Tabe Ke Simon Petrus ¹ Ke Sumon Petrus, hamba ali rasul Yesus Kristus, tong dali ye apu nerima iman ye sama ali ye naan te kain lalo kebenaran Allah ali Juruselamat taka, Yesus Kristus. ² Kira ye anugerah ali damai sejahtera ngelimpah tong ko te suang pengentaru akan Allah ali Yesus, Tuhan taka. Ulun Ye Na Took Ali Ye Napeli Ene Allah ³ Allah apu makai kuasa ilahi ye ngokoi tong taka ke kawus ye perlu dian bolum be ibadah; Da nampelor ihe lalo kawan se ye toan taka nget Yesus Kristus, ye apu nook taka dian mahan ke solai ali kebuen-Ye. ⁴ Makai cara iro Allah ngokoi tong taka kawan berkat ye luar biasa nelang beuman ye apu na janji Da makai kawan berkat iro kam mahan muntis ke kawan kebehirian jahat ye ngerysak denia ihe, nelang kam nerima pedasaran ilahi. ⁵ Maka leka iro, eto behimat dian kam tatap percaya tong Kristus nelang kepercayaan kam iro na tambeh makai pemolum ye buen. Selain ke pemolum ye buen, kam perlu jaji ulun ye naan pengetahuan. ⁶ nelang selain ke pengetahuan, kam ade harus tau sabar nahan unuk. Selain ke tau sabar nahan unuk ware kam ade nempatuh unuk dian tahan nengkawe ke kawus. Selain ketahan negkawe ke kawus, kam harus ade bolum nget na ga Allah ⁷ Nelang bolum nget na ga Allah harus ade na pesukup ene kasih tong kawan erai butung ye sameh percaya ne tambeh makai kasih tong ke kawus ulun. ⁸ Ke kawus ye iro ye iro kawan pedasaran ye na perlu ene kam. Aka kawan pedasaran iro naan te kam ali ponu jubung, kam belalu sagargagah nelang behasil, pelor ketaru Yesus Kristus Tuhan taka ali lewi buen eso. ⁹ Et ulun ye beloh naan kawan pedasaran iro, pengite wa; da sa tau kite nelang da sa ingat kawan dosa da ye one apu na barasih. ¹⁰ Leka iro erai butung kawus, ware kam bahimat ngeto dian tookan Allah nelang pelian Da tong unuk kam iro belalu magin segah. Aka kam nampelor iro, kam sa sagar taang. ¹¹ Ali nget iro kam sagar na okoi hak ponu dian masuk Kerajaan ye ke ngola-ola ke Tuhan nelang Raja Penyelamat taka Yesus Kristus. ¹² Leka iro, ab seleur pekingat kam nget hal iro, biar kam apu ketoan nelang percaya bene tong ajaran ke Allah ye apu neterima kam iro. ¹³ Ke ngola ab masih bolum, ab ngerasa wajib pekingat kam nget kawan hal iro. ¹⁴ Leka ab ketoan himat sa ola eso ab sagar ngikah dunia ihe, leka Tuhan taka Yesus Kristus apu ali be istilah ngulek tong kam. ¹⁵ Leka iro ab sangkal bene dian biar ab apu mate, kam seleur ingat nget kawan hal ihe. Saksi Mate Kesolai Kemuliaan Kristus ¹⁶ Te kede kain ngulek tong kam ke solai mulia penyulet Tuhan taka Yesus Kristus kain sa mege te kawan kesah opau meresia. Kesolai mulia Kristus iro apu ite kain ali mate kain gegales. ¹⁷ Kain naan te biduh kede Da Yesus nahormat nelang na mulia ene Allah Ma. Te kede iro dinga engan ke ye Pengemulia ye ngulek tong Da, "Ihe Tia Ab ye nakasihi Ab, Da pesanang ate Ab!" ¹⁸ Kain gegales keringa engan iro sulet ke surga kede kain naan sendro Da te mundan gunung ye berasih iro. ¹⁹ Iro sebab ye kain lewi harap eso nget paket Allsh ye na ulek ene kawan nabi. Kebalikan ye kam mentaru paket iro, leka paket iro nget pelita ye ma'a te runa dendem empe mate olo sulet, nelang sahaya sentomoi pita suang ate ko. ²⁰ Ye membatang bene et kam kingat ihe: paket Allah ye na pekempe ene kawan nabi beloh ahan natapsir nget pendapat gegales. ²¹ Leka beloh pini paket ke Allah na ulek je makai ga meresia, et Roh Allah nguasa ulun dian pekempe paket ke Allah iro.