¹ Yesu yasohire kohethera ghathe ghathe iya Yeriko. Na hayo hare nomonto omwe ano akobherekerwa igha Zakayo. ² Ono yare omonene uwa abhaghothi abharighothi gwiki numwame yare. ³ Yathunga amahe Yeesu igha nomonto ono ana thubho ke, kesi thiyathore komaha kobhora rikomo irya abhanto, kobhora yare umwenge uwa omobhere. ⁴ Igha yakenyire akathangathera abhanto, akarina komoko kori athore komomaha. Kobhora Yeesu yahikire hanghi kohetha kunshera iyo. ⁵ Hano Yeesu yahikire ahase hara yamahereye ighoro, akamothebhya, "Zakayo, thaika bhongo, kobhora rero nendahoye waho yeka. ⁶ Akora bhongo, akaika nokomosohya nukushomerwa. ⁷ Abhanto bhonswe hanobharoshe igho bhakaing'eheria, bhakaghamba, "agheye kothara omonto omosarya. ⁸ Zakayo aimera akabhathebhya, omonene thamaha omonene ndabhothore ebhento byane ghathe nhane abhanthobhu, nahano oranyore narusiri omonto ono wenswe ekento nendamukyori hare kane. ⁹ Yeesu akamothebhya, "Rero obhohoru bhuhikire munyumba yaho eno kobhora wenswe nomona uwa Ibhrahimu. ¹⁰ Kobhora omona uwa omonto aishire kuthuna nokothorya abhanto bhano bhasire.' ¹¹ Hano bhaighure ghayo, akaghenderya kushumansha akarusya ibhyarokyo, kobhora yare hanghi na Yerusalemu, nabhambakanyire igha obhokama ubhwa Waryobha mbware hang'i komahekana urwa kamwe. ¹² Kuriyo akabhatebhya, Omonene omwe akaya ikyaro ikya hare kore anyore obhokama na abhuringe. ¹³ Akabherekera abhakori abhemeremo bhaye ikomi, akabhana imyaho ikomi akabhatehbya, mokore ibyasara nahondi riinga. ¹⁴ Kase abhakyaro bhaye bhakamaha bhoghogho bhakamoregha naigho bhakathoma abhanto bhaikomosora nakaghamba, "Thithukuthuna omonto ono athothangathere he. ¹⁵ Ekabha hano yaringire yeka hano yakorwe omokama, akathebhya abhakori baye abha emeremo bhano yabhathegheye shehera abhabherekere waye, athore komanya ekerengere keno bhanyore kokora ibhyasara. ¹⁶ Ono yathangire akasha akaghamba, omonene ikithweno kyaho kekore ibyende ikomi koheta ho. ¹⁷ Omonene uyo akaghamba, "Mbuya, omokori uwemeremo umuya, kobhora wabbhaye omohene kong'ana enke, norabhe omonene kumighi ikomi. ¹⁸ Uwakabhere akasha, akaghamba, omonene, ikithweno kyaho kekore athano. ¹⁹ Omothangathi akamothebhya, ghegha obhothangathi kummighi ethano. ²⁰ Uwonde akasha, akaghamba, Omonene ngeno hano ehera yaho nagebhekire ahaiya mokethamba. ²¹ Kobhora nobhohire kobhora uwe nomontho omororore. Orarusi kera uthakore nokoghesa keno othemeri. ²² Omothangathi uyo akamothebya, "Komang'ana ghaho umwene, nendakobhohe, uwe no mokori uwe emeremo omoghogho. Wamanyire igha oni nomororonde, ndaghegha keno thathore nokoghesa keno nthemeri. ²³ Ndigwa thuwathore ehera yane mokebhekero, kore kendegere nkegheghe hamwe numwengeryo ghwako? ²⁴ Omothangathi akamothebhya abhanto bhano bhanyore bhaimereye hayo, mumurusi ikithweno kiyo na mohane ora anabhyo ikomi. ²⁵ Bhakamothebhya, Omonene, we nanabhyo ikomi. ²⁶ Ndabhathebhya, kera monto ono anakyo narahabhwe ibhyaru, kasi ono athanakyo, nakera anakyo nararusibhwi. ²⁷ Kasi abhaghogho bhane, bhana bhathare kuthuna nebhe omkama wabho, mobharete hano na mobhaithe kobho mbere bhwane. ²⁸ Hano namare koghamba ghayo yaghendereyi kusughathara nukurina kuya Yerusalemu. ²⁹ Akabha hano yahikire hang'i Bethfage na Bethania, hang'i ninguku iya emezeituni akathoma abeghegha bhaye bhabhere. ³⁰ Akaghamba: Moghende mukishishi ikya hang'i. Hano morasohe, moranyore ekemori ikya ethikere keno kethararinwa na kento. Mokethashore, mokerethe heroni. ³¹ Hano omonto arabhabhori, kwake mokothashora? "Moghambe, "Omonene arakithuna." ³² Bhara bhathomirwe bhakaya ekemori ikya ithikere kyabhono Yeesu yabhathebheri. ³³ Hano bhare kothashora ekemori ikya ithikere bhene yo bhakabhathebhya, kwake mokokethashora ekemori kiyo? ³⁴ Bhakaghamba, Omonene orakithuna? ³⁵ Bhakahera Yeesu bhakathandeka shingibho shyabho ighoro iya ekemori kithikere bharinia Yeesu ighoro yako. ³⁶ Hano yare kuya abhanto bhakarya shingibho komohanda. ³⁷ Hano yare kwithuma kunguku iya emezaithuni, rikomo ryonswe irya abhegha hakathanga nukushomerwa nukwinyokya obhonene ubhwa Waryobha kukithuri ekenene, kobhora amang'ana amanene ghano bharoshe. ³⁸ Bhakaghamba, "Newe yaghongwa omokama ano arisha kurina irya Omonene! Omorembe ughwa Muryobha, no okama ighoro!' ³⁹ Abhafarisayo abhande kwikomo bhakamothebya, umweghya, abhakiri abhegha bhaho. ⁴⁰ Yeesu akabhateebhya, akaghamba, "Ndabhathebhya, hano bhano bharakire amagena ngaraghambe. ' ⁴¹ Yeesu hano yahikire hang'i kumughi akaghokora. ⁴² Akaghamba, hano okamanyire kyauwe, kurusiko rono amang'ana ghano okoretherwa omorembe! kasi bhono ngaibhisire komaiso ghaho. ⁴³ Kobhora shinsiko nkusha shere hano omoghogho waho bhare haghasha inyumba hang'i nawe, nukukwinara nokokobhanderya kukurwa koshe mbara shonswe. ⁴⁴ Mbharakugwesi hanse uwe na abhana bhaho. Thebhakuthighe nokanyora ndighena imwe ighoro iya iryende, kobhora thiwamanyire enkagha iya Waryobha eno yare kuthuna kokothorya'. ⁴⁵ Yeesu akasoha mwisengero akawansa kubharughya bhara bhaghorynga. ⁴⁶ Akabhathebhya, "Yandekirwe, inyumba yane nerabhe inyumba iyokosasamera, kasi bhenyu moghekore kobha risana irya abhasaki". ⁴⁷ Kubhuyo Yeesu yare kweghya kera rusiko mwisasamero. Abharendi abhanene na abheghya abha obhokana na abhathangathi abha abhanto mbathunire kumwitha. ⁴⁸ Kase thebhathore kunyora inshera iya okokora igho, kobhora abhanto bhonswe mbare kumwitheghera bhokong'u.