¹ Okubha oringi mubhohe kuhitira kumukuru, ndabhatongererya obhujomu na obhubhirikiryo bhwa Waryubha. ² Mwikare kwa obhukiriran'yu obhukuru na obhunyohu. Mgegerane kureka kubhuanje. ³ Mkore ekitunyo okubhika ubhumwi bho omutima kureka kukibhohe kyo bhuhene. ⁴ Gurio omubhiri gumwi na omutima gumwi, kyego kwikwi mwabhanga mubhirikirwe kureka kubhuhene obhumwi bho obhubhirikiro bhwenyu. ⁵ Okubha ario mukuru umwi, obhuene bhumwi, obhubhatijwa bhumwi, ⁶ na Waryubha umwi na tata wa bhonsego weki aringi eguru wa gonsego, na kureka gonsego munsi wa gonsego. ⁷ Nawe umwi wetu aherwe obhuturo bhokurin'gana na entero ya Kristu. ⁸ Kyego amang'oryo garagamba "anu yereranga eguru bhukon'gu, kweri, yorokya abhatinga kureka kubhugaya akaryusya obhuhene kubhantu. ⁹ Niki ensonga ya "Okwirera" okubha ega yetuma kira orupande rwa hansi rywe ekyaro. ¹⁰ Weki unu yeka muntu urya urya unu okubha yerera hare, eguru wa orwire ronsego yakora ego okubha obhubhao bhwaye bhubhe okuhitira ebhintu bhonsego. ¹¹ Kristu yarusya obhuturo nkya bhunuabhehigira, abhagaya, abharisya na abhehigirya. ¹² Yakore ego kubhaturya abhekiri rya, bhekirirye kuitira omurimu okubha bha hagaje omubhiri gwa Kristu. ¹³ Arakorego okubha bhetu bhonsego, tuhikire obhumwi bha amahene na amasakyo gaomwana wa Waryubha arakorego okubha, nkyo kubhabharya bhahikira entero ya Kristu. ¹⁴ Inu nkyo okubha ega tutabha kweki kama bhana, tutigwe kurekerwa rekerwa, erya nenu okubha tutagegwa na kira obhubhibhi bhwa amehigiryo, kumagambo ga bhantu kira bhurigeni bhwa okubheha bhunu bhutana mahene. ¹⁵ Naawe, turihaira obhukweri kuhitira obhuhanje na okukina kureka kunjira gya munsi okubha ng'o omutwe Kristu. ¹⁶ Kristu yabhagwatan'ya kwa obhumwi, omubhiri gonsego gwa obhuhene, gwa gwatanibhwa obhumwi na obhuhungiro, okubha omubhiri gonsego gukine na okwijenga ogwene kureka kubhuhanje. ¹⁷ Bhono okubha na gamba rinu, na ndabhatongererya kumukuru mtagenda kweki kama abhantu bha ebhyaro kyego bharagenda kurin'gana obhukangi bhwa obhumanye bhwabho. ¹⁸ Bhaturirwa ekisunte kureka kumang'ana gabho bhaakenyibhwa kureka kubhuhoru bhwa Waryubha kwa obhukangi bhunu bhuringi muunsi wabho kwa okubha obhukong'u bhwa mumitima ¹⁹ gyabho.Bhatakwirorera ensomi, bhetura abhene kubhusarya kureka kumakore emamwamu, kuhitira entemo ya omutima. ²⁰ Naawe, ego tego mwehigira kuhitira Kristu. ²¹ Ndakora kubha mwegisiri kuhitira kubheki. Ndakora kubha mwanga murorokibhwa kuhitira weki, kyego obhuhene bhuringi muusi wa Yesu. ²² Nawe murushe amang'ana gonsego ganu garendana na obhugendereryo bhwenyu bhwa kare, obhuntu bhwa akare, okubha obhuntu bhwa kare bhunu bhuragunda kuhitira kunamba gyo obhun'genani. ²³ Murushe obhuntu bhwenyu bhwa kare okubha mkorwe obhuya kureka mumitima gya obhun'geni bhwenyu. ²⁴ Mkore ego okubha muribhoa obhuntu obhuya, bhunu bhurendana na Waryubha bhwabhumbwa kureka kubhurikan'yo bhwa obhukuru bhwa obhuene, ²⁵ Bhono muture hare obhung'enererya. "Muhaire amahene, okubha omuntu na muhan'gi waye" Kwa okubha kuyo, abhagwata n'ya kuhitira umwi na murikiaye. ²⁶ Mubhe na enkoro, naawe mtakora obhusarya." Eryubha risikire mubhe kunkoro gyenyu. ²⁷ Mutige kuhana erisambwa omweya. ²⁸ Urya onsego arebha naawe atebhe kweki okubha kwaye naawe akore emirimu akore emirimu ginu gina obhunyori bhwa amabhoko gaye, okubha ature okumuturya omuntu unu yana etabhu. ²⁹ Erigana embibhi etige kureka mumate genyu. Okubha kwaye, amang'ana nawe garareka mumate genyu amajomu ga obhwendi bhwenyu kubhahana obhwami bharya bharetegerera. ³⁰ Okubha mutige kumubhihirirya omutima omukuru gwa Waryubha. Nkuweki okubha mwaturirwa ering'oryo orusiku rywa obhuturya ³¹ Naawe muture hare obhururu bhonsego, enkoro, obhurwani na amatuki, amwi na obhubhibhi mubhe abhendani bhenyu abhene. ³² Mubhe na ekyabhira. Mwabhirane bhenyu kwa bhenyu, kyego Waryubha kuhitira ku Kristu arabhabhira bhenyu.