¹ Ko horeru akaringa kukurwa komolo ghwa Jordani katangatwa no omokoma omohoreru kwirongo. ² Kusinsiko merongo ene na enokasetwa na lisambwa enkagha iyo yagule esengeya ³ Lisambwa lekamotebia hano ola nyole no omona wa Waryobha ole tebya rigena leno lebe omoghathe." ⁴ Yeesu akamotebya yangolwa igo omonto takine komoghate ugweneigho hee." ⁵ Risambwa lekamotangatia kukuya kunghuku kegholo songononi rekamo lokya obhokama bhonswe ubwe ekebala konkagha inyenge. ⁶ Risambwa lekamotebia ndako hane singulu syokotangata obhokama bhono bhonswe kokebala kono na beru okamahako ndakole igho beno byonswe nkomaboko ghane bele na ndahane ono wonswe hanshire. ⁷ Hano olanyole nuikerya agane no ngosha ebetobeno byaonswe mbelebe ibyaho." ⁸ Bhono Yeesu akamotebia yagholwa nigha umwitabeli omoghaka Waryobha weitho. Na omokole emelemo we." ⁹ Enkagha iyo lisambwa ndyatangatire Yeesu kuya Yerusalemu no komotola kunyumba kehorokemwe yali sengero nokomotebia hano ola nyole no omona wa Waryobha ilekela hanse kulwa hano. ¹⁰ Kughila yang'olwa nalabatebhi abhanto abalabu babeke nokonagya. ¹¹ Mbala kwenyuki kegolo momaboko ghabho otashe winyahale amagoro ghaho komagena." ¹² Yesu yabhatebhiri, "Neghambilwe, "Otakamonogholia omokama Waryobha waho. ¹³ Lisambwa hano lyamale konoghelya Yeesu ndya tanoye nukuya ahande. ¹⁴ Hano hakomara Yeesu yalingile Galilaya kushinguru syomokama omoholeru, na amang'ana ghaye ghakaighwebwa nukunyaragana ko koshengongo syahang'i sionswe. ¹⁵ Yabegeri ko amasengero ghabho kola monto yamkumili ¹⁶ Ulusiko romo yageye Nazareti umugi ghono yaleleywe nokokenela kyabhono yale Etemo yaye yasohile kwisengero urusiko lwa sabato, yaimeleya kosoma amagole. ¹⁷ Yahaywe eketabu kya omolo ti Isaya akakondokola eketabo nokomaha hano hongorwe. ¹⁸ "Omokama omoholeru ughwa motangati ikegolo gwane gole. Kobhola yantoleye amaghuta okolaleka eng'ana ishia kobatobhu. Yantomile kolaleka ubululu bwa ababohe nabala batamahanga bamahe, nokobatola haiya bala baku shaburwa, ¹⁹ kolaleka okoka gono omokama alyokya ubuya bwaye. ²⁰ Akamala akakundikila eketabho kyaye akahana omotangati wa sinagogi akaikala hanse. Amaiso gha banto bwonswe bano bale mwisengero ghaka momahera wee. ²¹ Ashaka kushumasha akaghamba, "Igho lelo amang'olo gano ghaghambilwe momatwe genyu." ²² Komonto gamwe omwe aloshe keno Yeesu, agambile abalu mbalogole na amang'ana amaiya ghano yaghambanga kulwa kumunywe ghaye. Bale koghamba igha, "Ono mla wa Yusufu tigo he?" ²³ Yeesu akabhatebia mbaka molagambe, "Lighano leno haloni oboloye ihwenia umwene keno kyonswe twighwe hano ola kole Kapernaumu, okekole kukishishi kyaho hano." ²⁴ Na akaghamba, "Obhohene nkobatebia nde, taho omoroti ono akwilibwa kukyaro kyabo hee. ²⁵ Ndabhatebia benyu obhohene igha mbaleho abasino abalu Israeli ko nkagha ya Eliya, Esayo ekaga amasalo ghalosheleywe ibla etakatwa. Kumioka etato na litene, ntwalenge nishala indito ikyalo kyonswe igho. ²⁶ Naho Eliya tiatomilwa komoto wowonswe igohe, naho nkumusino omwe ono yaikaye Sarepta hang'i nu mughi gwa Sidoni. ²⁷ Baleho abagenge abalu Israeli. Konkagha ya Elisha omoroti, bono hata omonto omwe ono yahwenibhwi nomwe Naamani omonto wa Siria. ²⁸ Abanto bhonswe mwisengero monse mbaigule bogogo hano bagule ghayo ghonswe. ²⁹ Mbaimeleye nukushumashela kebala yumghi, nokomotangata hang'i nembaleka yinguku yumghi hano umugi ghwabaghwa gahashilwe, Kegholo yako batole kumusukuma hanse. ³⁰ Naho yahetile buya mwikomo lyabo na akaya hano akuya. ³¹ Hano hamare ahilingita kohetela Kapernaumu, kumghi gwa Galilaya. Sabato emwe yeghiangha ambanto kuwisengero. ³² Mbaroghore na amegyo gaye kohayo yabegili kobhotonge. ³³ Bhono ulusiko luyo mwisengero yalemo omonto ono yale nalisambwa warigogo yakure bhokong'u, ³⁴ Nke tonakyo nauwe Yeesu uwa Nazareti? Washa kotomala ho nemanyile nuwe ng'we! Uwe nomohene wa Waryobha ole!" ³⁵ Yeesu yaghambeye risambwa akaghamba, "Kila kamwe ulwe komonto ono!" Risambwa lela leka gwesya omonto ola ghate ghate yabho. Ndyahile halewe atagweboro. ³⁶ Abhanto bhonswe mbamologore na bakaghendelia kushumashela eng'ana iyo babelebabele. Bakagamba, "Ghano go mang'ana ke?" Alatebia amasambwa amagogo kobotonge nashinguru na galaya. ³⁷ Kubuyo amang'ana agha Yeesu ngalomani sentahana siyo nsionswe seno sikwinala ikibakiyo. ³⁸ Hano hamare Yeesu yatanoye kukulwa kumgi guyo akasoha kwighutu ilya Simoni. Bhono, nyakubyala wabo Simoni yalore rihonda lilolo baka lalelya kukughila we. ³⁹ Kubhuyo, Yeesu yamsuntaleye akaghambela, rihenda lela lekamtiga. Hayohayo yameleya nokobakora emelemo. ⁴⁰ Hano ilyobha lyagwaga, abanto mbaleteye Yeesu omonto nomoloye waye komaloye hagale hagale yatoleye amaboko gaye komoloye kigolo na akabahwenia bonswe. ⁴¹ Amasambwa gonswe ighalule kobanto abalu ghala kula bhokong'u ghala ghambaiga, "No omona wa Waryobha ole"!" Yeesu yaghaghambile amasambwa ghayo nokogatebia mshumashe kobora mbamanyile iga we yale Kiristo. ⁴² Hano bwa mwaremware yageye ahase hano hatale na banto hano abhanto basikanelanga abhang'we bano bamtunanga bakasha. Ko hase hano yale mbatunile komokania atakaya hale nabho. ⁴³ Igha abhatebia, "Nigha ndaleke eng'ana ishia ya obhokama bwa Waryobha kumigi gende imyaru, gayo ngogare nkatomwa hano." ⁴⁴ Hano yamare yagendelei kolaleka eng'ana ishiya Obhoyahudi yonswe igo.