¹ Lalu, malaikat kerimeh meniup trompetne, ngan ku mekirih sebuah bintang jetuh mesu rengit neg semu bumi,ngan ngasagne dogjogonne kunci rubang jurang maut. ² Depne mehmuka rubang jurang maut, meka sumalah asap mesu rubang hent, remeng asap mesu tungku de bahas, ngan metehsiru ngan angkasa moroi pite karena asap rubang hent. ³ Kemudian, mesu uha asap hent luwahlah engkadis-kadis neg semu bumi, ngan dent dogjogon kuasa remeng kuasa kalajengking ang bumi. ⁴ Ngan, ngasag dent dogpisenne agar kade ngerusak uduh-uduh bumi, tempuruh-tempuruh, atau pun puun-puun keyu, melainkanne hanya dent de kade mehgempune segel Tempa wang deih dent. ⁵ Dent kade dognijenne dedeg rakenebes dent, tetapi supaya menyiksa dent selama 5 buran; ngan siksaan hent sama remeng siksaan kalajengking saat depne mehyinget mesia. ⁶ Wang masa hent , mesia ra megau pengebes, tetapi dent kade mehteputkanne. dent ingin kebes, tetapi pengebes gindarne mesu dent. ⁷ Rupa engkadis-kadis hent remeng kuda-kuda de dogseniyapne dedag perang; ngan ang semu baak dent deh sesuatu remeng mahkota emas, jewi dent remeng jewi mesia. ⁸ Buruh dent remeng buruh kebendayuk ngan jipen dent remeng jipen singa, ⁹ ngan isuk dent remeng bejuh besi, ngan yu iraad dent remeng yu kereta-kereta dengan ahi kuda de berpacu neg medan perang. ¹⁰ Ngan, ungkai dent remeng kalajengking nagn deh pengyingetne, ngan ang uha ungkai dentlah deh kuasa dedag meh kedamne mesia selama 5 buran. ¹¹ Raja de memerintah dent edehlah malaikat jurang maut, de uha bahasa Ibrani genanne edehlah ''Abadon'', deegne uha bahasa Yunani genan-ne edelah ''Apolion''. ¹² Bencana de pertama mes lewat, tetapi masih deh 2 penderitaan biken de ra mendeg. Tropet Keenem Bekeyu ¹³ Lalu, malaikat de keenem meniup trompetne , ngan ku mehkeping suara mesu keempat tennuk altar* emas de deh ang jewi Tempa, ¹⁴ meyenna ngasag malaikat keenem de memegeh trompet hent, ''Lepasnelah keempat malaikat de dogkabet ang sungi Efrat de bahas hent.'' ¹⁵ Meka, keempat malaikat hent, de meh dog seniyepne dedag jam ngannu, buran ngan sewa hent, dognelepasne agar kenebes 1/3 umat mesia. Jumlah tentara berkuda dent edehlah 200 juta kiahine; ku mehkeping jumlah dent. ¹⁷ Ngan, menghentlah ku mekirih uha pengkirih* kudu-kuda hent ngan dent de nguru ang semune;bala penunggangne mehmengi bejuh besi deberwarna celak bejilau, biru pite, ngan siha remeng belerang; ngan baak kuda-kuda hent remeng baak singa ngan mesu beba dent luwah pui, asap, ngan belerang. ¹⁸ Dengan ketaruhnelah 1/3 mesia dogkenebes; dengan pui, asap, ngan belerang de luwah mesu beba dent. ¹⁹ Sebab, kekuatan kuda-kuda hent dogdeput wang beba ngan ungkai dent. Sebab, ungkai dent remeng nyipeh ngan mehgempune baak, ngan dengan hentlah dent menyiksa. ²⁰ Namun, mesia de selamat, de kade kebes bada bencana hent, tetap kade bertobat mesu penguna-penguna tengan dent, bahwa dent kade buleh menyembah roh-roh biek ngan berhala* mesu emas, perak, tembaga, batuh, atau keyuh; de kade deput mekirih, mehkeping atau pun bejalan, ²¹ ngan dent kade bertobat mesu kenebesne, sihir,* percabulan, ngan peneng ku.