^{1 2} 1 Rü kumaã nüũtchi u chomaã yana naĩnü woò chauka ü cha duiduküraũ. 2 Tupanarü na nawae na chomarü pekacha oègaãẽ. Ngèma cha nawae niĩ na pemagürü guũguma cristuãũ ipeya ògü pemagürü i ñuma rü norüikatama ipe ĩgü ü ñemaka cha nawae ñoma wüi i pokü i takuma ya tüũ kuaũ rüũ ipena nguẽẽĩ na ñemaãkü namaã ipe ñigüũka. ^{3 4} 3 Rütcha muũ eü ngürüãtchi yema Ewaũ ngupetü ũrüũ na yema ãtape i naãẽĩ i naãẽi kuaũtchi na tüũ womüe Rü ngürüãtchi i pemarüta peĩ na womüẽẽ na ñemaãkü na tama marü kristugu peĩ na ĩnüẽẽ. 4 Rü ñegumata pena yaugügu i pemagü i guũmà ñema nüũ epe ĩnüe ü ñugüãkü ta ñema duũũgü toò kümare tà Ngetchutchutchigaũ pemaã nüũ niũ tana ñema toma pemaã nüũ ti ugüũrüũ ñuguakü pena ipena yaugütata i naãẽ i tama Tupana naãẽ i ü ünei ĩ ü ñuguakü ü tà pena yaugü i na toòtchiraãũ i orè y tama ñema toma pemaã nüũ iti uũmaã wüigu. ^{5 6} 5 Pauru ü tama nügü ni kuaũ na ore arü ñeruũ niĩ notürü i ñema orearü ugüruũneta ü nügü ni kuaãügü na meã oreya ugü. 6 Woò tama nümagü rüũ mea itchidea notürü aiküma meã nüũtcha kua i ñema natchiga chidea ũ ñemarü torü puraküwa marü peĩ nüutcha dauẽẽ. ^{7 8 9} 7 Ñeũniĩ i ñema cho ü gutchinü Rü ñematcha üũ niĩ na nüũ tchiuũ i ñema orè i meĩ i Tupanaãrü ü chomeẽmaãtcha purakü na ñemaãkü tauũkama penatcha ã ü ñema purakü itcha üũwa peĩ nüũtcha dauẽẽ. 8 Na ñemaãkü peĩ naãtchi ngüẽẽ ü naiya ngutakeepa taũwa ñemagü iya ògüũ arü ngüẽẽ maã niĩ peĩ charü ngü ngüẽẽĩ. 9 Yeguma peĩtawà cha yemagu i yeguma airüũũ choũ taugu, ü taguma ngüẽẽka penatchaka. Yema matchedoniã newa yemagü iya ògü ü ñema na ngugü ü cho na nana ãgü i ñema cha nawaeĩ na ñemaãkü i pema tama chauka ĩpe oegaẽĩka ü guũgutama ñemaãkü chanaü. ^{10 11} 10 Ñuma na ñema kristuarü aikümaüü itcha kuaũrüũ ü ñegumarüũta i acaya arü naãne warü tauetama chona tana yau i ñaã taãẽ. 11 Rü taküka yiiĩ i ñemaãkü chi dea i Tupanarü nüũnakua na pei cha ñetchaãũ. ^{12 13} 12 Rü ñemaãkü ta chona ü etcha na taukürüwà chiri chautchiga ipe deagüũka i ñema togü i orearü uruũgüneta i nügü i ugu na torüũ na ügü ãü i Tupanaãrü purakü. 13 Nümagürü orearü uruũgü i dora taagü i duũũe tüũ i womaẽẽ marè ü nügü ya ugügu rüãã kristuaru nguetanü üniĩgü. ^{14 15} 14 Rü ñema ü tauũkama namaã ipe baiãtchie i Rü ñema chatanà ü ta yegumarüũ Tupanaã rü orearü ngegüruũ ga daũãne kaãkü nügü nawe. 15 Ü ñema noü ngüẽẽ tanüũgü ü nügüna wegüneta na meĩ naügü notürü naànearü gugu ü ta nana yaugü i noü pokü naka i ñemana chieĩ na ügü. ^{16 17 18} 16 Rü wenaã rü pemaã nüũtchiũ tamatcha nawae ñoma duũũ i aũẽẽü rüũ ãkü chomaã iperü ĩnüẽ. Rü ena woò chitcha aũẽẽ ü ñemaãküma choũ ipe yaugü na ñemaãkü tama chaugütchi kuaüũka. 