¹ Kokubha okuhanwa omtima gatiya Kristu ekabha kuno obhujomerwa gati ubhuhanje bhwaye, ekabha kuno ubhugwati bho mtima ekabha kunenonkwe nekyabhira. ² Mubhuikye obhujumerwa bhwani komutima gobhumwi mkabha no bhuhanjani ubhumwi mukabha abhamwi gati yenkoro kokubha okwenda erimwi. ³ Mutakora orung'erana amekoryo mtige obhwisuya murabharanabhandi okubha bhwahene kukira bhenyu. ⁴ Kweki oumwi wenyu atamahirira omwene kasi kweki utakukumya amenderwa gabhandi. ⁵ Mubhe ne ekoro kyego yanayo Kristu Yesu. ⁶ Onyora wekimbwahene na Waryubha hanu atamanya okubha ubhujomu na Waryubha ekintu kyo kugwatana nakyo. ⁷ Kokubha weki Yesu ya omwene yagega umbhiri, omwihigirya akatubhuka gati ekireng'yo kyabhantu yeyorokya omuntu. ⁸ Weki yenyoa abhe omusuku mpaka oruku, oruku romusarabha. ⁹ Bhono mbe Waryubha yamkumya sana akamuhana erina erikuru riratambuka kira erina. ¹⁰ Yakora ega kweki kokubha gati yerina rya Yesu kira eriru rihinye amaru gabhanu bharingi kurwire na bhana bharingi eguru ya hansi na isi ya ansi. ¹¹ Na yakorego kokubha kira ururimi kokubha Yesu Kristu mkuru kubhurabhu bhwa Waryubha tata. ¹² Kyego ega abhahanje bhani hanu mnsuke ginsi gyonsego, etari ga gati okubhao kwani nawe bhono bhyaru ega utari uwe okubhaokwani. ¹³ Kokubha ngu Waryubha unu arakora umurimu munsi mwenyu kokubhabhera kubhumwi nokukora amang'ana garya garamujomera weki. ¹⁴ Mkore amang'ana gonsego bira amengereryo na amahakananyo ega otari uwe. ¹⁵ Mukorego kokubha mtaramikirwa nokubha abhana bha Waryubha omuhene bhanu bhanu bhatane ekiraga mkorego bhono mubhe ubhwabhu bhwekyaro mbhe ubhurabhu. ¹⁶ Mugwatane kwe eng'ana yo obhuhoru bhono kokubha mbhe. ¹⁷ Nawe kyego ndetirwa kyego sadaka eguru omubheri obhuhene ndajomerwa ndajomerwa hamwi na bhenyu bhonsego. ¹⁸ Kyego ego nabhenyu kasi mwajomerwa, na mwajomerwa hamwi naoni. ¹⁹ Hanu nagangang'a gati yomkuru Yesu ukumtuma Timotheo kubhenyu hanu bhwa ngwanu iringi kokubha kuhanwa omutima anundi manya amang'ana genyu. ²⁰ Kokubha ntana oundi oringi na obhurori kyabhwaye omwene. ²¹ Abhandi bhonsego bhano ndibhatuma kubhenyu bharatuna amang'ana gabho abhene tuna gatari amang'ana ga Yesu Kristu. ²² Anu mraimanya yaye kokubha kyego omwana aranyankira esewabho nigo yakorerwa hamwi na oni gati ye eng'ana. ²³ Ndendaoku gywa ukumutuma bhwangu eribhaga hanundima kirirwa kuhoni. ²⁴ Nawe ndeganirirya mbhujomu okumhindya kubhenyu Epafrandito, wekimuhiri wani na mukori womurimu murikyani namusirikare murikyani, omukama na omukori wenyu kyego kurusumo amenderwa gani. ²⁵ Anu ninabhuhene gati omukuru ega oni omwene kasindija bhone hangi nyanu. ²⁶ Kokubha yaringa nobhobha akegomba okubha hamwi na bhenyu bhonsego, kokubha mwegwa ega yaringa mrweri. ²⁷ Ensonga ubhuhene yaringa mrweri bhukong'u bhake kukwa. Anu Waryubha arimwabhira na obhujomu bhuyo bhutang'a eguru waye nawe kasi waringa eguru wani ega kokubha ntige nobhusurumbaru eguru yobhusurumbaru. ²⁸ Kokubha muhindirye kurwa kubhwangu inuraturikana ega mrimurora kweki mnyore obhujomerwa oni ndibha narusibhwa obhobha. ²⁹ Mkarabhisye Epafradito gati Omukuru, ko bhujomerwa bhonsego wigwe abhantu kama weki. ³⁰ Kokubha yaringa kurusumu rwe mirimu gya Kristu ega yasuntara okukwa. Yakora ginsigu gyaye ega yanturya oni nayakora kirya kinu myakitura kukora gatii omnyankyira oni kokubhoko hare naoni.