¹ Akabherekera bhara ekomi na abhabhere hamwe, akabhahana ubhwera na shinguru kegoro ya amasambwa ghonse no kohwenia amaroye. ² Akabhatoma bhaghende kughamba obhokama ubhwa Waryobha no kuhwenia abharoye ³ Akabhatebhya marange koghegha ekento kyokyonse koroghendo lyenyu ingimbo ensaho, omokate, shimbirya ghingibho ebhere. ⁴ Umughi ghono ghonse mwakasohe muikare muyo mpaka hano mwakaruwe muyo. ⁵ Gwiki ko bhara bhangire kobhasamba rokera hano mwakarwe mu mughi ghuyo mokong'onte urutu ko maghoro ghenyu ghabe ekemanyaryo ikya ukwanga kwabho." ⁶ Bhakarwa hayo na kuya koheta mubishishi bhakaghamba eng'ana inshiya no kuhwenia abhanto ebhyaryo bhyonse ⁷ Enkagha eno Herode omokama yaighure ghano ghare kokoranika akanyaka obhokong'u ko kobha yaghambekaine ko bhande igha Yohana omobhatesya aryokire kulwa mu ruku, ⁸ Ko bhande igha Eliya abhoshokire ko bhande igha omwe wa abharoti abha kale aryokire gwiki. ⁹ Herode akaghamba, "Namoghoghire Yohana nawe ono nkuighwa amang'ana ghaye? na Herode akatuna enshera yo komaha Yeesu. ¹⁰ Enkagha eno bhakyore bhara yatomire, bhakamwotebya kila kento keno bhakore. Akabhaghegha hamwe akahya omwene ku umughi ughwa Bethsaida. ¹¹ Kasi rikomo rikaighwa rekamosorania akabhasambarokera nu kushumasha nabho ko obhokama ubhwa Waryobha, na akabhahwenia bhare bhara kutuna kuhwwena. ¹² Omoghorobha bhokawanza susha na bhara ikomi na abhabhere bhakaya hwaye na kughamba igha, "Hatera rikomo lehende mubhishishi ibhya hang'i ni mishini bhatune ukumunya ne ebhakorya hano lolenge halenge bhosa ne ekebara." ¹³ Kasi akabhatebhya, "Bhenyu motabhahana ibhyakorya."Bhakaghamba, "Tetona keno kekeere emekate etano na ghinswe ebhere, singa togheye koghora ibhyakorya kulikomo leno ilya abhanto." ¹⁴ Kolenga na abhashasha ebhekwe bhetano hare. Akabhateebya abharagherya bhaye. "Mobhatore hanse murikomo ilya abhanto merongo etano kila rikomo. ¹⁵ Bhakakora igho abhanto bhakaikara hanse. ¹⁶ Akaghegha emekate etano na ghinswe ebhere akamahera kegoro, akabhyongerya, akabhitwenia akabhahana abharagherya bhaye bhatore mbele ya rikomo. ¹⁷ Bhonse bhakarya bhakaighota na ibhyakore bheno bhyasagire bhakabhosha ebhekapo ekomi ne bhebhere. ¹⁸ Hano yalenga arasabha omwene abharagherya bhaye bharenga hamwe nawe akabhabhorya, 'Abhanto yake bhakoghamba, oni nawe?" ¹⁹ Bhakamukyorya, bhakaghamba, Yohana omobhatisya abhande Eliya, abhande omwe wa abharoti abha kale ono aryokire. ²⁰ Akabhateebya, "Bhenyu yake mokoghamba oni nawe?" Petero akakyorya akaghamba, "Omohakwa maghuta Kiristo kulwa wa Waryobha." ²¹ Yeesu akabhakania, bhange kotebhya omonto yeyonse ling'ana leno, ²² akaghamba igha omona uwa Adamu ndazima anyanke ko amang'ana amaru no kwangwa na abhaghaka na abhasubhi abhanene na abhandeki, na araitwe, nurusiko ulywa katato nararyoke. ²³ Akabhatebhya bhonse, 'Omonto ono akutuna kunsorania nigha ayiyange umwene, agheghe omosarabha ughwaye enkagha yonse ansorani. ²⁴ Ono wonse akutuna kuitorya obhohoni ubhwaye kasi ono akusirya obhohoru bhwaye ko oni narabhotoru obhohoru bhwaye. ²⁵ Nke keno yakahabhwe omonto ono yakanyore aghaikyaro kyonswe gwiki akanyora tana kento mo enkoro iyaye? ²⁶ Omonto yeyonse ono yakansokere na amang'ana ghane na omona wa Adamu yakamosokere no bhonene bhwaye gwiki obhonene ubhwa tata waye na abhamalaika abhahoreru. ²⁷ Kasi ndabhatebhya obhohene, abhamwe bhenyu bhano bhaimereye hano tebhakahonshe uruku urughito bhamahe obhokama ubhwa Waryobha." ²⁸ Ekabha ghinsiko monane kurwa Yeesu yaghambire amang'ana ghayo akabhaghegha Petero, Yohana na Yakobo, bhakarina mu nguku kuya kosabha. ²⁹ Na ano yarekosabha ubhuso bhwaye bhokaisorya na singibho sekarabha obhokong'u. ³⁰ Maha, bharengahyo abhashasha abhabhere bharashumasha nawe bhalenga Musa na Eliya. ³¹ Bhakamahanekana bhobhokoro bhashumanga kukyora ukwaye eng'ana yare hang'i kuikora Yerusalemu. ³² Hano Petero na bhara bhare hamwe nawe bhalenga na sentero sindito. Hano bhabhokire bhakamaha obhonene bhwaye na abhashasha abhabhere abhano bhare bhimereye nawe. ³³ Ekabha hano bharure ko Yeesu, Petero akamoteebya, "Omonene yakabhe ubhuya igha wikare hano na bheto tokore imighi ko abhanto abhatato. Tokore oghomwe ughwaho, oghomwe ugha Musa, na oghomwe ughwa Eliya." Yaletamanyire keno hakushumasha. ³⁴ Hano yale kushumasha ghayo likasha lisaro lekabhakundikilya; bhakahobhoha hano bharoshe lisaro rerabhakundikilya. ³⁵ Ikituli kekaryo mulisaro kekaghamba igha, "Ono no Omona wane mohanshire. Mumuitegere omwene." ³⁶ Ikituli hano kyahoye Yeesu yale Omwene. Bhakaikara bhakire kughinsiko ghiyo tebhatebhiri yeyonse keno bharoshe. ³⁷ Urusiko rono rwafatile kulwa munguku rikomo linene likasikana nawe. ³⁸ Maha omoshasha kulwa murikomo lihyo akakura ikituli akaghamba, "Omweghya ndasabha omahe omona wane, alenge omwene ko oni. ³⁹ Maha etikoro enyanku yemoghotile nkotemare ikituli gwiki ararogha na ne kurwa amahuro mumunywa na kulwa lelamonyankya, lelamonyahara obhororo. ⁴⁰ Nabhasabhire abheighya bhaho kulilusiya bhakakerwa." ⁴¹ Yeesu akakyorya, "Bhenyu ne orwebhoro bhono bhotakuikerya nikare na bhenyu mpaka rohee? ndetera omona hano." ⁴² Umumura hano yarekusha enkoro enyatiko ekamogwesya hanse no komosingisya. Kasi Yeesu akarikenywa ilisambo lihyo akamuhenia umumura na komohana suwabho. ⁴³ Bhonse bhakaroghora obhonene ubhwa Waryobha. Kasi hano bhare koroghora ghanoghakore kaini akabhatebhya abharagherya bhaye. ⁴⁴ Amang'ana ghano ghaikare mo matwe ghenyu ko kobha omo na uwa Adamu yakagwe mo amabhoko abhaabhanto." ⁴⁵ Kasi tebhamanyire amang'ana ghayo gwiki ghabhisirwe komaiso ghabho, ili bhange komanyerya bhakahobhoha kobhorya eng'ana hiyo. ⁴⁶ Gwiki okoserana kokawanza mo bharikyabho igha nawe omonene weito. ⁴⁷ Kasi Yeesu akamanyerya keno kyare muimoyo ghyabho akamoghegha omona moke no komotola mbareka yaye. ⁴⁸ Akaghamba, "Omonto yeyonse ono akumuikerya omona moke kyaono kulilina ilyane araikerya aghane na ono akuikerya aghane araikerya ono antomire ono alenge omoke ko bhenyu bhonse" ⁴⁹ Yohana akakyora akaghamba, "Omonene, twaroshe omonto arakenywa lisambwa kulilina ilyao tokamokania, talenga ne bhetohe." ⁵⁰ Kasi akabhatebhya, "Mwange komokaniya, kokobha talenge hamwe na bheto ni wenyu" ⁵¹ Ekabha igha ghinsiko hano syare hang'i kuya kegoro akamahera obhokong'u Yerusalemu. ⁵² Akatoma abhanto bhatangate kuya no okosoha mukishishi ikya abhasamaria bhamokore ahanse. ⁵³ Kasi abhanto abhe hiyo tebhamutulung'aini, ko kobha yamaeleye ubhoso bhwaye Yerusalemu. ⁵⁴ Abharagherya bhaye Yakobo na Yohana hano bharoshe leno bhakaghamba Omonene uraturutuiki omoro kulwa kegoro ghobhasiki?" ⁵⁵ Kasi akaisorya akabhakaniya. ⁵⁶ Gwiki bhakaya ikishishi kende. ⁵⁷ Hano bhare kuya omonto omwe akamotebhya nenda kosorane hano honse ukughya. ⁵⁸ Yeesu akamotebhya, "Nyamobhwe bhana ubhwina, ebhenyonyi bhena ubhusu, kasi omona uwa Adamu tana hano akotora omotwe gwaye." ⁵⁹ Gwiki akateteebya omonto onde nsorania, kasi omonto huyo akamotebhya, "Omonene ng'ana omweya mbele ngende kobheka tata wane." ⁶⁰ Kasi owe akamotebhya, "Tigha abhaku bhabheke abhaku bhabho, kasi huwe genda oghambe obhikama ubhwa Waryobha mu ikyaro kyonse." ⁶¹ Gwiki omonto onde akaghamba, "Ndakosarani, Omonene, kasi ong'anae omweha ngende yeka kobharagha. ⁶² Yeesu akabhatebhya taho omonto ono akotora okobhoko kolema akaisorya komahera nyuma takoshomiya ko obhokama ubhwa Waryobha."