¹ Yathokeye enkagha enke Yeesu akawansa koghamba kumighi na ibhiaro hano na hara, akhaghamba, eng'ana inshiya iya Waryobha na bhara ikomi na bhabhere bhakaya hamwe nawe. ² Bhora bhora abhakari bhano wanyore bhahwenibhwi kukurwa ko enkoro inyanku na amaroye amaru. Bhara Mariamu ono yabherekerwaga igha Magdalena ono wanyore arusibhwi emesambwa muhungathe. ³ Yoana mokha Kuza na omothangathi uwa Herode, Susana, na abhakari abhande abharu, bhano bharusiri ebhentho ibhiabho obho abhene. ⁴ Hano irikomo ryamare kwikoma hamwe, na bhano bhare nabho hamwe, na abhanto bhano bhare bhaikomire kukurwa hano na hara, akha kahera na bho kuimyorokyo. ⁵ "Umuumia yagheye kuuimia imbusuro, hano yare kubhusura, imbusuro ishiende shiaghoye mbareka iya inshera soghathashwa na amaghoro, na ibhinyonyi ibhya kuryoobha bhekha sheria. ⁶ Ishimbusuro ishiende shiaghoye kwilobha irya amaghena hano shiamere shekaniara kobhora hathare na ubhumithithu. ⁷ Ishimbusuro ishiende shiaghoye emethe ighya amahwa shekakina hamwe na amahwa shekhabhetwa. ⁸ Okobha ishimbusuro ishiende shiaghoye kwirobha iriya shekhakina bhuya shekhaibhora ishihekha amaghana na kohetha. "Hano Yeesu yamare koghamba ghayo, akhainyokya omoghambo, "Ore onswe ono ana amathwe agha ukwigha aighwe." ⁹ Ghwiki abhegha abaye bhakamobhoria nkee omorokyo ghono ghokoghamba, ¹⁰ Yeesu akhabhathebhia mohaywe ubhwera ubhwa okomanya ubhubhisa ubhwa obhonene ubhwa Waryobha, okobha bhanto abhande mbareghibhwi kwimithubhanio, kori ighaa bharamahe bhathakamaha na ukwighwa bhatha khamanya. ¹¹ Na ghono ngo umuthubhanio ghuyo. Imbusuro ne eng'ana iya Waryobha. ¹² Ishimbusuro sheno shyaghoye mbare kha iya inshera, nebho abhanto bhara bha kuighwa eng'ana, okomara omosarya irisambhwa reghegha hare kukurwa ko omoyo. Kori ighaa bhathakha kumia na okothoribhwa. ¹³ Na sera seghoye korothare mbara bhakwighwa eng'ana na okeghoghegha ko okoshomerwa okobha thebhana imiri ghoghonswe bhana kumia ko enkhagha enkhe, na enkhagha iya okothemwa araghwa. ¹⁴ Na ishimbusuro sheghoye komahwa na abhanto bhano bhakwighwa eng'ana. Okobha hano bhao bhakoghenderia kukina bhara bhathwa na emeremo ighya ubhwame na ubhuya ubhwa obhomenyi na the bhakwibhora ishingorehe. ¹⁵ Okobha ishimbusuro shera sheghoye ko marobha amaiya abhanto, bhara abhahabhu na bhana enkoro inshiya, hano bhamare kwighwa eng'ana bharagheghothera na ukwibhora eshahagho ishia obho ghomeria. ¹⁶ Bhono thaho hatha omwe ono akoghothia ethara na ukughikundikiria na irithubha hatha okoghethora mwighonkori irya ekethenda na okoghethore ko umusimi ughwa ethala kori kera monto ono akosoha anyore koghemaha. ¹⁷ Kobhora thekeho keno keraibhise kethamahe Kaini, hatha kyokyonswe keno keraibhise kyankongokha ko obhorabhu. ¹⁸ Kubhuyo kabha umwangaru hano ukwitheghera. Kobhora ono anakyo, harewe na ghenderi kwengeribhwa, okobha