Stefanus Na bela ¹ Uli kero, Imam Besar bepaner, "Me bujur ngendro?" ² Ali, Stefanus bepaner, "Kawan aben uyang kawan ma, diengko ap. Allah ye Maha mulia petendre ntong datu nini taka, Abraham, kede da masih naan tei Mesopotamia, kede da masih naan tei Mesopotamia, kede da male nono tei Haran, ³ ali bepaner ntong da, "Tulak ke tana ko ali ke aben ko, uli iro sulet ko ntong tana ko ali ke aben ko, uli iro sulet ko ntong tana ye sagar na tundru ntong ko. ⁴ Uli kero, Abraham tulak ke tana ulun Kasdim pelos nono tei Haran. Ali kero, ulu ma da mate, Allah nyiu da pindah ntong tana ihe, runa ko nono nehe. ⁵ Namun Allah sa ngokoi warisan ntong da, bahkan erai joke tana sa na okoi, akan tetapi bejanyi ngokoi ntong Abraham jaji puun da ali turunan uli da, meskipun Abraham male naan anak. ⁶ Akan tetapi, Allah bepaner nget he, bahwa turunan da sagar jaji pendatang tei tana ye ali dali sagar na perbudak nelang na aniaya kengola opat jatus tahun. ⁷ Namun, ap sagar ngehukum bangsa ye memperbudak dali, ulek Allah, ali, uli iro dali sagar losek ke duh pelos sembahyang ntong-Ap tei runa ihe. ⁸ Uli kero, Allah ngokoi ntong Abraham janyi sunat, maka Abraham jaji ma ke Ishak ali nyunat da kede beumur walo olo, ali Ishak jaji ma Yakub, ali Yakub, ke due belas ma leluhur. ⁹ Leka behiri ntong Yusuf, ma leluhur taka ngejual da ntong Mesir. Akan tetapi, Allah sendro Yusuf. ¹⁰ Ali nyelamat da ke sengsara, serta ngokoi ntong da anugrah ali kebijaksanaan tei hadapan Firaun, Raja Mesir, ye ngene da jaji pimpinan tei Mesir ali kawus istana da. ¹¹ Suatu ketika, musibah keket lau terjadi tei Mesir ali Kanaan, ye ngene sengsara solai bene, ali datu nini taka sa tau mahan pengokan. ¹² Akan tetapi kede Yakub keringa bahwa naan gandum tei Mesir, da nyiu datu nini taka sulet ntong duh ye pengone. ¹³ Tei kunjungan ye kedue, Yusuf ngene tonga da toan kawan aben da ali keluarga Yusuf jaji jelas tei hadapan Firaun. ¹⁴ Uli iro, Yusuf ngirim pesan ali ngundang Yakub, ma da, ali kawus kawan aben da, jumlah ye turu pulu lime konge. ¹⁵ Maka, Yakub tulak ntong Mesir, belalu da mate tei baro, da ali datu nini taka. ¹⁶ Ke duh, dali pindah ntong Sikhem ali na anak tei lebeng ye apu na boli Abraham ali sejumlah duit ke kawan tia Hemor tei Sikhem. ¹⁷ Akan tetapi, kede makin dini waktu perjanjian iro, ye apu Allah ikrarkan ntong Abraham, bangsa iro betameh ali nalipatgandakan tei Mesir. ¹⁸ Mpe naan raja bali ye menguasai Mesir , ye sa ketoan mengenai Yusuf. ¹⁹ Raja iro memperdaya bangsa taka ali penare datu nini taka sehingga memaksa dali ngobet kawan rikok dali sehingga dali sa kate bolum. ²⁰ Kede masa iro, Musa na blolos ali da tamam bungas tei mate Allah. Ali, Musa na jaga tei belai ma ye kengola tolu bulan. ²¹ Ali, kede da apu na obet, putri Firaun nge pe da ali nyaga da nget anak da lei. ²² Maka, Musa na didik suang segala hikmat kawan ulun Mesir ali da berkuasa suang pepaneran uyang koe gawi da. ²³ Namun, kede Musa genap beumur opat pulu taun, sulet tei suang ate da kakan kotei kawan aben da, ye iro turunan Israel. ²⁴ Ali kede neneng erai ulun ke dali na perlaku sa adil ene ulun Mesir, Musa sulet ngebela ulun ye na aniaya iro ali ngebales uyang munu ulun Mesir iro. ²⁵ Musa nyekira kawan aben da paham bahwa Allah ngokoi dali keselamatan lalo ye, tetapi dali sa paham. ²⁶ Te olo odiye, Musa sulet ntong ulun Israel ye desung bulo, ali da berusaha nyabar dali, nelang bepaner, "Hai, sa sih kam naan hubungan aben, kuneme kam bulo? ²⁷ Namun, ulun ye nemulo aben da iro nunyul Musa ntong lepes nelang bepaner, 'dase ye ngengkat ko sebagai penguasa ali hakim dian kemali? ²⁸ Se ko kakan munu asp nget alem ko munu ulun Mesir iro? ²⁹ Keringa pepaneran ulu iro, Musa tulak ali jaji pendatang tei tana Midian. Tei baro, da jaji ma ke kawan tia upo bedua. ³⁰ Kede genap opat pulu taun, erai ke ulun malaikat petendre tonga da ntong Musa tei padang belantara gunung Sinai, suang lola apui tei padang dui. ³¹ Kede Musa kite da, da wauh ali se ye na ite da. Ali, kede