¹ Yeesu yatebheri abhegha haye igha, "Amatemo ghano ghakoghera abhanto bharakora ebhebhe, ngarabheho igho kughya iyo, Kasi omosese mori uwa amateemo ghayo, haaho. ² Nyakara omonto abhoherwe mo-bheghoti oroghena urwa okoseera, kasi atakaghira abhanto abhahoho bhano bha kukumya bhakore ebhebhe. ³ Kubhuyo mwiyangare motakakora kyaigho. Hano umukumya mrikya ho yakosarya uwe omokani, na hano araikeeri obhosarya bhwaye, umwabhere." ⁴ Nakakosarya muhungate ku rusiko kira hano yakosarya aasha akotebhya igha, 'nikereeyi obhosarya ubhwane uwe mwabhere!" ⁵ Ho abhatomwa bhateebheri omenene igha, "Otatwengerya umukumo." ⁶ Akabhahonshora igha, "Hano mo kamaye nu umukumo omoke igho nokanyora nkya akatetere akake bhokong'u mokatebheri omoko ghono igha, 'eheka ughi weemibhwi munyansha,' nagho ngabhai ghwereeye. ⁷ Yeesu akaghendeerya okoghamba igha hano oranyore omonto aana omoghorwa u waye omoghorwa uyo aramoremera hande aramoreeserya amang'ondi, hano omoghorwa uyo arakyoore yeeka? Omonene namotebhya igha, nasho wikare hamo oraghere? Taamoteebhi igho he. ⁸ Naaramotebhi igha, "Nseemerya ibhyakorya ndaghere onganye hano ndaamare okorya na ukunywa. Ho uwe wonswe omanye okorya? ⁹ Hano omoghorwa uyo arakore ghonswe igho ghayo yaamoragheereyi, na teebhya omoghorwa ola igha. Ushomeli okonkora ghayo ta mkumi he. ¹⁰ Bheenyu bhonswe nighoigho hano momare okokora ghano mora gheribhwi, moghambe igha, 'Bheto mbaghorwa tole. Tokore keno totebhibhwi igha tokore.' ¹¹ Enkaagha ya Yeesu ya aghyanga Yerusalemu yaaheteye mosentonga isya ikyaro kya Samaria na ikya Ghariraaya. ¹² Akasoha mu kishishi ikyende, akasikana mo na abhaghenge ikomi. Abhaghenge bhayo mbarenga bhaimereye ahare na Yeesu. ¹³ Bhakasheera bhara ghamba igha, "Moghende mwiyoroki kobhosengeri igha, Yeesu, Omonene weto atatwabhera." ¹⁴ Yeesu akabhamaha akabhateghya igha, "Moghende muyoroki kobhasengeri igha muhwenile." Bhakaghya bhaka saabhuurwa bhakeerenge ko shera. ¹⁵ Omoghenge omwe hano yaaroshe igha ahwenire yakyoore kuyeesu akaghamba bhokong'u ara toonia Waryobha. ¹⁶ Hano yahikire ku Yeesu, akairekera hanse bhubhu maye komaghoro aghaye hayo aramukumya. Na uyo Mosamaria yaare. ¹⁷ Yeesu akahorya igha, "Kana tebhanto ikomi bhasabhuurwe? Bhono abhande kenda bhara bho hayi bhagheeye? ¹⁸ Tebhakyore okotonia Waryobha nomogheni ono umwene we akyorre?" ¹⁹ Ho Yeesu yamotebheri igha, "Emoka eghende hano ukughya keno keko toorri numkumo ghwaho. ²⁰ Urusiko uronde abhafarisaayo bhaa bhoori Yeesu igha, "Obhokama ubhwa Waryobha ndoohe bhurisha Yeesu akabhahonshora igha ukuusha ukwa obhokama ubhwa Waryobha te kento ikya ukwitaha na maiso he. ²¹ Abhanto te bhare tora ikoghamba igha, "Momahe hano bhore!' hande ubhwa Waryobha mo bheenyu bhore." ²² Ho Yeesu yatebheri abheegha abhaye igha, "Enkagha ili hikaho eno murighomba okomaha urusiko ndokabha oromwe urwa sinsiko isya omoona uwa omonto kasi te morero maaha he. ²³ Abhanto bhaare bhateebhyanga igha, "Momahe omona uwa omonto ngoora haara, hande igha momahe ngono hano kasi abhanto kya bhayo motakahara kughyayo. ²⁴ Mbatebheri ghayo ko okobha hano omoona uwa omonto arikyora, nariisha kya oromesyo urwa enkobha hano rwamesya no mereke ahase honswe igho kuryobha. ²⁵ Kasi tangata omoona uwa omonto nigha anyoore inyanyi, na yangwe na abhanto abharikora reno. ²⁶ Kya bhoora yaare ko nkagha iya Nuhu, nigho erebha konkaagha iya ukukyora ukwa omoona uwa omonto. ²⁷ Ko nkaagha iya Nuhu era abhanto nighyabho igho ghya bhatoneri mbanywanga nokorya, Nuhu yaasohile mosafina ehooru akasha ekabha sikya bho siwe igho. ²⁸ Amang'ana mbuyo bhuyo ghaare konkaagha iya Ruutu, abhanto abha Sodoma mbaaryanga na ukunywa, bhara ghera na okoghorya , bhararema na ukwemya na bhahaghashanga. ²⁹ Kasi urusiko roora Ruutu yaarure mumughi ughwa Sodoma, omoro omororo kaighwa haratokile kya imbura eno ekotwa kurwa kryobha ghokasikya bhayo bhonswigho. ³⁰ Niigho erebha urusiko urwa okohonyoorwa ukwa omoona uwa omonto. ³¹ Urusiko ruyo, omonto ono arunyora arenge kwirongo na abhento bhyaye bherenge munyumba atakaika abhesoremo We keno arakore nokenya na on arinyoora arenge mohondo, atakakyora yeeka okoghegha kyokyonse keera he we kenya. ³² Motakebha ghara gha ghwereye moka Ruutu. ³³ Omonto wowonswe ono araateema okoroonera ebhento ibhya obhohoru ubhwaye, uyo kubhusikya are na omonto ono atakoroonera obhohoru bhwa abhento ibhya obhohoru bhwaye uyo we akohoma obhohoru ubhwaye ³⁴ Ndabhatebhya igha, ubhutiko ubhwa urusiko ruyo nurinyoora abhanto bhabhere bharaye hamwe ko obhoore Waryobha naregghegha omwe. Atighe hayo uwonde. ³⁵ Urusiko ruyo nurinyoora abhakari bhabhere bharasya hamwe, oonde naleimukibwi na uwonde nalatighwe." ³⁷ Bhakamobhorya, "Hayi Waryobha?" Akabhatebhya, "Hayo obhobhebhe bhuho, ne hayo eshinyonyi shelabhe shonswe."