Tabe Tong Timotius ¹ Ke Paulus Rasul Yesus Kristus ye na pali leka kehandak Allah nget jaji pemulun ye naan suang Yesus Kristus. ² dian Timotius, tia ye na asi. Penyokoi asi edo, ali damai sejahtera ke Allah, ali Yesus Kristus Tuhan taka. ³ Ab ngutus terima kasih ali syukur tong Allah, ye Ab layani ali ate aseng ye buen nget ye na ene tak kahah ab, suang ab ng ingat ko suang doa-doa ab tiap alo malem. ⁴ nget ab ngingt danum ehu ko, ab kakam neneng ko dian panu ka ego ab. ⁵ ab pe kingat ali iman ko ye bujur, ye pertama-tama bolum suang tak ko hais, ali ne ko Eunike, et ab percaya eho ab bolum suang ko ade. ⁶ dian alasan ihe, ab pekingat tong ko dian tatab ngondok kami te munanab ab. ⁷ Et, Allah sa ngokoi tong taka jurus ye ngene sa romu sebali ye da ngokoi juus dian gagah, ponu ali asi, lelang kate nakan unuk ⁸ Ya, mangen ngokoi ke saksian nget Tuhan taka et ya mangen ali ab, ye na pengara leka Da. Etiro, leka kuasa Allah siut sengsara leka injil. ⁹ Ye daapu nyelamat taka ye nook taka ali to ok kan kudus,sa leka perbuatan taka melaikan dian tujuan anugerah Da gegalis ye apu na koi tong taka suang Yesus Kristus kede male dunia ike naan. ¹⁰ Neke, hal ihe apu jaji jelas pelalo pengulet juru selamat takam Yesus Kristus ye apu ngerasih ulun mate ali ngait pamulun ali bolum se ola-ola jiyil. ¹¹ Leka lugil ihe, ab apu na tundru jaji ngoit engan Allah, rasul ali gucu. ¹² Iro penyebab ye, ab sengsara pe alo ko, et ab sa mangen leka ab ketaan tong dase ab harap et ab yakin nget da sanggup nyaga se ye apu Da persaya tong ab empe alo iro sulet. ¹³ Ege bebene kawan ajaran ye buen ye apu pini ko dingga ke ab suang iman ali asi, ye suang Yesus Kristus. ¹⁴ Ali Yesus Allah Tala ye nondo suang taka jaga bebuen harta ye be uman ye apu na percaya tong ko. ¹⁵ Ko ke toan kemus ys naan te Asia, apu bepaling ke ab, te ekang dali ye iro figelus ali Hermogenes. ¹⁶ Nget ye Tuhan ngokoi karunia asi edo tong uras dali erai belai Onesiforus leka da gagah ngokoi penyegaran semangat tong ab lelang da sa mangen leka ab sung penjara. ¹⁷ Sebali ye, kede empe te Roma, da ali semangat ngeto ab pelor ngemuku ab. ¹⁸ Nget Tuhan ngajuh diam ye mahan asi edo ke Tuhan suang alo iro, nget ko gales ketoan semu ke deo pelayanan ye apu da ngokoi tong Efesus.