¹ Kwanyo nkulungwa na Hamani ngabayenda selekea pamope na malkia Esta. ² Pa lisoba linebele, pauletilwe wembe, nkulungwa ngammakia Eata, ''Namani saukipala pa mwoyo wako? Na namani sauloba? Hata nusu ya ukulungwa wangu uwesa peyelwa'' ³ Apo malkia ngammakia nkulungwa, manaitei nipatike kibali pa minyo gako, na mana ikupendezite, nipeyelwe ukoto wango, na aye nga haja ya mwoyo wango, na ale ngalyanililoba kwa ajili ya bandu bango. ⁴ Kwa mwanja nenga na bandu bango tupemeyilwe, lenga tualibiyilwe, tubulagilwe na tuangamiswe. Iapangage tupemeyilwe kuutumwa, analome na alwawa, mbekotoka liki, na nipekunsumbuya li nkulungwa.'' ⁵ Apo nkulungwa Ahasuelo ngammakia malkia Esta, ''Ayo nyaiwe? Nyai ywakusudile pamwoyo wake panga likowe lee? ⁶ Esta ngabaya, ''Ayo Hamani mwovu kae nndumu.'' Hamani ngakamulwa na kitete nnonge ya nkulungwa na na malkia. ⁷ Na kwa nyongo nkulungwa ngaboka apo pa kalamu apo pa wembe no yenda ku bustani ya Ikulu, lakini Hamani aigile popo lenga kunnoba malkia Esra lenga aokoe ukoto wake. Abo abweni nkulungwa ankusudile gananyata. ⁸ Nkulungwa ngabuya boka kubustani ya ikulu, no jingya kusumba sasabile na wembe. Hamani atombwike pae palikochi lyalitamile Esta. Nkulungu aliusika ngabaya, '' Apala kumpujaji malkia nnonge yango kae mu nyumba yango?'' Ago makowe pagapitile munkano wa nkulungwa, atumishi ngaawekelya kuminyo ya Hamani. ⁹ Bokapo Habona Yumo katika balo babantu mikiage nkulungwa ngammakia nkulungwa, ''Nkongo wa ulaso wa futi amusini ubile kasake Hamani. Waandaliwe kwa ajili ya modekai, ywapiyite abali yopala angamiswa kwako'' Nkulungwa ngabaya, ''muntundike Hamani kunani yake.'' ¹⁰ Kwa nyo ngabantundika Hamani muukongo wanandaite kwa ajili ya modekai. Na nyongo ya nkulungwa ngaitulia.