ono athana kyo hatha ekekha kera anakyo na ararusibhwi." ¹⁹ Komara nyakwabho Yeesu bhahiri bhaye bhakasha waye thebhasohire he kukughiria abhanto bhare bharu. ²⁰ Akha thebhibhwa nyakwenyu na bhahiri bhaho bharenge kebhara hara bharathuna kokomaha. ²¹ Okobha Yeesu akhahonshora no okoghamba, "Nyakwetho na bhahiri bhana mbara bhakwighwa enghana iya Waryobha na okoghasokha." ²² Rwabhaye urusiko oromwe Yeesu na abhegha bhaye bharinire mu ubhwatho na akhabhathebhia, "na thwamboke orobharekha urwa khabhere urwa inyansha." Bhakathora ebhentho ibhyho hang'i. ²³ Okobha hanano bhawanse kothanora Yeesu akha hetherwa na shintharo, na okose okoghogho ukwa omokhama, na ubwatho ubhwabho bhokawansa kwishora amanshe ga khowansa kwishora kubwatho bhare ghathe ahanene bhokong'u. ²⁴ Neho abhegha abhaye bhagheye harewe bhakamuthura, bharekoghamba, omonto omonene! Omonto omonene! thorenge hang'i kukwa" Akaimoka na akhakania omokhama na amayengo aghamunyansha kokabha bhuya. ²⁵ Gwiki akhabhathebhia, ubhukumia bhunyu hai bhorenge?" bhakhaobhoha, bhakareghora bhakhathebhania keramonto na murikyaye, "Ono nawe hatha athabhi hatha omokhama, na amanshe na ghamuighwera?" ²⁶ Bhakahikha kuumughi ughwa Gerasini ghono ghorenge orobharekha urwa Ghalilaya. ²⁷ Yeesu hano yaikhire na okothasha kwirobha, omonto uwonde kukurwa kumughi akha sikhana nawe, na omonto uyo yare na shinguru ishia emesambwa. Ko enkhagha enthambe theyare kufara ishingibho he, na theyare komenya mushinyumba he, yare komenya kushimbehera. ²⁸ Hano yaroshe Yeesu akhakura kushinguru, na akhaghwa hanse mbere iyaye. Koomoghambo omonene akhaghamba, nkenkore kuuwe. Yeesu omona uwa Waryobha ono arenge kighoro? Ndakosasama, othakha nthesahe" ²⁹ Yeesu akhathebhia enkoro eng'ogho irwe ko omotho ora, kokobha enkhagha insharu ya shurire hatha nokhanyora yare kobhohwa eminyororo, na okobhanderibhwa na kothorwa ko obharendi, yare kubhuna ebhebhohe na okoghendibhwa na irisambwa na kuhikha kukyaro ikyomo. ³⁰ Yeesu akamobhoria, " Irina iryaho nawe?" akhamohonshora na koghamba, "Legioni" Kobhora amasambwa amaru ghasohire kowe. ³¹ Bhakhaghenderia komosabha othakha thothebhia thoghende ku bhwina. ³² Iri hisho irya ishingurubhe shiare koresia ighoro iya kunguku, bhakha mosabha abhaithabheri bhai bhasohe kunshingurubhe shiyo. Akhabhaithabheria bhakakora igho. ³³ Kubhuyo amasambwa ghayo ghkharwa ko omontho uyo na ghakhasoha kushingurubhe shera, na irihisho rera rekhakenya kuya ko ahaghoroku kunghuku na kuikha kunyansha na shekhashukha muyo. ³⁴ Abhanto bhara bhare koresia ishingurubhe shera hano bharoshe keno kya ikore, bhakha kenya na bhakhalusia amang'ana hayo kuuughi hara na kebhara kuimighi gheno ghya bhainare. ³⁵ Abhanto hano bhaighure ghayo bhagheye komaha keno khikore, na bhakhasha ku Yeesu na bhakhamaha omonto ono amasambwa gharure. Yafaree bhuya