¹ Onu Raya Paskah lansung du onu gik, imam-imam kupala ngant ahli-ahli Taurat gik ngogau cara ngadokdekiap Yesus samah tipu muslihat ngant komek-Nya. ² Sebab, datn nyonok, ''Yiak selama onu raya agar yiak jodi keributan nok antara rakyat.'' ³ Sementara Yesus biatn nok Betania, nok homing Simon sikusta, tika gik guhuk dik murni ngant mahal. Diapm mohuak guci hant ngant nuangnya koni somu kupala Yesus. ⁴ Dok tapi, biatn kudu nyo dik nyonok samah kosal nyik sama lain, ''Ngoniah boros minyak wangi mah te? ⁵ Sebab, minyak te bisa nijual 300 dinar lobiah ngant depit niminyuk nganu nyo musiketn.'' Ngant, datn pun nohuk dayua hant. ⁶ Namun, Yesus nyonok, ''Odung diapm. Ngoniah muk nyusahkan diapm? Diapm gik lakukan pubuatan dik baik bagi-Kuk. ⁷ Sebab, muk sulalu puk nyo musiketn busamamuk, muk bisa lakukan pubuatan baik bagi datn. Dok tapi, muk kai dok sulalu puk Kuk. ⁸ Dayua te jeh lakukan oniah dik diapm bisa. Diapm ngurapi opuk-Kuk lobiah tiyatn ngadok ngubur. ⁹ Kuk nyonok nganumuk dik subonarnya, nok kiah Injil nihito nok suluruh dunia, oniah dik jeh nibuat dayua hant gik dok nyonok bagai kusinyiat dok diapm.'' ¹⁰ Kumudian, Yudas Iskariot, salah nyik sok kudu bolas nabuah, obu nganu imam-imam kupala ngadok nyerahkan Yesus nganu datn. ¹¹ Tika datn ngopinknya, datn senag ngant bujanyi minyuk Yudas duet. Karna hant, Yudas ngogau kesempatan dik baik ngadok nyerah-Nya. ¹² Pada onu pertama Onu Raya Roti Kai Buhagi, tika datn ngurbankan nak domba Paskah, nabuah-nabuah Yesus misiak nganu-Nya, ''Koni kiahkoh Muk kehendaki mik ngadok obu nyiapkan bagi-Muk duak Paskah?'' ¹³ Lalu, Diapm nyonok du nyo nabuah-Nya ngant nyonok nganu datn, ''Obulah koni kota, ngant nyo dahi-dahi dik gik mant kendi buisi pink dok depitmuk. ngajahlah diapm, ¹⁴ ngant koni kiah saja namok, sanoknya nganu puk homing, ' Guru nyonok: Nok kiahkoh ruangan ahok Kuk depit duak Paska busama nabuah-nabuah-Kuk?' ¹⁵ Lalu, diapm dok nijuk nganumuk subuah ruang doi nok lantai somu dik jeh bupurabot ngant siap sudia. Siapkanlah perjamuan bagi yah nok nyih.'' ¹⁶ Kumudian, nabuah-nabuah obu ngant sapai nok kota. Nok nyih, datn depit tepat mah dik Yesus nyonok nganu datn, lalu datn nyiapkan Paskah. ¹⁷ Tika onu ngehip, moniklah Yesus busama kudu bolas nabuah. ¹⁸ Ngant, pada waktu datn gik guhuk ngant duak, Yesus nyonok, ''Kuknyonok dik subonarnya nganu muk, salah nyo sok antara muk, dik gik duak busama samah Kuk, dok hianati-Kuk.'' ¹⁹ Datn mulai nibuat sedih ngant nyonok nganu-Nya nyik demi nyik, ''Pasti bukan kuk kan?'' ²⁰ Yesus nyonok nganu datn, ''Diapm hantlah salah nyik sok du bolas nabuah, nyo dik celupkan roti sama Kuk koni wah makok. ²¹ Sebab, Nak Nasio dok obu, mah dik jeh tutulis tentang Diapm, tapi celakalah nyo dik olehnya Nak Nasio nihianati! Dok lobiah baik bagi nyo hant jika diapm kai suah nilahirkan.'' ²² Tika datn gik duak, Yesus monu roti, ngant jeh niberkati, Diapm hicak-hocaknya ngant minyuknya nganu datn, serta nyonok,'' ''Tonulah, te opuk-Kuk.'' ²³ Ngant, Diapm monu cawan, ngant ngucap syukur. Diapm minyuknya nganu