¹ Akabhaga kanu kanyang'ondi kegura orubhano rwa mungati, nkabha kajibhi jibhi murwire rwainusu ya risaa. ² Kimwi nindora bhamalaika mungati bhanu abhayambara imbele wa Nyamuwanga, mbayanwa gitarumbeta mungati. ³ Malaika oundi naja, agwatiliye imbakuli ya ijaabhu eya obhurango. Ayambaye mumajabhahu. Nayanwa obhurango bhwafu insonga asoshe amwi na ginsara gya abhekirisha bhone kumajabhahu ga ijaabhu imbele ya ekite kya obhukama. ⁴ Ingesi ya obhurango bhurya amwi na ginsara gya abhekirisha yalinyire iguru imbele wa Nyamuwanga okusoka mkubhoko kwa malaika. ⁵ Malaika agegere imbakuli ya obhurango naijusha omuliro okusoka kumajabhahu. Namara na yesa ansi iguru kukyaro, mbusoka obhuraka bhwa ginkubha, gimesho gya ginkubha na okutikima kwe kyaro. ⁶ Bhamalaika bharya mungati bhanu bhaliga bhabheye na tarumbeta mungati bhakabhibhwe okugibhuma. ⁷ Malaika wokwamba nabhuma itarumbeta yaye, nisoka ingubha ya amagina na omuriro bhisasikene na amanyinga, mbyeswa ansi kukyaro, insonga theluji yaye irungure theluji ya amati nirungura na obhunyansi bhwe ekijani bhwone mburungura. ⁸ Malaika wa akabhili nabhuma itarumbeta yaye, ekinu kamuna kima kinene kinu kyariga kirungura kwa muriro kyeserwe munyanja. Itheluthi ya inyanja nibha manyinga. ⁹ Ithelusi ya ebhibhumbwa bhinu ebhiyejera munyanja mbifwa, na itheluthi ya gimeli ginyamurwa. ¹⁰ Malaika wakasatu nabhuma itarumbeta yaye inyota inene okusoka murwire nigwa, imurikire rwa ikurwaji, iguru wa itheluthi ya ginyuji na gichemichi gya manji. ¹¹ Lisina lya inyota ni pakanga. Itheluthi ya amanji nibha pakanga, bhanu bhafu mbafwa kunsonga ya manji gariga gabheye maruru. ¹² Malaika wakana abhumile itarumbeta yaye theruthi ya lisuubha yabhumirwe amwi na itheruthi ya okwesi na ginyota kunsonga iyo itheruthi ya bhyone yaindukire okubha kisute. Itheluthi ya omwisi na itheluthi ya ingeta bhitabheye na bhweru. ¹³ Nalingiye nungwa bhurera unu ariga na bhuruka iguru, nabhirikira kwa obhuraka bhwa iguru "mbee, mbee, mbee kubhanu bhone kutyo mubheye mkyaro, kunsonga ya omurundumo gwa itarumbeta inu isigaliye inu iryayeyi okubhumwa na malaika bhasatu.