na omonto ono ana eshehakeri ishiya, ikhaye ko amaghoro agha Yeesu, na bhobhohire. ³⁶ Neho omwe kobho wanyore aroshe keno kyanyore kikore akhawansa kobha ghanera keno kikore na kebhore omonto ono yare konyankibhwa na emesambhwa bhono ya hwenibhwi. ³⁷ Abhanto bhonswe abha enthana iya Abhagerasi na ahase ahande hano habhainare bhamosabhire Yeesu arishoke kobho kobhora bhare na obhobha obhonene. Na yasohire ku ubhwatho kori akyore. ³⁸ Omonto ora yarusiribhwi amasambwa yasabhire Yeesu kori bharishoke nawe, okobha Yeesu yamothebhiri aghende na aghambe. ³⁹ "Kyora kunyumba iyaho na obhare ghara ghonswe ghano Waryobha akokoreye" Omonto ora yathanoye akhaghamba kukyaro kyonswe ghara ghonswe Yeesu akore kowe. ⁴⁰ Na Yeesu akhahonshokha, irikomo rekhamosohia, kobhora bhonswe bhare komoghanya. ⁴¹ Maha akhasha omonto omwe arabherekerwa Yairo no omwe uwa abhathangathi abha ikimwensero. Yairo akhaghwa komaghoro agha Yeesu na okomosabha bhaghende waye, ⁴² kobhora yare na omona omohara omwe umwene, ono ana imyokha ikomi na ibhere, nare akure na hano yare kuya, na irikomo ryare kumuribhera. ⁴³ Omokari ono yare kurwa amanyinga kuimyokha imiaru yare hara na yakoreye ishihera shonswe kukuya kobharoti, okobha theyareho ono yamorere hatha omwe he. ⁴⁴ Yashire moghongo ughwa Yeesu na akhaghotha ingibho iya Yeesu kori anyore obhohoru na amanyinga ghakhabhothokha. ⁴⁵ Yeesu akaghamba, "Nawe ankuniri?" Hano bhangire bhonswe, Petero akhaghamba, Omonto Omonene, irihisho irya abhanto rera kuhunia na rera kukunia." ⁴⁶ Okobha Yeesu akhaghamba, "Omonto omwe yankuniri, kobhora na manyire ishinguru shirarure ku woni." ⁴⁷ Omokhari hano yaroshe ighaa thaghothora kubhisa kheno akore, akhawansa koghankhana, akhaghwa hanse mbere iya Yeesu akhaghamba ghonswe na keno kighire ya mukunia na akhathokera ahyenibhwi. ⁴⁸ Akhamara akhaghamba kowe, "Mohara ubhukumia ubhwaho bhokokore obhe omohoru. Kayi na ubhukumia." ⁴⁹ Hano yare koghenderya koghamba, omonto omwe akhasha kukurwa kunyumba iya omothanghathi uwa irisengero, akaghamba, "Mohara waho akure. Othakhanyankya umweghia" ⁵⁰ Okobha Yeesu hano yaighure igho akhamohonshora, "Othakobhoha. Kumia, na narathoribhwi." ⁵¹ Komara hano yasohire kunyumba iyo, theyaikereyi omonto ore onswe kosoha hamwe nawe, okobha Petero, Yohana na Yakobo, suwabho omohara, na nyakwabho. ⁵² Bhono abhanto bhonswe bhare na obhororo na ukurusia omoghambo kowe, okobha akhaghamba, "Mothakhathema ikithuri, tharakwa he, okobha araye." ⁵³ Okobha bhakamosekera ko obhoseri, kokomanyigha akure. ⁵⁴ Okobha we akhaghhotha omohara amabhoko, akha bherekera ko omoghambo, akhaghamba, "Omona imokha" ⁵⁵ Enkoro iyaye ekha mukyorera, na akhaimokha konkhagha iyoiyo. Akhamothebhia ighaa, ahanwe enkentho ahanwe kori arye. ⁵⁶ Abhaibhori abhaye bhakharo ghora, okobha yabhathebhiri bhathakathebhia montho kheno kikore.