¹ Ni namna yani miundi yako yeivyo yaonekana ni mitana mwe viatu, mwana kivyee ywa mfaume,! Nyonga yako nikana mkufu, kana ndima ya wazengao. ² Ukuvu wakoni kana duala sabakui hata deseku kosa mhanganyiko wa mvinyo. Ifu dako ni kana ngano yekuumuka yo na kuzunguusiwa nyinyolo. ³ Matombo yako maidi ni kana wana waidi waayala mapacha na yala. ⁴ Singo yako ni kana mnaa wa npembe,meso yako ni kana ma ziwa ya Heshiboni mwe lango la Bathi "Rabim. Npua yaako ni kana mnaa wa Lebanoni ambao wakauwa Damasko. ⁵ Mutwi wako ni kana Kaemeli, fii mwe mutwi wako ni za zahabu size, Mfaume kastaajabishwa ni vifundo vyakwe vya fii. Ni ⁶ namna yani weivyomtana na kuagozwa, mpenzi na matana yako. ⁷ Uwe wako ni kana mti wa mtende, na matombo yako ni ka na vifungu vya matunda. ⁸ Matombo yako na yawe kana vifungu vya mizabibu na halufu ya npua yako ni kana mapea. ⁹ Muomo wako na uwe kana mvinyo bola, ukaseeya npaahoe kwa mpenzi ywangu. Ukateeya mwe miomo yetu na meno Mvyee mdodo atamwiia mwenye. ¹⁰ Mimi ni ywa mpenzi ywnagu na a'ntamani. Soo ¹¹ mpenzi ywangu, tite chongoi ya mzi, tigone nakiyo mwe vijiji. ¹² Tenuke mapema tite kwe minda ya mizabibu, tione kana mizabibu isitawi kana isuka na kana mikomamanga iavya maua. Hada nenda nikwenke penzi dangu. ¹³ Mitunguja yaavya halufu yakwe; mwe uvi wa tekaaho kuna mbaiya matunda mahya na yakae nikuwayo nkikuhi fadhia mpenzi ywangu.