¹ Kimwi nindora intianyi ni sooka munyanja Agaahana maembhe ekumi na mitwe saba kumaembhe gayo rya gariko amataji ekukumi na omtwe gwayo gwanga ngunu amangana go kufuru Nyamuwanga. ² Intianyi inu narorere ni kama lingo amaguru gayo gagagasusa na na dubu na omunwa gwayo gwaga gusuna intare, ekisoro kirya kimuyana amanaga nakiekite kya obhukama na obhutungi bhwa mananga muno. ³ Omutwe gwa intianyi imuii endeko gwangasusa mka guna kironda kinene kinu kya kasababishishe orufu rwaye. Nawe ekironda kyae kiora na mu kyaro kyone kirungura kirubha intianyi. ⁴ Mbashengera risooro kwo okubha amuyae obhutungi intianyi irya mubhashengera intianyi mbangendelela okwaiika "Niga kama intianyi? na "Niga kaja okurwana nayo?" ⁵ Intianyi nianu omunwa ili aiike amangana go kuumia na amafumo Aramuriwe ambe na obhukama kwa meesi arobhaini na gabhiri. ⁶ Kwahiyo intianyi ya bhoeerwe omunwa gwayo gusige kuroma mafumo okuhusu Nyamuwanga nafuma risina ryae anu aga ekaae na bhanu bhekae murwire. ⁷ Intianyi yarusiwe okukora ebhita na abheekirisha na kubhainga ayae obhukama iguru ya kila ikabhira abhanu, ginyaika na ekyaro. ⁸ Bhoone bhanu bhekae mukyaro bhari mushengera omwene kila unu riisina ryae ritandikirwe okusooka okubhumbwa kwa ekyaro mukitabho kya obhuoru kya mwana wa ing'ondi unu achinjirwe. ⁹ Omunu unu ana okutwi ongwe. Omunu akakagega amateka one kagagengwa. ¹⁰ Omunu aketa kwa kutumia epanga one ketwa kwepanga ayo niwe kenda okurinda kubheru bhe mimoyo. ¹¹ Tena nindora intianyi eindii naja nasooka mmayaru aga ana maembhe gabhiri kama ng'ondi na zunguka mka esooro. ¹² Ereshishe obhuturo bhoone bha intianyi lilia yokwambha nakora bhanu bhaga bhekae mukyaro bhashengera intianyi irirya yokwamba inu ekironda kyae kyaorere. ¹³ Nakora amang'ana gokurungusha ga mananga paka nakora omuriro gusooka kurwire guja mukyaro imbere ya abhanu. ¹⁴ Na kwa ebhimenyegesho bha musinga ili akore na jimya bhayo bhekae mukyaro okusooka kurwire nabhabwira okurosha insusano kwo ieshima ya intianyi unu aga ana asanirwe naripanga Nawe acha lioo. ¹⁵ Nayanwa okutura omwika mususano ili isusano irome na okukora bhanu bharemere okushengera intianyi bhetwe. ¹⁶ Nalazimisha kila munu omutaka tajiri abhana na abhakuru bhaturweko ekibharikisho kukubhoko kwo kuryo au kukisusu kyo bhuusu. ¹⁷ Ili omunu woone woone asiga kuguusha wala kuguura paka abhe na kibharikisho kya intianyi na inamba hiyo ebharikisha riisina ryae. ¹⁸ Hanu niwe owenda ubhe bhwenge owaiyakili amenye siga akore risabhu rya namba ya intianyi kwo okubha ni namba ya abhanu inamba yae ni 666.