datn, ngant datn sumua nyiniap sok cawan hant. ²⁴ Lalu, Yesus nyonok nganu datn, ''Telah doyok-Kuk, doyok perjanjian, dik nilolok bagi obeh nyo. ²⁵ Kuk nyonok nganumuk dik subonarnya, Kuk kai dok nyiniap gik hasel buok sok koyuh anggur, sapai pada onu tika Kuk nyiniap anggur dik bauh nok wah Haja Punopo.'' ²⁶ Setelah nyanyikan subuah lagu rohani, datn pun obu koni Dohik Zaitun. ²⁷ Kumudian, Yesus nyonok nganu datn, ''Muk sumua dok togatn Kuk, Kuk dok nyerang gembala, dok domba-domba hant dok tercerai-berai.' ²⁸ Dok tapi, jeh Kuk nibangkitkan, Kuk dok obu koni Galilea tiyatn muk.'' ²⁹ Namun, Petrus nyonok nganu-Nya, ''Sukalipun datn sumua togatnkan-Muk, tapi kuk kai.'' ³⁰ Ngant, Yesus nyonok nganunya, ''Kuk nyonok dik subonarnya nganumuk, ngehipm te, sebelum yap dahi bukokok du kali, muk dok nyangkal Kuk tohuah kali.'' ³¹ Dok tapi, Petrus bersikeras jawab, ''Sekalipun kuk harus kobek busama Muk, kuk kai dok nyangkal Muk!'' Ngant, datn sumua nyonok hal dik sam. ³² Kumudian, sapailah datn nok suatu ahok bunama Getsemani, ngant Diapm nyonok nganu nabuah-nabuah-Nya, ''Guhuklah nok te sementara Kuk budoa.'' ³³ Ngant, Diapm matn serta Petrus, ngant Yakobus, ngant Yohanes busama-Nya, ngant mulai jodi sangat golak ngant tutekan. ³⁴ Lalu, nyonok-Nya nganu datn, ''jiwa-Kuk sangat hampir kobek. Tetaplah togatn nok te ngant bujaga-jagalah.'' ³⁵ Maka, setelah ojuk gik, Diapm busujud nok somu poyok ngant budoa, jika mungkin, saat hant bulalu sok pada-Nya. ³⁶ Ngant, Diapm nyonok, ''Abba te sok-Kuk. Namun, bukan oniah dik Kuk kehendaki, lainkan oniah dik Muk hendaki.'' ³⁷ Kumudian, Diapm monik boliak ngant depit nabuah-nabuah-Nya, gik bis, ngant Diapm nyonok nganu Petrus, ''Simon, ngoniah muk bis? Kai bisakah muk bujaga-jagalah selama nyik jam? ³⁸ Bujaga-jagalah ngant budoa supaya muk kai hobuk koni wah pucobaan.minu memang punurut, tapi daging lomah.'' ³⁹ Ngatn gik, Diapm obu ngant budoa samah ngucapkan kusano dik sama. ⁴⁰ Ngant gik, Diapm ngant depit datn gik bis karna metih datn jeh ngatuak, ngant datn kai tahu harus jawab oniah nganu-Nya. ⁴¹ Jeh hant, Yesus monik ngadok kutohuak kalinya ngant nyonok nganu datn, ''Muk maseh bis ngant buistirahat? Cukup, saatnya jeh tiba. Hanong, Nak Nasio niserahkan koni wah tongan nyo-nyo budosa. ⁴² Mokatlah, boh yah obu. Honong, dik nyerahkan Kuk jeh somak.'' ⁴³ Copat jeh hant, sementara Yesus maseh ngomong, Yudas, salah nyo sok kudu bolas nabuah, monik busama nyo obeh samah podang ngant pentung, niutus oleh imam-imam kupala, ahli-ahli Taurat, ngant mutuh-mutuh bangsa Yahudi. ⁴⁴ Diapm dik nyerahkan minyuk datn suatu tana, katanya, ''Nyo dik dok kuk cium, Diapmlah Nyonya. Tangkap Diapm ngant matn Diapm obu nok wah pungawasan.'' ⁴⁵ Ngant, tika Yudas sapai, diapm copat somak Yesus ngannt nyonok, ''Rabi! Lalu, diapm cium Yesus. ⁴⁶ Kumidian, dat migit Yesus ngant nangkap-Nya. ⁴⁷ Namun, salah nyik sok datn dik tekit, cumuat podangnya ngant nyerang pulayan Imam doi, lalu motong kopinknya. ⁴⁸ Ngant, Yesus nyonoknganu datn, ''Oniahkah muk monik samah podang ngant