da sagar neneng ke dini , sulet engan Tuhan, ³² Ap ihe Allah datu nin ko, Allah Abraham, Allah Ishak, ali Allah Yakub, Musa takut ali sa ronu neneng da. ³³ Uli iro, Tuhan bepaner ntong da, 'Ugah sandal ke pou ko ko leka r una tei keme ko jakat adalah tana suci. ³⁴ Ap bujur-bujur apu neneng umat-Ap sengsara ye naan tei Mesir ali au keringa raring dali. Ali Ap apu dolui dian nyelamat dali. Nehe, Ap sagar ngutus ko ntong Mesir. ³⁵ Musa, ye apu dali tulak nelang bepaner, dase ye nundru ko sebagai penguasa ali hakim dian kemali? Da ro ulu ye Allah utus dian jaji penguasa atawa penyelamat, lalo kami malaikat ye petendre tonga da tei padang dui. ³⁶ Ulun ihe memimpin dali ntong luar, nelang petendre mukjizat ali tanda-tanda ajaib tei tana Mesir, tei Laut Merah, ali tei padang belantara kengola opat pulu taun. ³⁷ Musa ihe ye bepaner ntong bangsa Israel, 'Allah sagar nundru diengko erai ke ulun nabi nget ap ke antara kawan aben ko. ³⁸ Da ihe ulun ye naan tei antara jemaat tei padang belantara sendro malaikat ye bepaner ntong da tei gunung Sinai, sendro ali datu nini taka, ali da apu nerima firman ye bolum dian na okoi ntong taka. ³⁹ Datu nini taka sa hakun nurut ntong Musa, akan tetapi suang ate dali nyiu da buyo ali kakan mulik ntong Mesir. ⁴⁰ Nelang bepaner ntong Harun, 'Ene di kemali leka Musa ihe, ye ngajuh kemali losek ke tana Mesir, kemali sa ketoan se ye apu terjadi te da. ⁴¹ Kede waktu iro, dali ngene erai buah patung anak kerewau, pelos ngokoi persembahan ntong berhala iro nelang ego bene ali gawian kami dali. ⁴² Akan tetapi, Allah mulik kedali sa ngatawani dali nyamah bala tentara langit, nget ye tertulis ntong suang Kitab para nabi, 'Se kah ko ngoit ntong Ap binatang sembelihan ali persembahan kengola opat pulu taun tei padang belantara, hai umat Israel? ⁴³ Ko ngoit kemali Molokh ali bintang dewa ko, Refan, patung ye na ene ko dian na samah, ali Ao sagar ngobet ko ntong subarang Babel. Am. 56:25-27 ⁴⁴ Datu nini taka puun kemali kesaksian tei padang belantara, nget ye Allah perintah kede bepaner ntong Musa, dian ngene da sesuai ali gambaran ye apu na ite da. ⁴⁵ Uli da nerima kemali iro, datu nini taka ngoit da moo sendro Yosua, kede dali ngerabut tana ke bangsa-bangsa lain, ye apu na pekoro ene Allah ke hadapan datu nini taka, empe zaman Daud. ⁴⁶ Daud mahan kasih karunia tei hadapan Allah ali kaweng dian mahan runa nono di Allah Yakub. ⁴⁷ Akan tetapi, Salomo ye nemuat erai gua belai di na. ⁴⁸ Namun, ye Maha Tinggi sa nono suang belai ye na ene kami meresia, nget ye na ulek ene nabi. ⁴⁹ Langit ro tahta Ap ali bumi ro runa poo Ap. Belai ngetme ye sagar ko ene di nap? 'Allah berfirman, atauwa, se runa Ap tehur? ⁵⁰ Sa sih kami Ap ye ngene kawus ihe? Yesaya 66:1-2 ⁵¹ Hai, kam kawan ulun ye bebal, nelang ate ali kelinge ye sa bersunat, kam seleur nantang Roh Kudus, nget ye na ene datu nini ko. ⁵² Beloh naan kawan nabi ye sa na siksa ene datu nini ko? Ali, dali munu kawan ulun ye apu one ngulek penyulet sang Kebenaran, ye nehe apu pejaji ko lei sebagai penghianat dan pembunuh. ⁵³ Ko ye apu nerima Hukum Taurat nget ye apu na tekempe ene para malaikat, akan tetapi ko sa nyaga ye. Stefanus Na Bunu ⁵⁴ Kede dali keringa hal-hal ihe, dali nare ate ali mengertakkan gigi dali ntong Stefanus. ⁵⁵ Akan tetapi, Stefanus ye na temponu ali Roh Kudus neneng ntong langit ali neneng kemuliaan Allah, ali Yesus jakat tei sila sanan Allah. ⁵⁶ "Stefanus bepaner, ' Dinga! Ap neneng langit te upak ali naan Anak Meresia jakat tei sila sanan Allah. ⁵⁷ Namun, dali bepaner ali engan ye wale, nelang dali nutup kelinge, serta bepakat nyarang Stefanus. ⁵⁸ Uli iro, dali mair da ntong luar ke kota nelang mulai medak da ali batu. Uli iro, para saksi mate ngoyak jubah dali tei poo erai ke ulun upo ye be aran Saulus. ⁵⁹ Ali, dali merajam Stefanus ye desung nook nelang bepaner, "Tuhan Yesus, terima Ko roh ap." ⁶⁰ Uli da berlutut, da nook ali engan ye wale, "Tuhan iya Ko tanggung dosa ihe ntong dali!" Uli ngulek iro, da pun mate.