rü yemaãkü woò na meẽtchi ga yema mugü ga yuwà tüũgagüũ i notürü yeeraãkü na meẽtchi i ñema uneta i ñewakaãũ i Tupana peewà tüũ meẽẽi. 10 Yema wüi i nguneigu i yauraküũ ü ñuma ü marü tama ni yauraküũ ü ñema ñewakaaũ i Tupanaãrü mei i ingu ü nüũ narü tamae i ñema nu kümaãũ. 11 Rü yema ga wüi i nguneĩgutà rü tau ü nüũ yema ga Tupanaãrü meĩ ü ñema ñuma ñema i Tupanaãrü mugü ü poraãkü narü memaaẽ nüũ i ñema nukümaũ. ^{12 13} 12 Rü ñumarü ñema niĩ i toü nguẽẽ ü ñemakà tamà nüũta ãne na natchigagu i deagü. 13 Tomagürü tama muitchè üũti ĩgü. nümarü natchi umü maã nügü ni dütchametü na ñemaãkü i ñema iraetanüũgü tama nüũ na kuagüũka na wüi i nguneigu inarü ò. ^{14 15 16} 14 Yema ĩãnekaã i yemà ñemagü rü narü wataẽẽgü ü woò ñumarüta narü wataẽgü ñeguma nawa na ugütaegu i ñema nukümaü ü i mugü ü tamà nüũna kuagüegu eü nawatama na ñema i ngema nu kümauũ i mugu. Rü Ngetchutu ya kristu ukatatama niĩ i nawà ina nguũẽẽĩ i ñema nukümaũ i na kümagü. 15 Rü ñoma i nguneĩ guguüta ñeguma ñema muitche arü mugüwa na ugütaegügu ü tama nüũna kuagüega na takütchi ga niĩ i ñema orè eü noü maũnegüwa rü ñumarüta na ñema i ngema nukü maũ i mugü. 16 Rü ñeguma teerüe korikà taegügu ü ñema nu kümaãüũ i mugü ü Tupana tüna nana yau. ^{17 18} 17 Ñaã ü matüũwa ñema dea i kori ñaũgu i u rü naãetchigugu niĩ ya dea ü ñetà kori arü üüneĩ i ñemaũwà ü tüũ nana tautchaẽã na nüna i ngaikamà. 18 Rü ñemakà i guãma i yiema na kristuaũ ya ògü ü ñoma wüi woruawa yigü i daũrüũ niĩ i ñuma na nüũ i dau i ñema kori arü meĩ ü ñema noü meü ü wüitchigü i nguneĩgu ü tüũ naya toòtchiẽẽraãũ na ñemaãkü na naraũgüũka na ñuma na to i duũũgü i ĩgü ñemarü koriwà ninaũ ü ñumatchi naãẽ ya üüneküwa.