pentung ngadok dekiap Kuk mah nyo purampok? ⁴⁹ Tiap onu, Kuk busama samahmuk nok Bait Punopo samial ngajar, tapi muk kai dekiap Kuk. Namun, hal te jodi supaya Kitab Suci depit nigenapi.'' ⁵⁰ Kumudian, datn sumua togatn-Nya ngant obu tediap. ⁵¹ Biatn nyo pumuda dik ngajah Yesus, hanya nginyak pocak lenan pada opuknya. Ngant, datn dekiapnya, ⁵² tapi diapm togatnkan pocak lenan hant ngant obu tediap samah lanyau. ⁵³ Kumudian, datn matn Yesus nganu Imam doeh. Ngant sumua imam kupala, ngant mutuh-mutuh, ngant ahli-ahli Taurat bupulua busama. ⁵⁴ Ngant, Petrus ngajah Yesus sok ojuk, sapai koni halaman homing Imam Doeh. Nok nyih, diapm guhuk busama para pungawal samial nyinuah diapm no perapian. ⁵⁵ Pra imam kupala ngant sumua Mahkamah Agama terus ngogau kesaksian ngadok lawan Yesus supaya datn depit komek-Nya, tapi dat kai depit apa-apa. ⁵⁶ Sebab, obeh nyo minyuk kesksian palsu ngadok lawan-Nya, tapi kesksian datn kai susuai nyik sama lain. ⁵⁷ Kumudian, kudu nyo tekit ngant minyuk kesaksian palsu ngadok Yesus, katanya, ⁵⁸ ''Mik ngopink Diapm nyonok, 'Kuk dok robohkan Bait Punopo buatan tongan nasio, ngant wah tohuah onu, Kuk dok bangun dik lainnya dik kai nibuat samah tongan.'' ⁵⁹ Namun, ngadok hal te pun kesaksian datn kai susuai nyik sama lain. ⁶⁰ Lalu, Imam doeh nok tudok-tudok datn ngant misiak nganu Yesus, ''Oniahkoh Muk kai minyuk jawaban nganu nyo-nyo dik busaksi lawan-Muk?'' ⁶¹ Dok tapi, Diapm tetap motink ngant kai jawab. Imam doeh misiak gik nganu Yesus ngant datn, ''Oniahkoh Muk Mesias, Nak Punopo dik Tupuji?'' ⁶² Ngant, Yesus nyonok, ''Kuklah Diapm, ngant muk dok honong Nak Nasio guhuk nok supiak touh dik Mahakuasa ngant monik busama samah awan-awan nok honyiat.'' ⁶³ Lalu, samial ngujat jubahnya, Imam doeh nyonok, ''Ngoniah yah masih poholu saksi gik? ⁶⁴ Muk jeh ngopink hujatan. Oniah kuputusanmuk?'' Ngant , datn sumua ngukupm-Nya samah hukuman mati. ⁶⁵ kudu nyo mulai hucuah Diapm, ngant nutup jowi-Nya, ngant ninju-Nya, ngant nyonok nganu-Nya, ''Bunubuatlah!'' Para pungawal himo-Nya samah napar-Nya. ⁶⁶ Ngant, sementara Petrus masih biatn nok sigatn halaman homing Imam doeh, salah nyo pulayan dayua Imam doeh monik. ⁶⁷ Ngant, honong Petrus gik nyinuah tediapm, pulayan hant ngadapnya ngant nyonok, ''Muk gik busama Yesus, Nyo Nazaret hant.'' ⁶⁸ Namun, Petrus nyangkal samial datn, ''Kuk kai tau ngant kai tuhiti oniah dik muk nyonok.'' Llu, diapm obu koni mit gerbang, ngant yap jantan bukokok. ⁶⁹ Pulayan dayua hant honong Petrus sukali gik ngant mulai nyonok gik nganu nyo-nyo dik tekit, ''Nyo te hantlah salah nyik sok datn.'' ⁷⁰ Dok tapi, Diapm nyangkalnya gik. Ngant, kai oti kumudian, nyo-nyo dik tekit nyonok gik nganu Petrus, ''Muk pasti salah nyik sok datn karna muk gik nyo Galilea.'' ⁷¹ Namun, Diapm ngutuk ngant busupah, ''Kuk kai kinal Nyo dik muk nyonok!'' ⁷² Copat, yap jantan bukokok ngadok kudu kalinya ngant Petrus nyiatn dok oniah dik jeh Yesus nyonok nganunya, ''Sebelum yap jantan bukokok du kali, muk dok nyangkal Kuk tohuah kali.'' Lalu, Petrus kai depit nahan nongis.