Petunjuk Khusus Kawan Budak ¹ Kawus ulun ye nanggung beban nget budak harus lei nganggap tuan ye nget ulun ye pantas mahan segala hormat dian aran Allah ali pengajaran taka sa na cela. ² Sedangkan kawan budak ye tuan da ye iro ulun harap, iya lei mengurangi rasa hormat ntong dali leka dali ro kawan aben seiman. Sebalik ye, kawan budak harus melayani tuan da ali buen bene leka ye nerima berkat pelayanan ye iro kawan ulun harap ali ye dali asih. Ajar ali nasehat hal-hal ihe ntong dali. Mengenai Ajaran Bali Ali Cinta Uang ³ Amun naan ulun ye ngajar ajaran bali ye sa sesuai ali pepaneran ye kune ke Tuhan taka Yesus Kristus uyang sesuai ali ajaran kesalehan, ⁴ da ro pembual ali sa paham ye na ajar. Da je tertarik ali perbantahan ye sa sehat, je ye memperdebatkan pepaneran ye justru tau ngene beiri ate, perpecahan, fitnah, ali curiga ye da'at ⁵ ali seleur ngene pemulo tei antara kawan ulun ye pikiran da apu rusak ali sa ketuju ye bene, ye ngekira bahwa kesalehan ro cara dian mahan keuntungan. ⁶ Akan tetapi, kesalehan ye nasertai rasa cukup sagar ngokoi manfaat ye solai. ⁷ Sebab, taka sa ngoit me me ke de letep tong dunia ali taka ade sa taru ngoit me me kede tong luar ke dunia ihe. ⁸ Amun naan pengokan ali pakaian taka sagar keinam cukup. ⁹ Ulun ye kakan jaji sugih lotu ntong suang pencobaan ali jebakan, ali berbagai nafsu ye budu ali ngene bahaya ye sagar ngene maser kawan ulun ntong suang kehancuran ali kebinasaan. ¹⁰ Sebab, sinta ali duit ye iro akar ke segala macam kejahatan. Kawan ulun ye nyatu duit apu menyimpang ke iman ali penare unuk da lei uyang berbagai dukacita. Sesenu Hal Ye Harus Naingat ¹¹ Akan tetapi, ko nget meresia ke Allah, buyo ko ke kawus ye iro. Dasu lei kebenean, kesalehan, iman, asih, ketabahan, ali kelembutan. ¹² Berjuang lei suang perjuangan iman ye buen ali be ege lei te bolum kekal ye dian dako na toak kede ko ngokoi pengakuan ye buen tei hadapan deo saksi. ¹³ Te hadapan Allah ye ngokoi pemolum munan segala sesuatu ali tei hadapan Yesus Kristus ye ngokoi pengakuan ye buen kede berhadapan ali Pontius Pilatus, ap merintah ko. ¹⁴ Kira ye ko melaksanakan perintah ihe ali sa bercacat uyang sa bercela mpe penyulet Tuhan taka Yesus Kristus. ¹⁵ Te taat ye na tentukan Da, Da sagar petendre unuk Da nget satu-satu ye Penguasa, Raja munan segala raja, ali Tuan munan segala tuan. ¹⁶ Da ro satu-satu ye kekal, ye nono suang terang ye sa, ye sa ke erai ulun pun pini kite atawa tau kite Da. Di Da, segala hormat ali kuasa ye kekal! Amin ¹⁷ Sementara iro, perintah kawan ulun sugih tei jaman ihe dion sa sakah atawa ngonok harapan te kesugihan ye sa pasti, tapi onok tei harapan ntong Allah ye ali melimpah nyedia segala sesuatu di taka dion na nikmati. ¹⁸ Perintah ko dali dian ngene ke buen, jaji sugih suang gawian ye buen, jaji ulun ye murah ate, ali siap berbagi. ¹⁹ Ali nget ro, dali sagar nyimpun harta di unuk dali tei nget daras ye buen dian waktu ye sagar sulet sehingga dali tau be ege bolum ye sesungguh ye ²⁰ Timotius, jaja lei se ye apu naharap ntong ko. Buyo ke pepaneran ye duniawi ali pepaneran ngopau ali pertentangan ye secara sala na otus "pengetahuan", ²¹ ye ali mengakui ye, iman sesenu ulun jaji menyimpang. Anugerah sendro ko.