1
Tabe ke Yakobus, pelayan Allah ali Tuhan Yesus Kristus, tong kedue belas suku ye tehambur te kawus dunia.
Ujian Iman Ngehasil Ketabahan
2
Kawan erai butung ab, anggap nget ka ego aka ko lotu to suang bermacam pencobaan.
3
Sebab, ko ketoan nget ujian nengkawe iman ko bepekasil ketabahan.
4
Dion ketabahan ngakoi hasil ye pome dian ko jaji sempurna ali utuh, sa be kakurangan se-se.
5
Et iro, aka naan ke ko naan ye kekurangan hikmat, buen da kaweng ke Allah, ye ali murah ate ngakoi tong kawus ulun beleh naan deo surah ye iro sagar na akoi tong da.
6
Buen da kaweng ali iman ali ye bembang leka ulun ye bembang ye lah nget gelombang laut na siub enus tong duh tong den.
7
Ulun nget iro ya ngekira sagar nerima se-se ke Tuhan.
8
Ulun ye sa tatap ate sa sagar ranai te kawus alan pe molum da.
9
Dian erai butung ye bolum biasa sa deo masam ego ke da na angkat moo.
10
ali ulun tatau kede da na ondok te nuna suang keadaan ye wa leka nget bunge ikut, da sagar jaweh.
11
Leka, mate olo maa ali layeng ye makin layeng, belalu layu ikut, bunge ye lotu, ali ke bungas ye ada jaweh, nget iro ade ulun tatau sagar jaweh ke botuk usahada.
12
Naberkti ulun ye tahan suang pencobaan, leka de apu tabukti tahan uji, da sagar narima mahkota pemolum ye najanji tong da ye na kasihi.
13
Aka sa senu ulun na cobai,, ye da ngulek, "Ab desuang na cobai Allah." Leka Allah sa ahan na cobai ene ye jahat ali Da gegales sa sagar mencobai erai ulun.
14
Et, senu ulun ye na cobai kede da na jujut ali bujuk leka ke rakan da gegales.
15
Kede ke nakan ye daat na tempelor, da sagar mekus dosa ali kede dosa jaji sak, da sagar belobos pampate.
16
Kawan erai butung ye nakasih, ya taang, ya hakun na tipu.
17
Sa senu pengokoi ye buen ali sasenu pengokoi ye paruna sulet ke mo sorga, na pedolui ke Ma ye apu ngene kawan maa te langit, te Da beloh naan be ubah atawa te pe hurup ali sa sagar ngene ye sa sa ye denem.
18
Leka nakan Da gegales, Da pejaji taka ali firman ye bene di taka jaji buen ye paruna.
19
Teneng ihe bebuen kawan erai butung ye na asi ab, buen sa senu ulun jao keringga, et lambat bapander ali lambat dian bereket.
20
Leka meresis ye bereket sa mahan ngene pengkae ye buen bene ke Allah.
21
Leka iro, obet kawan pangkae ye daat nelang sampoi sa berasi ali bene, terima ali ate buen, patut sa sakah Firman Allah , ye apu nondo te suang ate aseng ko, ye sanggup nyelamat aseng unuk ko.
22
Ware ko nampelor se ye ne ajar ene Allah ali ya je ngeringga a, aka sa ko jaji nipu unuk ko gegales.
23
Leka, aka ulun ngeringga Firman, et da sa nampelor ngene ye da nget ulun desung neneng wae da te seramin.
24
Uli da neneng be buen unuk da pelortulak, uli iro sa ingat nge me ken wae da mei.
25
Et, ulun ye teliti hukum ye semurna, ye iro hukum ye ngebebas ali nyelamat meresia, lelang taat te suang ye, da sa je ngeringga uli kero sa ingat, et da nampelor se ye na aja ene Allah. Da sagar na berkati suang se ye na ene da.
26
Aka sa senu ulun ngenanam da ulun ye taat ngunau merahati sembayang, ibadah et da sa nyaga lola ye, da nipu ate aseng da gales. Ketaatan ye iro sia-sia.
27
Ibadah ye buen, patut sempurna, murni ye setia ngunau ye ngeringga engan Allah ali ya naan deo pander te hadapan Allah ali Ma taka ye iro ngawat kan tia pelule, kawan balu ye bolum tesuang susah ali ngejaga unuk dali gegales dian ya ne rusak leka dunia ihe