^{1 2} 1 Ñaã niĩ i norü tamaẽpüküna taãrü ipeĩ itcha ya daũ nüna ipe kuããtchi egü ñema Tupanaãrü orè nüũ i ũ. Rü ñeguma teè chieĩ ügu ü tarè ü e'na tomaẽpü i duũũ nüũ dauãküma ü nüũ ya ugügu na aiküma yiiũ nana üũ i ñema chieĩ ü ñegumarikà tatama niĩ na pokü. 2 Noü tarè e pükuna na peĩ itcha ya dau rü pemaã nüũtchiu na poraãkü tama tümamaà itchi dea ya yiema chieĩ ügüe i ñuma ü ñumatchi yiema yikama na ü e i ñema chieũ. ^{3 4} 3 Rü tà chana ü eü pema rü pe nawàe na nüũ ipe dau na chomarü aiküma kristu chiga itchi dea, kristu ü tüũ narü weãtchiẽegu ü tüũ narü weãtchiẽẽ, ü ñemaãkü nana we i norü pora i petanüwa. 4 Yeguma kristu kurütcha ya potagu ü ñoma wüi i tura ũ rüũ niĩ notürü i ñuma Tupanaãrü pora maã na maũ. Yiemagürü namaã nüũ iti ugüe i ñema torü tura, notürü moẽ naka i ñema noü pora ya Tupana eü ñema noü poragagu ta'maè ñeguma tüũ na tautchagu ñeguma iya daugügutà ü nüũ ita kuagü i ñema noü pora. ^{5 6} 5 Rü na me niĩ na pegütama ipe ngugüũ ngoirü aiküma kristuãũ ipeya õgü. Na meniĩ na pegütama ipe ngugü aü maüũã ngairü aiküma ipe mè Erü nümarü pewa na maũ. Rü ñeguma tama aiküma kristugu ipeya õgügu rü nüũ ni utchaũ niĩ na tama pewa na ñema eü tama aiküma naka ipe maè. 6 Rü nüna ipe kuããtchie na to magürü nawà ita chopetüũ i ñema ügü. ^{7 8} 7 Toũ nana tauraãũ woò tama mei toü ü petügu. Tupanaka torü yumaẽwa ita kagü na taũũma chieĩ pe ügüũka ü tama nüũ ni utchaũ na tauuma takü toũ ngupetü, ü ñema ta ügü na ñemaãku i pemagü na meĩ ipe ügüũka. 8 Tomarü tana ügü i ñema orè i aikümaũ nüũ i uũrikatama ü tama nüũtiu i ñema orè maã ü uta ga. ^{9 10} 9 Rü ñemaka ta taãẽgü egu aiküma peporaegu ipeü maũwà. Ta yuma ẽgü na ñemaãkü wüitchi i ngu neigu na meĩ i kristuarü õgütanüũ ipe ĩgüũka. 10 Rü peka cha wüetae naũpa peĩ itchaya dau na ñemaãkü peĩ na ñemaũka na yoni ipena meẽẽĩ ipeu maũ na ñemaãkü ñeguma ñema chaũgu na tama poraãkü pemaã itchi dea. Ñema porà i Tupana chona ã ü ñemamaã peĩ charü ngüẽẽĩka na ye'eraãkü kristugu ipeya õgüũka ü tama peina na tà chieĩka niĩ i ñema. ^{11 12} 11 Ñaã niĩ i guũma pa chau neẽgü, Rü penataã cha taegu ü penatchau na petaãẽgü. Naka ipedaugü na ya metchigü i ñema peü maũ Ngiã naga ta ĩnüẽ. Rü wüitama i ĩnügu yigümaã itarü ü meã yigümaã ita maẽ. Yayima Tupana ya tüũ ñetchaãkü ü tüna daukü ü pemaã na ñema. 12 Yigü itarü moẽgü i wüietchigü i wüi i waĩmaã. Guũma i ñema ya õgü rü moè peka ni mugü. ^{13 14} 13 i Rü ya kori ya Ngetchutchu ü peĩ rü ngüẽẽ. i Rü Tupanarü peĩ na weã i norü ngetchaũ i Rü naãẽ ya ü̃ünekü peĩ ümükü i guũgumà.