¹ Kano han, balo posik dik kudus, mo dik mpo bagian uwoh penosu surgawi, tatilah Yesus, Sang Rasul ngan Imam Besar pengakuan dek, ² dik setia nganu de dik jeh notap-De'e, supo moh Musa dik setia nting sodo homing-De'e . ³ Sebab, Yesus dianggap layak nyok nopak kemuliaan dik lobeh daik ngisak Musa, moh halnya nyo mongki homing dik nopak kehormatan lobeh daik ngisak nyo dik mpo homing han todek. ⁴ (Sebab, tiok homing nyo dik mbangun, tetapi mbangun sak segalo sesuatu adalah Allah). ⁵ Musa setia nting sodo homing Allah nyodi nyo pelayan, nyok nyilo kesaksian kone hal-hal dik akan nenyono kemudian onu. ⁶ Namun, Kristus setia nyodi Onok nting homing Allah, yaitu dek, mak dek totap berpegang teguh kone keyakinan ngan pengharapan dik dek banggakan sampai pungkosik. Teruslah Nyunoe Allah ⁷ Kano han, moh dik Roh Kudus nyono, "Libo onu to, mak mo ngoping asong-De'e, ⁸ yoklah kohah owongmo moh pemberontakan dik mo ngkodi libo onu pencobaan nting padang gurun, ⁹ yaitu libo nek moyangmo mencobai Ko ngan ntilek pengodi-pengodi-Ko kotai mpak puhu sowo. ¹⁰ Sebab hanlah Ko nohuh kone generasi han ngan nyono, 'Oti balo selalu sesat ngan balo kae thiti johan-johan-Ko.' ¹¹ jodi, Ko sumpoh uwoh penohuh-Ko: 'Balo kae akan masok kone ahong perhentian-Ko."' ¹² Ahing-ahinglah balo Posik, yoklah bise nting antara mo dik mpo oti dik kubiek ngan dik kae cayok, dik mongki mo berpaling sak Allah dik midek. ¹³ Sebaliknya, nasihatilah golek ngan dik biking tiok onu, selama bayu bise dik nyono"onu to" supayo kae bise nting antara mo dik kohah oleh tipu daya duso ¹⁴ Dek jeh nokek bagian nting uwoh Kristus, mak dek tingak teguh kone keyakinan dek dik puntojis sampai kone dik pungkosik. ¹⁵ Moh tertulis, "Libo onu to, mak mo ngoping asong-De'e, yoklah kohah owong mo moh pemberontakan." ¹⁶ Oseh balo nyo dik jeh ngoping asong Allah, tetapi memberontak? Kaekoh balo sodo dik keluwoh sak Mesir nting sigan kepemimpinan Musa? ¹⁷ Ngan, nganu osehkoh Allah nohuh kotai mpak puhu sowo? Kaekoh nganu balo dik mongki duso sehingga mayat balo bampoh nting padang gurun? ¹⁸ Ngan, nganu oseh Allah nyumpoh bahwa balo kae akan suwoh masok kone ahong perhentian-De'e, mak biking nganu balo dik kae taat? ¹⁹ Jodi, dek ntilek bahwa balo kae dopak masok kano balo kae cayok.