¹ Nayaywe omwanzi nigukore rwa isimbo ya okulengera; Nabhwiriwe, "Genda urenge liyekalu lya Nyamuwanga na majabhahu, na bhanu abharamya munsi muyo. ² Nawe wasiga kurega obhwanya bhworugo rwa anja ya liyekalu, kwokubha bhayaye abhanu bha mubhyaro, bharitaja omsi omtakatifu kwa kabhaga ka mesi makumi gana na mesi gabhili. ³ Anye niliyana abhashahidi bhani bhabhili obhuturo bhwa okukora obhuragi kabhaga kansiku 1260 bhafwaye amagunira." ⁴ Abhashahidi bhanu ni mati gabhili age mizaituni na bhisonge bhibhili bhinu bhiyambaye imbe ya Ratabhugenyi we kyaro. ⁵ Na munu wonewone akaramura okubhautasha emiliro egisoka mkanwa kebhwe ngiutasha abhasoko bhebhwe. Na wone wone akenda okubheta lajima afwe kwa njira inu. ⁶ Abhashahidi bhanu bhana obhuturo bhwa okusiiga ingubha isige kugwa akabhaga kanu abhakora obhuragi. Bhana amanaga ga okuindura amanji okubha amanyinga na okubhuma ekyaro kwa bhuri mbaga ya euta ebhaga ryone ryone bhakenda. ⁷ Akabha kanu bhalimara obhushuuda bhweb intyanyi ilya inu eisoka muryobho linu ritari na bhutero ilikora nabho obhuro ilibhaiga na okubheta. ⁸ Emibhili gyebhwe giliwongera ibhara munsi omukulu(gunu okulengya kwa ogubhilikirwa Sodoma na Misri) anu Ratabhugenyi webhwe asurubhiwe. ⁹ Kwa nsiku esatu na nusu abhanu okuka maito, nyaika na bhuli kyaro bhalilingira emibhili gyebhwe na bhatarikirisha bhasiku. ¹⁰ Bhanu bhekaye mkyaro bhalijomerwa naokukisha kunsonga yebhwe, mbayanana gijawadi kwokubha abharagi abhabhili bhayo bhanyasha ga bhanu bhekaye mkyaro. ¹¹ Nawe kabhaga ka nsiku esatu na nusu oku omwika gwobhuworu okusoka kunyamuwanga eibhengira bhaliyambara kwa amaga gebhwe. Obhubha bhafu bhuligwira bhanu abhabharora. ¹² Kimwi bharyungwa obhuraka obhukuru okusoka murwire nibha bwira, "Muje bhone bhaligenda iguru murwire kwe rire, abhasoko bhebhwe mbabhalingiraga. ¹³ Kunsaa iyo elibhao litikimo rye kyaro na eimwi ya kumi ya omusi iligwa. Bhanu bhiumbi mungati bhalifwa kwe etikimo na bhanu bhalisigara bhasweye bhalyubhaishwa mbayana obhugungyo Nyamuwanga wa murwire. ¹⁴ Ole ya kabhili itulire. Lingira! Ole ya kasatu eija bhwangu. ¹⁵ Mbe malaika wa mungati abhumire itarumbeta yaye, na bhuraka bhunene bhwafu bhwaikire murwire na okugamba, "Obhukama bhwekyaro bhwamalire okubha bhwa Ratabhugenyi weswe na bhwa Kristu waye. Alitunga kajanende na kajanende." ¹⁶ Kimwi abhakaruka makumi gabhili na bhana bhanu bhaliga bhekaye kubhitebhe ya okama imbele wa Nyamuwanga bhaguye abhene ansi kumayaru, obhusu bhwebhwe bhwinamire ansi bhone bharamishe Nyamuwanga. ¹⁷ Bhaikile ati ekisosha gnkumyo gyeswe kwawe Ratabhugenyi Nyamuwanga, omutungi iguru ya bhyone, unu uliwo na unu wariga uliwo. Kwokubha ugegere amanaga gawo amakuru na okwamba okutunga. ¹⁸ Ebhwaro bhyabhiiwe, newe lisungu ryawo lijire. Akabhaga kaikire akabhafuuye okuramurirwa, nawe okuyana ebhiyanwa abhajuma bhawo abharagi, abhekirisha na bhanu bhabheye na obhubha bhwa lisina lyawo, bhone bhabhili bhanu bhatari na bhwera na abhamanaga. Na akabhaga kawo kaikire akaokunyamura bhanu abhanyamura ekyaro. ¹⁹ Kimwi rihekalu rya Nyamuwanga, murwire ryeguwe na risandiko rya riragano ryaye ryarobhokere musi ya rihekalu ryaye. Gyariga giliwo gimesho gya obhweru, kumwanya, murundumo gya nkubha, litikimo ryekyaro na amagina ga ing'ubha.