¹ Ekimenyegesho ekikuru kyawonekene murwire: Omugasi unu afundikiwe emwaro wa maguru gaye, na orusurya rwa nyota ekumi na ebhili rwaliga rubheye iguru womtwe gwaye. ² Aliga abheye na inda na aliga na lira kwobhururu bhwa okwibhura kusungu bhwa okwibhura. ³ Nekimenyegesho ekindi kyawonekene murwire: Lingira lyaliga liliwo lisoro likangaru, Enene linu ryariga libheye na mitwe mungati na yembe ekumi na gya riga giriko nsurya mungati kumitwe gyaryo. ⁴ Omukira gwaryo gwakuruye itheluthi imwi ya ginyota murwire na okugyesa ansi mkyaro. Lisoro lya yambaya imbele womugasi unu ariga aikishe okwibhura, insonga akabhaga kanu kebhura limile omwana waye. ⁵ Ebhuye omwana we kirume, unu alitunga ebhyaro bhyonekutyo kwasimbo ya kyuma. Omwana waye asakuwe iguru kunyamuwanga na kukitebhe kya obhukama. ⁶ Na omugasi abhilimire mkibhara, anu Nyamuwanga aliga arosishe kunsonga yaye ati ature okusakirwa kwa nsiku 1260. ⁷ Woori bhwariga bhiliwo ebhita murwire. Mikaeli na malaika bhaye mbarwana na lisoro lirya lisoro linene na malaika bharyo mbarwana nabho. ⁸ Newe lisoro ryariga litari na managa ga kwisa kuiga. Mbe wori itebheyeo inafasi murwire kumwene na kumalaika bhaye. ⁹ Lisoro linene lirya nkisoro kya kala ekibhilikirwa ibilisi na stani unu kajimya ekyaro ekigima, neswa ansi mkyaro na malaika bhaye mbeswa ansi amwi nawe. ¹⁰ Kweki nungwa obhuraka bhunene okusoka murwire: "Woori obhwerusha bhwijire, amanaga na obhukama bhwa Nyamuwanga weswe, na obhuturo bhwa Kristu waye. Kwokubha omusitakya wa abhayiri bheswe eswaansi unu kabhasitakya imbele wa Nyamuwanga weswe mwisi na mungeta. ¹¹ Bha muigire kwa amanyinga ga kanyang'ondi na kwigana rya obhweresha bhwebhwe, kwokubha bhatendere obhurame bhwebhwe hata okufwa. ¹² Woori mujomerwe, emwe orwire, na bhone bhanu mwikaye munsi warwo. Newe, ole we kyaro na inyanja kwokubha omuyabhi ekile kwemwe. Ejuye na lisungu liruru, kwokubha menyere ati ana kabhaga katyari ela. ¹³ Akabhaga kanu ekisoro kyamenyere ati, kyeserwe emwaro mkyaro, asetere omugasi unu aliga ebhuye omwana we kimura. ¹⁴ Nawe, omugasi ayaywe gimbhabha ebhili egya itai inene, insonga abhuruke mpaka kuyeneo linu aliga alosisibhwe eyo mkibhara, lieneo linu nusu ya kabhaga anu kitakutura okuika ekisoro kiyo. ¹⁵ Ekisoro kyetiye amanji okusoka mkanwa wakyo rwa oruji, insonga akore amanji ga okumtubhisha. ¹⁶ Newe, insi yasakiye omugasi. Yasamishe omunwa gwayo na okumira oruji runu kyafubhuye ekisoro okusoka mkanwa wa kyo. ¹⁷ Mbe, ekisoro nkibhiiririwa omugasi, nkigenda okukora nawe ebhita na orwibhuro rwaye rwone bhanu abhekirisha ebhiragiro bha Nyamuwanga na okugwata obhweresha ubhwa Yesu. ¹⁸ Kimwi ekisoro nkiyambara iguru ya amayaru kumrambo gwa inyanja.