17 Rü wüi i ñemaũtà pemaã tchi ũ notürü tama ñema Tupanawaneũ. Rüwüi i aũẽẽ niĩ na chautchigatama meã itchi dea. 18 Rü ñuma nana ñemaũ i muũma i duũũgü i nügügutamà meã i dea i taküka i choma ü tama ñematama chaü. ^{19 20 21} 19 i Pemagürü peãẽ ipe kuagüütchi rü ñema perü ngutchaũmaã ipena ñenagü i ñema duũũ i aũẽẽ. 20 i Rü yana namaã ipe inüẽ i ñema duũũ i nügüũ peĩ puraküẽẽ ü ñemaãkü i nümagü ü meãma pegu ina maẽ ü nümagürü peĩ na womaẽẽgü ü chiri pemaã na kuagü ü ñugua kurü peĩ na petchametügü. 21 Rü wüi ãne niĩ na pemaã nüũ itchiũ notürü tomagü rü tauaküma ñemaãkü pemaã ita kuagü. Rü ñema togü rü ñemaãkü pemaã na cho petü ü chomatata ñemaãkü chana ü, woò tamà na mekü raãũ. ^{22 23} 22 Rü nümagürü hebreu gü niĩ, ü chomarü ta hebreu chiĩ irae arü duũũgü niĩ chomarüta irae arü duũũtchiĩ. Rü e'na Abraãũ tanüũ niĩgü chomarü ta Abraãu tanüũtchiĩ. 23 Rü kristua rü purakü tanüũ niĩgü chomarüta norü purakütanüũ ũtchi chiĩ woò chorü aũẽẽ maã ñemaãtchagu. Chomarü nümagüarü ye'eraãkü cha purakü ü muẽpüküna cha poai nümagü arü ye'era choũ na kuaigü, rü nüẽpüküna rü nüma güarü yeera yuwà chi ña. ^{24 25 26} 24 Yema yudiu güarü ãẽkakü ü wüimepü naguũ i trinta arü wüimepü ãgümükü naguũ niĩ kuai ruũmaã choũ na kuigü. 25 Ñema pumakaã arü ãẽkakü ü tamaẽ pükuna naĩme naãmaã choũ na kuaigü. Wüiepükü na ü nutamaã choũ ina muũtchigü. Rü tomaẽpükü na ya yima wapuru ya nagu itchi uũne ü tomaã na'ngũ. Wüikana ü wüi chiitaũ ü wüi i ngu neĩ rü tatü i taugu ti ngooneĩgü, ü ñumata choũ ñema ina yautchigü. 26 Rü poraãkü nune tchanaũ ü muẽpüküna ü aukü maũwa chiãẽ ü muẽpüküna ü choũ na ngigü poraãkümà aũkümaãkü natanüwa cha yema i ñema chorü ĩãnekaãgü ü ñumatchi ñema togü i duũũgü i tama yima ĩ ãnekaã i ĩgü ü ĩãne ya taũnewa cha yema ü naãnewata cha yema tatü i taũwa rüta cha yema ü ñumatchi natanüwa ta cha yema i ñema ya ògü neta. ^{27 28 29} 27 Rü poraãküma cha purakü ü gutchagü choũ na yema. Muũ i chütaügu ü tama cha pekü raãũ. Taiya ü tawà chinge, ü muũ i nguneigügu choü̃ nana deyu eü na taumà i chautchiru. 28 Rü naẽtüwa i guũma i ñaã ü taguma nüü tcha ü chau na naka ya oegaãẽĩ i ñema ya ògüũ. 29 Rü ñeguma teè ñeta i dawegu chomarüta chi dawe, rü ñeguma teè chieĩgu tüũ nguẽẽgu ü choü rü ãne niĩ na toguei chieĩgu ta nguẽẽi. ^{30 31} 30 Rü ñeguma wüi ñemaũka chaugü chi kuaüũgu ü nüũ ni ũna cha tura. 31 Ya yima Tupana ü ñumatchi yima kori ya Ngetchutchu natü ya yima guũma nüũkuaũ ũũkü ü nüũ na kua na tama nüũtcha womüẽẽ. ^{32 33} 32 Yeguma damacuwa cha yemagu rü guma ãẽkakü ya are taarü ü noirü daruũ guma ĩãnegu na mugü na ñegumatchi itcha uũgu ü ñema tchi choũ ya yaugüũka. 33 Notürü chi ña i yema eü ñema cha mükügü ü petchigu choũ narü muẽtaũ na waga yema ĩã ga guma i paarü.